唔係掛！原來真係有鬼！－現代捉鬼故事: 第五章 - 供與求 - 4

比起之前o係女人街既檔口，o個邊真係小巫見大巫。
數百呎的空間，在香港人手上，絕對可以充分運用每一吋空間。

如果唔計女人街o個次，今次係我咁大個仔，第一次行入性商店。
店內沒有電影中的性感熱褲妹；亦沒有笑意淫淫既咸濕大叔行埋黎問我：係唔係第一次黎。

如果你問我對呢度既感覺，我只能話你聽，呢度係一間專賣成人用品既阿信屋。
超市式巨型吊於冷氣機糟的橫額，櫃架上的特價促銷紙牌；
最大既分別係，架上面既再唔係芝士麵又或者係日式小食，
而變成一盒盒我除左細個上Human bio 堂之外，




都冇再掂過既安全套。

師傅o係架上拎起一個個以唔同女優相片作包裝既紙盒，
就好似師拉拎起兩包意粉睇緊邊包抵買ｄ一樣。

「師傅....」我俏俏行埋師傅身邊，細細聲問。
「嗯？」
「你話帶我買好野，就係買呢d呀？」我以不屑既眼光偷偷睇下佢有乜反應。
可怕師傅只專注手上既女優名器。





「喂你話波多野正d定明日花正d？」師傅以認真既態度問。

「識睇就一定係睇明日花！」我冇講出聲，因為我唔想破壞我乖乖仔既形象，
萬一佢同我老豆打小報告，到時我就真係死得。
我唔想廿二歲人先黎比老豆o係我部機裝d乜鬼”兒童保護過濾器”。

「咁如果係林志玲同李壁琦呢？」師傅垂底兩隻拎住名器既手，
以誠懇既眼光再問我。

估唔到師傅咁巧妙咁利用兩個娛樂圈人物黎取代兩個當紅而知名既女優。





「林志玲好似正d...」我吞吞吐吐咁回答。

「其實why not both？」師傅笑淫淫咁將兩個包裝盒塞落我度，
我下意識一接。老老實實，我最憎人地比a同b 你揀，但係最後問番你點解唔揀c,
又或者點解唔ab 要曬。頂你咩，由細到大既mc 不嬲都剩係可以揀一個答案架啦！

「其實我鐘意明日花多ｄ。」我自言自語。

「喂！單眼佬！」師傅舉高右手步向位於店內其中一個矮玻璃櫃末端既收銀機位置。
一個身穿恤衫，頭髮濃密，眼戴金絲眼鏡既中年肥佬，
半挨半企o係呢個有幾份似藥房既矮玻璃櫃邊緣。

「點呀Cloud 哥！」
「唔駛加個哥啦，叫我細佬得啦！」師傅雙手抱拳，低頭一笑。




「有冇乜新野呀？」師傅追問。

「咪你頭先拎起手睇o個個波多野囉，呢排唔知做乜好多後生仔買！」

「你係咪少上網呀？呢排o個舊野o係網上面Hit 到爆！有高登巴打話自己平時持久過磁力王，一用舊野，即刻變左西部牛仔！」師傅講到眉飛色舞，
無他既，我諗佢應該係睇左有個巴打既開箱文，老老實實，睇完我都想試。

「有冇咁勁呀？」單眼佬一面對我師傅單眼，
一面講。

「堅架，我吹水真係乜都得！」師傅呢個時候轉個頭，對我招手。
「俊仔，過黎比單眼叔叔咸濕下！」我望住櫃檯既二人，突然感覺到菊花有點陰陰的涼意。