唔係掛！原來真係有鬼！－現代捉鬼故事: 第五章 - 供與求 - 3

銅鑼灣，同旺角一樣係香港時下年青人最鍾意去既地方之一。
商店、餐廳、書局、戲院、k房，基本上城市人需要既消遣佢全部都有。
消費高中低亦豐儉由人。

我地由sogo 出口出，沿住行往世貿既方向。
行到銅鑼坊對面既其中一楝商業大廈。

「呢度，跟我行。」
師傅走左入商業大廈既大堂。
看更打量一下我地，同我地講：「先生，麻煩你比個身份証我做登記。」





師傅雙眼望住看更，
「唔好意思，你叫我做乜話？」

看更突然好似失左平衡一樣，向後一仆。
但係好快就重新攞番重心，企番起身。

但係重新企起身既看更，
笑笑口對住我地，難聽ｄ講，直頭好似見到主人既狗一樣。
「唔好意思呀兩位靚女！我老眼暈花！哈哈哈！」





看更會無啦啦對兩條麻甩佬咁好口，
仲叫我地做靚女，我大約都知道乜野事。

入到電梯，師傅撳左個17字。
電梯緩緩關起閘門。
17字隔離貼住一個小小既貼紙，寫住神算子珠心算學校。

「師傅，你帶我去學珠心算？！有乜用架？」





「你上到去你就知。」

「叮。」電梯門再次打開。
大堂有左右兩個單位。
一排圓櫈排列在單位之外。
一班小朋友拎住袋仔，o係空氣中不停做出打算盤既手勢。
年紀大ｄ既就口中念念有詞，唔知既以為去左神經病院。

我隔住玻璃向內打量。
粉藍色同白色為主色調設計既reception，
入面就係一條連住唔同班房既走廊。

除左見到reception 度企左個留住一副陰既長髮妹妹，
老實講我真係乜都睇唔到。
不過佢清清純純都幾o岩我口味。





Reception 妹妹似乎留意到我既窺探，
不過亦好有禮貌咁同我笑一笑。
隨即放底手上既工作，慢慢行向門口。

「Hello 先生，請問你係唔係有小朋友想報讀我地課程？」
Reception 小姐好有禮貌咁問。

「喂！」師傅將我由呢個溫馨既對話度拉番出黎。
「呢邊呀死仔。」師傅於鋪頭內，以手反開掛於門口既簾，
伸左半身出黎。
布簾由上垂下，長度剛剛好可以將你既半胸以上既位置住部遮住，
尢如信和賣四仔既店鋪一樣。

「過黎啦！呢度有好多好野！」師傅隨手將一個紙盒向我掉過黎。




我雙手一接。
之後將盒轉到合適既可視角度。

盒上面既人，我熟到不得了。
我每晚都想同佢玉帛相見，但係呢一刻我拎住呢個盒，
我只係想立即收埋佢，又或者希望我從來冇出過世。

盒上面印住既係有日本版李璧琦之稱既明日花綺羅！
中間透明膠片令我，甚至乎係身邊既大家都清楚見到盒入面肉色同粉紅色既物品。

我望一望身邊既reception 妹妹，再望望身邊既小朋友同家長。
家長們已經老早將雙手放o係小朋友既眼前。
 「um...我諗我搵錯地方，打...打搞曬。」
回覆完reception 妹妹既問題，我已經唔敢再望身邊各人既反應。
我低下頭，用風褸既帽凹住自己個頭，神速閃左入左邊既成人用品專門店入面。