校園愛情治療師: 熱豆花加紅豆

「究竟一對男女身份地位差天共地應該要點相處呢?」

我心諗。

夜晚嘅海濱係一個好好嘅思考場所，
吹起嘅海風會帶走跑步時嘅熱量，
同平息焦躁嘅情緒。

而呢次係我最唔想面對嘅問題，我亦都唔知點解決。





我稍微調整一下呼吸，

鍾意海濱嘅另一個原因係呢度有形形色色
嘅人，每個人都有佢地獨特生活嘅方式同態度，
各自有各自嘅心思，但又一齊相聚喺同一個地方。
至少喺呢一刻我地都視呢個地方係可以安心嘅地方。

同我一樣跑步嘅人，喺海邊飲酒吹水嘅人，
靜靜地咁坐喺度諗野，
聽人講野嘅人，或者住喺公園嘅人……






好風景多的是 夕陽平常事
然而每天眼見的 永遠不相似

「最後一圈快」

我心諗











感受住急速嘅心跳，慢慢跑到去洗手間附近，
用拉筋放鬆緊繃住嘅肌肉。

我望一望電話，差唔多時候去搵另一個治療師，
嚴格啲黎講佢先係真正嘅愛情治療師，
我只係做出面同聯絡，順住
海濱隔離嘅籃球場一路行落去10分鐘就會去到佢嘅舖頭。


比起海濱，球場呢邊相當冷清，得幾個人喺度飲酒，




自己一個對住大海或者有另一份平靜……






「生記甜品」

無錯，話就話係佢嘅鋪頭，其實係佢一家人開嘅糖水鋪，
我無視排緊隊嘅人嘅目光，
直接向住收銀嘅方向打聲招呼。

「Auntie。」





「銘仔你黎拿，快啲入去坐。」

我對阿姨微一微笑，行到最入面近廚房嗰張枱，唯一嘅伙
記好自然咁走埋黎。

「照舊熱豆花加紅豆」

佢木無表情咁行開咗，而我一面笑容咁望住佢。