唔係掛！原來真係有鬼！－現代捉鬼故事: 第五章 - 供與求 - 12

「人其實只係一個統稱。人包括兩樣野，第一係靈魂，第二係肉體。靈魂就好似肉體既driver 咁，你冇左靈魂，肉體係run 唔到，講到呢度你明唔明先？」

我點一點頭。

「每個人死之後，靈魂都會被帶到靈界。咁點定義呢個人已經死左呢？人類將死既定義係心臟同大腦停止喪失功用既一刻，但係靈界既定義就係『完成佢最大既使命』既一刻。所以中國人有句說話，就係話一個靈體如果有心事未了，去唔到投胎，呢句說話都有根有據。而對使命既執著愈大，靈體既力量亦會愈大。聽到呢度，你明白點解會有靈體留ｏ係人間未？」

「非常之咁明白。」聽完金仔解釋之後，
我開始知道點解達德既中女Miss 會為左班學生連命都唔要。
因為佢眼中既”使命”比佢既”生命”更重要。





「除左鬼之外，其實我地呢ｄ捉鬼既...」
「係守護者。」師傅插咀道。

「係係....咁我地呢d守護者既工作同職責係咩？」

「捉鬼既人，有兩種。一種係以【萬物皆善】為理念既守護者Wächter（音:wester)，而另一種就係認為【魔皆害人必須滅】既獵妖眾Jäger(音E-Ga)，而依家兩大派系最主要既工作，都令到人間可以正常計行。相比起過去咁多個世紀，現代既人好自大。佢地一直都以為自己係地球，甚至係世界上面，唯一既智慧物種。咁當然就唔o岩啦。世界上面有好多現時人類科學未解釋到既野，o係十二世紀開始，歐洲出現女巫獵殺活動。人類開始將一d自己接受唔到既事埋沒。例如係一d現今稱為超自然既力量。例如係幽靈，即係你叫既鬼；又或者好多古書所記下既魔獸。不過依家好多都拎曬黎做小說主角架喇。另外呢d超自然力量當中包括你已經識既幻術、西方巫術、東方既鬼道、召喚術、元素術呢五大type。」金仔一口氣講出大量只有小說先會出現既字眼。

「即係哈利波特o個d呀？」我問完之後都覺得唔好意思。
因為呢個問題真係好似好低b。





「哈利波特係其中一種，你唔接觸下我又好難一時三刻同你講清楚。」

我愈聽愈一頭霧水，乜叉野元素術，
乜野鬼道巫術，就算集合我咁多年既打機經驗我都仲未整理到依家既情況出黎。

「唉，我好快咁講一次比你聽，你記到幾多就幾多啦。」

「下...仲黎！？」我心諗。
依家咁樣真係辛苦過返學。





「幻術，係以腦部影響自己，甚至係身邊人既催眠術。你可以令其他人出現幻覺，影響其五官能力。同時亦可以催眠自己，好似幻想自己比火燒，令身體反應同動作比平常人更快更有力。

巫術，當中包括草藥、交流術、模擬術等等，交流術即係讀心術，模擬術即係型態上既變化，你睇小說o個d狼人呀,識變身既人多數都係巫師。唔明既番去睇哈利波特。

鬼道師，即係中國既茅山道士又或者係鬼佬既驅魔師咁，以符咒向神明借力打力。

召喚術，有人又叫呢班人做死靈法師。佢地善長將靈界既靈魂，召喚出黎為佢地作戰。另外亦有一種召喚師係可以將自己腦入面幻想出黎嘅野召喚出黎，不過呢ｄ就真係睇個人既資質。

最後，就係元素術，呢種術既使用者可以操控大自然之力為自己作戰，動物植物，只係係生物都可以，有ｄ甚至可以運用大氣元素，如果他朝你遇到一個好強既元素師要與你為敵，我都係建議你即刻走。」

金仔講到呢度，同師傅對望而笑。

「又有ｄ咩秘密呀你兩個...」金仔呢個反應相當有嫌疑。

「除非你老豆發癲又或者你得罪左佢啦，如果唔係你都應該唔駛同香港其中一個最top 既元素師對決既！」師傅補充咁講。





「依家再塞野比佢佢都聽唔曬架啦，放過佢啦。」金仔即時幫我講番句好說話，又或者佢真係開始有ｄ累。