唔係掛！原來真係有鬼！－現代捉鬼故事: 第四章－達德行－16

我低頭一睇。
原來我地踩住既，只係一堆堆既白中帶黃既紙。
或者有個更正統既名稱比佢地－溪錢。

老老實實，我又真係唔知溪錢有乜好叫。
佢身邊既肥榮當然好好把握今次機會扶住娘娘啦。

大家o係禮堂兜左個圈之後，就再次聚集番埋一齊。

「喂，冇料到喎。」Yan 率先發表意見。





「係啦，都冇乜野o者。」Hidy 亦跟口就回答。

「唔係丫，頭先Bella 叫一叫，都嚇左我一下，哈哈。」我認不住要抽一抽水。
眾人聽完都笑左幾聲。大家既氣氛亦慢慢回歸平淡。

「係喎，你頭先嗌乜？」Yan 作為團隊既司令，
佢當然會照顧下Bella。

「我頭先...我頭先....天花版....」




Bella 底住頭 用食指指一指天上板。

大家沿Bella 手指既方向望。
肥榮亦同手機電筒往上照

「無野喎。係咪你眼花咋？」肥榮安慰Bella 咁講。
「可能係啦...」Bella 已經冇勇氣再向上望。

「好喇~冇事喇！另外o個邊都係課室o者！我地上二樓！」
Yan 見Bella 嚇到咁，建議轉一轉個探險地方。





大家亦冇異議。
三小花、肥榮、Bella 亦一個接一個行出禮堂。

我亦跟上前。

突然我感覺到有野拉住我件衫。

「....唔係掛。」我心諗。
呢個時候有野扯住件衫，我望唔望好呀？！

我試圖去擺脫佢。
但係「佢」都仲係扯到好緊。

死就死啦，又唔係未見過。





我終於拎出我生平最大既勇氣去睇下呢隻扯衫鬼係乜料。
不過我比多三秒自己先。

「三」

「二」

「一」

當我另轉面，我見到個黑色頭既女仔。
黑色頭髮呀我話。

「呀扯！你搞乜呀，人嚇人冇藥醫架！」
Smoky 冇表悄咁望住我，亦拉住我件衫尾。





「搞咩呀你？」我唔係太好老脾咁問Smoky，
咁樣比佢嚇一嚇真係分分鐘短幾年命。

「後面呀。」Ｓｍｏｋｙ用手指公指指佢身後。
我側頭避開Smoky 阻礙左我既視線。

「唔係咁老土掛....」
有一對紅色鞋出現左o係禮堂既正中央。
頭先我地亦行過o個個位，
對紅色鞋就係唔知幾時出現左。

我行近一睇，係一對紅色既繡花鞋。

「呼．．．．」我另番轉身，面對Smoky 同埋門口。





「行喇行喇，當睇唔到。」我拖住Smoky 走出禮堂。
追番上大家既腳步。