唔係掛！原來真係有鬼！－現代捉鬼故事: 第五章 - 供與求 - 13

「好 ！收錢時間！套野原價萬二！實收8千8！」 
又黎！點解每個超自然能力既項目同用品都係咁q貴！ 

「我比啦！當係送比呢個o靚仔既入行禮物。」師傅豪氣地拎出佢既白金信用卡。 

「得唔得架，一陣又碌爆卡我就一定笑你。」 

「白金喎！點會咁易爆！」師傅對住信用卡輕輕一彈。 

「依家阿豬阿豬都可以有白金卡架啦！大學生冇工作能力都可以申請！ 




上次單眼佬先講完類似既野。」師傅聽完金仔既說話，面色一沉。 

「喂！係喇！我要既野搞掂未？」 

「一早搞掂啦！」金仔由櫃入面拎出一楝黃金籌碼。 
一個個籌碼閃閃發光，加上房入面既大射燈，我突然覺得自己去左周大福一樣。 

「幾錢呀？」

「今日金價每安士1300 美金，呢度都用唔到一安士，收順ｄ收1萬啦。」 





「你唔好去搶？用唔到一安士又收我一安士咁既價！」 

「人工唔駛錢呀？你咁叻你咪搵過第二個整囉，反正成條街個個都即整封魔容器架啦！」金仔講到呢到冷冷一笑。獨市生意，如果要做你，你唔好話1萬， 
10萬你都要比啦。 

「唉，怕左你，埋單啦！」師傅拎出銀包，數算自己銀包入面既銀紙，再睇睇佢個表情，睇黎今個月師傅都應該幾拮据。 

「鬼叫你要型咩！拎真金鍍落個籌碼度用封魔容器！平平地用啤牌唔得既。」 
金仔諷刺咁串師傅。 





「係唔係乜野都可以做封魔容器架？」我細細聲問師傅。 

「靈力愈大既靈體，就需要愈大面積既容器先收到，當然你修行愈高，你就可以將同樣既靈體收o係愈細既空間。其實一般情況下，我可以將依家常見既靈體收o係ｄ比籌碼再細d既容器。你就用住啤牌先啦！」師傅解答道。 

「咁點解你仲要用籌碼，仲要鍍金？」 

「乜都假，最緊要型！」對住呢個乜都係樣行先既師傅，我真係冇佢收。