唔係掛！原來真係有鬼！－現代捉鬼故事: 第四章－達德行－12

「細路，你黎做乜，你可以答我未？」白髮老人企於我面前，
每個字，每口氣都吐在我既面上面。

「我黎....黎搵鬼....探險。」我一個一個字咁吐出黎。

「哦？係呀？」老人家笑了。

「咁你依家滿意啦？可以走未？」

「走架喇走架喇！　對唔住呀，我地細路仔唔識世界。」




「對唔住呀老伯伯，我地以後唔敢喇。」
「Sorry uncle, 我地冇下次架喇！」

眾人急不及待同老人家道歉。
三小花不停拉我示意我走。

突然我既身體放鬆左，雙手雙腳亦都可以自由活動。

老人家於褲袋拎出一個煙盒，從中拿起一根香煙，
放於雙唇之間。





我轉身跟隨大家行向達德既正門。

「唔送喇！」老人家一面以陰沉既聲音同我地道別，一面呼出口入面既尼古丁煙霧。


我地轉身行近大門，我行左兩步。
停低左腳步。

「伯伯。」我背住老人家大聲講。





「我唔會走住架。」

「你痴左線呀！」肥榮飛撲向我，以雙手捉緊我既衫領，將我抽到抬頭望住佢。

「我地已經得罪左仙人架喇！佢放我地走，仲唔走！」Yan 一改佢既口風。
「I just wanna go home！」Bella 一邊喊住，一面用半咸淡英文講。

「哈哈哈。」笑聲由我身後傳過黎。

「點解唔走呀後生仔？」老人家補充向我問。

「呢個阿伯只係人，唔係鬼。」 我終於記起似曾相識既感覺來源。
上次我有呢種感覺，係來自師傅，第一次我發現佢o係工作時間上youporn 既時候，
佢正正就係用呢一招去避免我大聲將佢咸網既事宣揚開去，不過自此之後，佢都收歛左，最多都係睇下水著寫真。而幻術最基本既成立條件，就係眼神接觸。所以頭先老人家雙眼由始至終都冇離開過我。而且最重要，就算係最普通既鬼都會有一定既法力，而呢一點我就完全o係老伯既身上感受唔到。





我另轉身，試圖將不安感帶番比老伯。

「哈哈哈。」我既幻術似乎對佢起唔到作用。
「你仲係好幼嫩，不過如果勤加練習，話唔定可以成大器架。」眾人聽我同老伯既對話聽到一頭霧水。
「但係你千期唔好用你既能力黎做壞事呀。」老伯亦加以叮囑。
「雖然你比較特別，但係我作為呢度既看更，點都要請你地出去既。」老伯一改頭先既面容，對我地笑笑口咁講。

「我既責任就係睇住個門口唔比人入去。」老伯彎底腰，一面摸住唐狗既頭。
「之但係呢，呢ｄ舊學校，多數ｄ平台一樓ｄ窗既玻璃窗都爛得八八九九囉～呵呵呵」

大家見到老伯同我有講有笑，都開始放低戒心。

「佢真係...唔係鬼...?」肥榮想再一次確認。
「唔係啦！你睇！」我將手上既電筒照住老伯雙腳，腳後伸延出長長既黑影。





「鬼係冇影架！」我試圖用最基本既方法同肥榮解釋，
如果我依家同佢講，人既能量係靈力，鬼既能量係法力，佢一定Ｒ爆頭。

「好喇後生仔，我要『趕』你出門口喇！」老伯刻意拉長個趕字，
亦都提示我地有另一個方法可以進入學校。

「嗯，咁我地走喇，多謝你前輩。」大家已經冇等我，向正門出發。

「後生仔。」

「嗯？」

「唔係所有分別人鬼既方法都行得通架，就好似正同惡永遠都冇界，你記住喇。」





「下？」我回頭望一望老前輩，但佢已經一早消失於黑暗之中。