唔係掛！原來真係有鬼！－現代捉鬼故事: 第二章－爸爸－12
呢個時候老豆撳一撳檯面上面既搖控，
窗簾亦自動將落地大窗遮住，房燈慢慢變暗。
似乎佢唔想比退路我。
「呼.......」我打開左木箱上面既鎖，
雙手放o係木箱兩邊，準備迎接呢個改變我一世既時候。
死就死啦。
「踫！」一團黑色野o係木箱入面彈出黎！
加上木箱入面傳出黎就響聲，我即時成個人彈後十幾二十呎！
唔好問我點解間房有十幾二十呎，呢ｄ都係形容下既o者。
我仲未睇清楚o個團黑色野係乜，我已經忍唔住成個人縮埋一舊。雙手遮住雙眼，
眼前發生乜事我都已經唔想知，我只係想快ｄ離開呢個鬼地方。
「哈哈哈哈哈哈哈哈哈哈哈哈哈哈哈哈哈哈！」
「哈哈哈哈哈哈哈哈哈哈哈哈哈哈哈哈哈哈！」房入面傳出兩把笑聲，
一把既聲音好模，好沙。而另一把應該係我老豆。
雖然遮左對眼，但係都隱約見到房入面既燈光慢慢變番光。
我打開左右手食指同中指之間既小小空間，比自己其中一隻眼可以偷窺一下房入面既情況。
我只係聽到老豆一邊拍檯一面笑，
面檯面既木箱，入面有條長長既彈弓連住個黑色小丑公仔。
公仔不停loop 住一段機械式既笑聲。
冇錯，係一個jack in the box。
「你咁細膽我點教你野呀！」老豆笑到眼水都標埋出黎，
呢一刻我真係無地自容，明明早兩分鐘我都仲ff緊我會唔會做到驅魔龍族第689代傳人，
估唔到兩分鐘後就比自己老豆用個嚇小朋友既玩具搞到差d賴屎。