唔係掛！原來真係有鬼！－現代捉鬼故事: 第四章－達德行－3

Coffee shop 曾經係個休息既好地方，
寧靜既環境加上咖啡既香味，可以令人放鬆心情，但係又未足以令你訓著。
香港既coffee shop其實唔係好大，
加上星期六日一定有好多學生哥一杯野飲就成檯人坐o係度一日，
放曬d 功課電腦出黎好似話比人知佢地努力溫緊書，
唔好阻住佢地咁。
所以呢個時候要搵到7個位都唔係咩易事。

如果mk仔既話，佢地大可能會企o係班學生旁邊，
眼超超，mk妹又會比說話佢地聽，等班學生仔頂唔順，知難而退。





可惜既係，我唔係mk。

不過我亦再唔係一個普通既毒男。

呢幾個月除左占卜上有一定修為之外，
18號亦私底下借左幾本有關靈力修練既書比我。

靈力修練源於印度，相傳人有七輪，海底輪 、臍輪 、太陽輪 、心輪 、喉輪 、眉心輪 同埋頂輪。就如中國武俠小說入面既任督二脈。基本既靈力修練主要係將自己既意志力處於高度集中既狀態，之後控制身體去做一般人做唔到既動作。





可能你話，呀挑！咪即係平時將自己摺埋既瑜伽！

冇錯！瑜伽如果你當佢只係一般運動，
於外人睇只係一個將自己摺埋既活動。
我之前都係咁諗，直到有次o係老豆公司，見到有個男仔雙手緊扣於胸前，
雙目集中於電腦螢幕既 素人 vedio 寫真，睇佢面容緊張，眉頭深鎖。
呢個樣相信作為男性既大家好少會見到，但係一定有做過呢個表情。
呢個樣正正係你打緊丁既表情！

呢招唔通就係高登失傳既念力打丁！？





「呀．．．．嗄～～～」個男仔合上雙目，
佢既一下呼聲，彷彿經過連場大戰終於退役既士兵一樣。

我目定口呆。呢個時候個男仔關閉電腦上面既youtube，
望一望我，向我打左個眼色，好似同我講：「你仲要用手黎打丁呀？」

當然我緊係忍唔住要問佢點做到，呢個男仔o係去完廁所清理之後亦將大約既方法同理論傳受於我。佢亦成為左我第一位師傅。佢係老豆既入室弟子，而我就係我老豆入室弟子既弟子，媽！！好亂呀！！咁我應該叫老豆做老豆，定叫老豆做師公！？

不過講番念力打丁先。

經過呢段時間既修練，除左可以控制自己既感覺神經，亦開始可以令身邊人有種毛骨聳然既感覺，甚至係錯覺。呢一門技術行內人稱為幻術。

大家四圍搵緊位既時候，我刻意坐近一檯溫緊書既學生。
對住一班精神狀態愈唔好既人，念力對佢地既影響就愈大。





「覺唔覺得有d凍呀？」其中一個坐左o係梳化，半睡半醒既女仔話。

「我都覺呀。」佢對面拎住notes 既肥仔一邊著衫一面回答。

傻豬黎既，呢種係發自內心既寒，就算比多件羽絨你你都頂唔順啦。
我咀角認不住露出左一絲微笑。

「呀！」話口未完頭先半睡半醒既女仔失手將佢手上既中產咖啡成杯倒左落佢旁邊朋友既裙上面。

「搞錯呀！」

「對唔住呀！」之後傳黎既就係一輪我都聽唔到佢地講乜既起哄。

「妖！我返hall 換衫呀！」我最期待既畫面出現了！




班學生收拾佢地既野亦都開始走。

呢個時候我就行埋去張檯度準備坐底。

「我係你就唔好坐呢度喇。」一個巨大身影o係我身邊話，
原來係頭先比我搞到佢要著番衫既肥仔。

「呢度好似有ｄ野，頭先我愈坐愈唔安落。」

「多謝你提醒，」我拍一拍個肥哥仔既搏頭以示友好，當然仲係多謝佢地終於肯走啦
「不過我唔怕呢ｄ野。」肥仔不解，只係隨朋友離去。

「有位啦，叫佢地過黎啦。」whatsapp 完Smoky，我就坐左o係張雙人梳化，
好好享受呢段一個人坐七人檯既輕鬆時光。