唔係掛！原來真係有鬼！－現代捉鬼故事: 第三章－不平凡的開始－2

「即係冇啦。」女人一句就車埋黎。

「咁我地都有個初級班比你呢ｄ連皮毛都唔識既傻仔既，為期４堂每堂個半鐘，唔包學識架！
價錢方面6000蚊。」

「六千蚊四堂？！你ｄ導師好罕有架？！」即係成千蚊個鐘，如果佢個miss 唔係識飛我諗真係唔會有人去學。

「唔係導師罕有，而係學生罕有。點呀你報唔報呀？唔報我收線架喇！」

你咁Ｑ串唔怪得你冇學生。不過我深信老豆叫得我去就一定有佢既道理。





「是旦啦，咁你地幾時開班？」

「十月啦。」

「依家先八月咋wor！」

「冇計啦，之前有兩個學生要10月先黎到，咁緊係就佢地啦！」

呢間學校真係好野。





「好啦咁我過兩日上黎辦一辦手續。」電話對面條女連byebye都冇講，
當我正諗住收線之際，我好似隱約聽到電話另外一邊有少少聲。

「都話左o係朗豪坊樓下派傳單係work架啦！」

呢一刻，我真的無言鳥。