唔係掛！原來真係有鬼！－現代捉鬼故事: 第五章 - 供與求 - 2

「唉！我都唔想少左個幫我搵seed 既孝子徒弟。」
師傅　對住一個冇seed 既av post ，o係快速回覆o個格，高速打上”冇seed咪學人開post啦你老母”。
如果師傅玩the typing of the dead，分分鐘真係可以一命爆。

「哥哥帶你去買野玩！」師傅企起身，拎起拎住o係油壓椅上既黑色女裝長外套準備出門。
師傅身材比一般成年男人瘦削，仿佛由外表已經話左比人聽佢係一個食極都唔肥既小毒男，
又或者係一個得把聲既排骨mk。
「喂老野！」師傅對住老細房大叫，「我帶你個仔去搵金仔呀！」

「咁快？佢得架喇？」





「你個仔黎架嘛！唔得都係你冇仔送終o者！」

「如果我個仔咁易死，就由佢啦！」

睇住師傅同老豆既一段對話，我唔知好嬲定好笑。
嬲既係，老豆可以視我如草芥。
但係諗深一層，老豆係對我有絕對既信任同埋信心，先會放手將我交比師傅。

其實我都好想有一日同老豆既關係好似師傅同老豆咁，




就咁睇，其實師傅比我更似老豆個仔。

「行喇！駛唔駛入去同爸爸goodbye kiss 呀？」
「Kiss 你屎忽！」我聽到師傅既嘲諷，認不住頂左佢兩句，
「係唔係呀？我除褲架喇！哈哈！」

「咁依家去邊呀？」我跟住師傅，行番出長長既公司走廊。
「跟住黎啦，唔駛問咁多既。」師傅輕輕一笑。

好人好者無啦啦咁笑，我硬係覺得有ｄ唔妥。





離開朗豪坊，去到旺角地鐵站。
5點既旺角站少左一班出黎做野既城市人，
卻多左一班九唔搭八既mk。
 我地登上前往中環既荃灣線，o係金鐘轉左前往柴灣既另一架列車。

「喂，講得我地去邊未呀？」我表現到有點不耐煩。

「帶你去買好野啦！」師傅雙眉一戚。
再次展露佢ｏ個個只有av 先會出現既咸濕佬微笑。

我咪起雙眼望住師傅，一面懷疑既目光。
師傅則無理我，雙眼只係注意住由金鐘上車既黑絲妹妹。

「下一站銅鑼灣，the next station is Causeway Bay。」





「到喇！呢個站落車！」