唔係掛！原來真係有鬼！－現代捉鬼故事: 第四章－達德行－11

舊恤衫，白髮蒼蒼，面如土色。
雙目無神，眼簾極深。當我望入佢對眼，彷彿如視無底之洞，
深不見底。

我地一行七人冇一個人夠膽回敢佢既問題，
最起碼我見唔到有人回答。

「你....你係邊個呀...」痴左線，
我都覺得自己痴左線。呢個時候我竟然敢問對方係邊個。





「我？嘿，你覺得我係乜丫？」白髮老人語來諷刺。
一步一步向我迫近。
佢既眼神，佢既神色，每一樣都令我不安。

「你唔好埋黎呀！！！」
「救命呀！！！」女生們受唔住呢個氣氛，終於大叫出聲。

「你覺得有人會救你地咩？」老人閒閒然回答。

女士們當然被自己既情緒掩蓋左理智，只係一直o係我身後大叫。




老人既目光，帶來既恐懼，已經令我完完全全無法另轉頭，
更唔好話要我走。但係呢種恐懼，絕對係似層相識，但一時之間我諗唔起係幾時，
係乜野帶比我有呢種感覺。

老人慢慢向我地走近，先前既黑色唐狗亦慢慢出現o係電筒照明範圍以內。

一步，一步。

每走近一步，我就愈感覺到老人既可怕氣場。
老人既眼睛從來冇離開過我。





其他團員全部人都企曬ｏ係我後面，
以為我有勇氣對抗我既對手。

其實我已經比佢既眼神嚇到已行一步既氣力都無。

老人O係我面前一兩步既距離停底左。
佢面向住我，好似想透過眼睛黎審視我既底細。