校園愛情治療師: Come on James

返學等放學，放學就唔係飲可樂，
因為始終都要開工。

我同個客講咗話落canteen一路飲野一路傾，
唔知佢到咗未呢?我連佢個樣係點都未知，
如果遲咗落去可能人影都見唔到，
行快幾步先。

經過上次件事，
班同學反而同我保持咗一D距離，




可能因為女神同我嘅接觸，
你要知道，我間學校得五個女神。


「飲咩好呢?就鈣B寶啦。」

我買咗野飲順便望出去操場，
今日好似係女籃練習嘅日子，
傾完睇唔睇一陣，頂，唔好諗，即刻走。











「你係?」


我面前呢位白白淨無性病嘅應該係今次嘅客，




唔好話女，我諗佢仔都溝唔少，由佢個髮型，
同佢手上嗰杯starfuck，我有極理由懷疑
佢





係一個男人，唔係女人。




「啊同學，係咪有問題未解決，
要治療師幫手?」




「你....就係治療師?同我想像嘅好唔同，
至少我認為唔會係運動型嘅人。」


「唔好咁多客套說話啦，入正題好冇?」

「好，反正我都約咗人食飯，
咁首先我係form5B嘅，你可以叫我James,
我同我女朋友係旅遊上面出咗問題....

「等等，你唔好同我講你想去九寨溝，
而你女朋友想去歐洲wo。」

「吓，唔係啊！?係我想去歐洲，
而佢想去九寨溝，所以鬧咗場交，




我明明想佢習慣下上流社會嘅生活，
點知佢竟然話冇錢，唔可以去，
I am not talking about money，
佢可能冇錢，但係我有，只要我出聲，
同佢環遊世界都得啦，你話係咪?」



「係，係，係，



咁其實有D咩問題呢?
我認為唔算嚴重，如果女朋友想去，
咪就佢囉，你都識講你冇經濟問題，




想去邊都得，
但係最重要係你同女朋友之間嘅回憶，
點解你唔聽下佢嘅意見，
起碼比一次機會佢，明唔明?」


「我想佢習慣我嘅生活，如果返中國，
同普通人有咩分別啊!」




「你冷靜D先，你希望我令你女朋友回心轉意，定係修補番你地嘅關係?」

「兩個都要，錢唔係問題，不過冇得失敗。」








James講完就起身走人，留低我一個。
「比一個咁嘅局我玩，有錢真好。」


四點三，班女籃都開始練波，
我搵咗一個陰涼，又可以望到佢地練波嘅地方坐低，hea到五點。

冇錯，我就係咁，話唔睇都係睇，吹啊?









夏日炎炎正好眠，加上女籃拍波聲，我進入咗一個似睡非睡嘅狀態。