唔係掛！原來真係有鬼！－現代捉鬼故事: 第二章－爸爸－13（續）
一個童真小男孩既夢想比人破壞完，
佢塊面可以有幾黑？你可以上youtube 參考下 「捱m記的女人」潮文入面所提到既超級西面人。
「唉~唔笑你喇！」但係你個樣唔係咁講呢老豆。
「拿，今次黎真既，呢個你拎去，試下學唔同既野，提升下你既靈力先啦。」
老豆比左張宣傳單張我，上面寫住：
「塔羅牌初心入門班」
「老豆，請問占卜同埋你呢行有乜關係呢？」
「咁你冇case o個時係唔係唔駛食先？」你又好似有ｄ道理。
case前case 後，當正自己係TBB 西狗龍重案組咁。
或者你同我都有同一個問題，就係其實一直都冇提過，
呢間公司期實係做乜。
唔駛擔心，我依家就幫你問。
「老豆，其實你頭先CASE前CASE 後，呢間公司到底係做Ｄ乜？，而你呢一行正式又叫乜野？」 我收番頭先既怒火，當你得知一個人佢同未知世界有接觸，甚至係合作既時候，唔好話對方係個大男人，就番佢係小學雞你都即時恭敬從命，仲邊敢得罪佢。
「um.....睇風水，捉鬼，又或者幫人處理一Ｄ佢地處理唔到既問題囉。名就冇乜正式有個名咁，因為大家都有唔同既長處。
或者可以叫我地呢行做靈界偵探。」
靈界偵探我只係諗起幽助同「收檔啦你!」。
「去學下野先啦！話唔定你唔駛我幫呢。」老豆已經將佢既精神放番落檯面部電腦，
希望佢唔係巴打，如果比佢知我將我既故事寫左出黎仲要貼上講故台，仲要寫到佢咁衰，一定打到我hihi。
「咁我走喇，約左人。」毒撚邊有人約丫，只係唔想留o係間房，一陣又比老豆玩多鑊。
「好啦，唔送。」佢真係望都冇望我。
我企起身，注意力只係o係張傳單上面，同埋真正考慮緊係唔係應該行呢一條路。
「呀屌！呢個故又爛尾！依家d巴打真係...」
o係老豆再開始追其他故之前，我諗我都係快Ｄ走好Ｄ。