校園愛情治療師: 關愛座

返到屋企已經八點，
啱啱閂咗門家姐就出聲，

「喂我好肚餓，快d煮飯。去咗邊到黎，
咁遲先返想餓死小姐我?」

「咁大個人肚餓唔識自己煮架?」

說罷我都係走入廚房睇吓有咩煮，





「等咗好耐都冇巴士所以遲咗。」

「你唔係行路返黎架咩？等咩巴士。」

「…… 有個客要我陪佢搭巴士。」

「你仲做緊嗰份收錢帶人綠帽嘅工?
真係有人咁鐘意帶綠帽?」

「都話愛情治療師，咩綠帽。」





家姐突然笑咗幾聲。
「乜呢個年代仲有人用醫拗柴黎識女仔，
喂你睇吓係咪你d同事黎，一樣咁白痴架。」

「……」

不過我都係走咗出去，睇佢講ig嗰個post。

「邊個黎?」





「我d師妹掛? 喂應該同你同form喎。」

我望一望profile張相，

「……」

我走返入廚房繼續煮飯，諗緊加唔加佢錢好，
份約好似唔包售後開po，佢咁樣係咪玩野。

「咦？仲有hashtag關愛座wo。」

家姐一路講一路走入黎，抬高頭望住我。

我臉色一變。





「哈，仲唔係你！」

「……再嘈冇飯你食。」

「唔食…哈哈哈…咪唔食…傻仔啊！」

佢笑得更加誇張。





食完飯當然係我洗碗，家姐似乎有其他野做，
唔得閒笑我，我乘機喺ig度search頭先個女仔,




見到private account咁我當然諗都唔諗follow佢啦，
唔係點攞證據去收錢。

不過一個女仔得三個post都算少，
有一個係關愛座，搞到我好好奇嗰二個係咩。

「喂！」

我嚇到震咗下，

「鬼鬼祟祟咁，我個friend個妹諗住讀體育喎，
想問你辛唔辛苦啊。」

「……佢體能點? 筆試唔難，都係背下就得。」





「佢地話搵日出黎傾下喎，Emily你識架啦，
你地自己搞掂佢啦。」

「聽講好似係你個friend個妹，唔係我個妹喎。」

「是但啦，我沖涼先啦。」