唔係掛！原來真係有鬼！－現代捉鬼故事: 第四章－達德行－18

「x!」呢個字我真係想爆出黎，
但係我身體o係我講呢句野之已經另轉左身。

唔知痴左邊條線，我走去望均所有廁格，但係廁格依然只有垃圾同石屎。
唔通真係咁眼訓？我望望手提電話，依家連12點都未夠。

「車~都冇野睇既！」Yan睇完廁所，發現唔到任何異樣，即時神氣起黎。

「哈哈~車~達德~都係不外如事o者！」肥榮呢個時間都開聲，
可能大家經過左最可怕既地方，所以都放鬆曬。





「反正都黎到喇，不如行埋ｄ課室先啦！」Bella 亦冇之前咁驚。

「唔好啦，11點喇，再行一陣12點鬼門關開架喇！」Phoebe 話。

「車！你咪生人唔生膽啦！咩鬼門關，我就唔信喇。」肥榮見Phoebe 淆底，
即時報番之前比人串咀既仇。

「好快咋嘛，11點半前走啦，好唔好？」阿Yan安慰咁講。





「嗯。」Phoebe 點點頭。

我地一行七個人離開左廁所，慢慢咁經過走廊，行埋校舍既二樓。
走廊同依家好多學校一樣，一邊係班房，
而另一邊就係一道矮牆，學生可以望到操場既環境。

二樓既班房明確比頭先見到既班房保留得好。
可能地下o個層成日有人黎打wargame，所以學校既設施唔夠二樓保存得好。
最起碼，我見到有一排排既學生檯。





步入第一個課室，整齊既檯櫈，令我諗番以前細個中學既日子。

我中學過得一ｄ都唔好，
返學比人玩，女神又追唔到。
幾年既中學光陰我都係登入周公online。

呢度既班房同我地依家班房最大既分別就係冇電子儀氣啦，
同埋有兩度門。

班房前面有一度門，而後面亦有一度。

我地行過一個又一個既課室，
亦都如大家所願，乜鬼都見唔到。

終於行到走廊既盡頭，原來盡頭都有條樓梯。




我自己已經對班房冇乜特別興趣，
當大家仲o係二樓盡頭既班房搜索緊既時候，
我自己走左出走廊，望住個空礦既操場。

「嗚～我係鬼呀～～～」突然背後出現左把扮到好低沉既女仔聲，
呢個時侯我真係唔知好嬲定好笑。