唔係掛！原來真係有鬼！－現代捉鬼故事: 第五章 - 供與求 - 5

我慢慢行到收銀檯前既位置，每一步都好小心。
唔知一陣身邊貨架上面邊一支巨根會變成我小菊花既打樁機。

「H..HI.....單眼叔叔。」對住一個點睇都只係四十幾歲既男人叫歲歲，
感覺有點古怪。

單眼佬同師傅對望一下，之後一齊對天大笑。

「哈哈哈哈！」
 「你徒弟仔都幾聽話架喎！」單眼佬輕輕抹去眼角既淚水。





「唔係你估！」師傅戚一戚眉，以示自己對我既調教感到無比自信。

「喂，唔玩喇，金仔呢？」師傅收起笑容，樣子回復正經。
不過佢正經既樣依然係一面輕鬆自在既表情。

「後面啦，」單眼佬指指身後既牆壁。
「自己入去啦，唔招呼喇！」單眼佬行番去收銀位，拎出手機繼續做低頭族。

師傅帶住我走到矮櫃既另一邊。




另一邊有一度掛住長布簾既門。

師傅將布簾撥開。
陰暗既房間同頭先既 『阿信屋』完全為兩個唔同世界。
『阿信屋』充滿住男人既喜樂，為一個個無知既男孩帶黎新刺激；
相反房間入面，只有幾盞Led 射燈作照明，
除左照射既燈光位置，你根本唔會知黑暗入面有乜野等緊你。

其中一排射燈照住牆上面既一個白色鐵架。
一個個細少既正方形組成既鐵架上，有幾支較上長既鐵支以水平角度伸出。




幾支為一個單位，組既排位，距離亦有所不同。


如果依個組合o係百佳出現，佢會被稱為貨架。
但如果o係對槍械有認知既人面前，佢多數會被稱為槍架。

槍架既最頂部位置，放置住幾支IPSC 常見既槍械。
1911、M92F，仲有幾支已經改到認都認唔到。
加長槍管、特制火帽、擴充彈夾再加上CMORE 鏡。

只能講呢幾支野，真係唔打得都睇得。

自從睇完哥哥套《槍王》以來，每次玩親射擊遊戲，
我都會幻想有人O係我身邊問：「Shooter are you READY?」
呢個時候我會點一點頭，遊戲機亦會好似了解我既意義，




大叫”ACTION！”。

我認唔住內心既衝動，想伸手摸下面前呢一支以彭奕行既愛槍為藍本而改裝既全黑色SVI Infinity 到底有幾把炮。