唔係掛！原來真係有鬼！－現代捉鬼故事: 第四章－達德行－19

「你係鬼呀？咁等我收左你先！」我突如其來轉身，
打算捉住o係我身後扮鬼扮馬既Smoky，
但係一個閃身已經比佢避開左。

「你個咸濕道士！」Smoky 向我額頭彈左一下。

「玩下咋嘛！你睇下佢地得未啦，好鬼凍呀！」
我背對住操場，望住房入面既大家。
Smoky 亦背住個操場，身體挨住矮牆。
完全冇想走入班房既意圖。





「喂呀，幫我叫啦，我唔識同女人溝通。」

「咁你又識同我溝通？」

「你唔係女人嘛。」

「你去死啦！」Smoky 作狀打左我一拳。






「好喇~差唔多喇！」Yan 企左o係班房門口大聲叫。
「再唔走Phoebe 就罵鬼我架喇！」
Phoebe 聽到Yan既恥笑，難免有少少不悅。

大家圍住背靠操場既我同Smoky。

「依家就11點25分，都仲早過我頭先講既時間5分鐘啦！」
Yan 得得戚戚咁講。

「不如我地自拍丫！我想影相上FB！」Hidy拎出自己部手提電話。





「你部機唔係頭先死左咩？」Phoebe 問。

「唔知wor，無啦啦又得番！」Hidy 答。

Hidy 拎起佢部iPhone用機背對住我地咁影。

「點解你唔用前置鏡頭呢？」肥榮問。

「前置低清嘛，自拍既野你ｄ男仔識條春咩。」
聽落又好似幾有道理。

「喳。」 iphone隨住效果聲發出一下閃光。

「等我睇下邊個最樣衰先！」Hidy睇完張相，




話口未完佢既手提就比第2個拎左。

「我又睇！」此起彼落既八婆聲音不斷，好似杜比5.1既音響一樣。
慢慢聲音就慢慢散落。
每個睇完張相既人既面色都比唐英年知道自己做唔到特首既樣更難睇。
睇完相既人都不約而同咁望住個操場。
不過我都係想睇相多d。

「拎黎睇下。」 我拎起Hidy 既iphone。

「..................」我唔敢想信自己既眼。
角度方面明確地拎到錯曬，企最前既肥榮同Bella都比人cut 走左。
不過呢個唔係重點
張相有大半影住左個操場。





本應只有一個平台仔既操場，
相入面企滿左集隊既小朋友。
每個小朋友身既四圍都散發住白色既微光。

而看台上面就出現左另一個『人』，
一個被紅色光圍住既『人』。

我行埋矮牆旁邊，再望望操場。
一個個靈體小朋友列隊於操場上面。
而今次用眼我亦清楚咁見到台上面既紅色女人，
我亦知道，佢已經望到我地。

我突然醒起，老豆曾經講過：鬼門關，打開時間唔係12點。
而係子時，即係晚上11點。