唔係掛！原來真係有鬼！－現代捉鬼故事: 第九章 - Showtime - 6

我望住呢個新入手嘅水晶球，
諗起頭先先個迷樣男所講嘅說話，半信半疑。
不過諗深一層，其實一試無壞啫。

我將水晶球放喺雙手掌心，將全身集中力放於水晶球入面，
每一點細小礦物之中。

我愈集中，視野中水晶球以外之物就慢慢變得愈模糊。
水晶球入面每一顆"雜質"在自己集中精神觀望之下，
每粒都好像被慢慢放大。




水晶球入面半透明的晶體就如被一層迷霧所包圍，
迷霧不停變幻，就如仙境之中，增加神秘氣氛的奇幻煙幕。

我嘗試去抽離呢一刻嘅感覺，
我唔清楚到底係水晶球本身嘅力量令我出現幻覺，
還是自己為追逐奇幻事情的自我幻想。

不過我都想試試，到底呢一個水晶球係唔係真係學頭先個人男所講，
有求必應。





我開始在腦海中找尋自己一直最想知道嘅事，
又或者一直在心入面唔敢問嘅問題。
到底問身邊朋友八卦事好，定係問下期六合彩開乜好呢？

突然有一把老成的男人聲音在我腦海中浮現，
一時間我都諗唔起到底喺邊聽過呢一把聲音。
男人重覆咁講住同一句說話，不過聲浪實在太細，根本就聽唔清楚。

隨住男人講一次、兩次、三次，我終於聽到佢所講嘅說話。





「鬼，唔會有好架。所有鬼留喺陽間，都一定有目的。」

我唔再追究呢把聲到底喺邊聽過，
不過因為呢句說話，我決定問一條我心入面一直想問，
但係一直冇問過Smoky 嘅問題。

我雙手緊握水晶球，視線繼續停留於水晶球中半透明的白色結晶當中。
心中如平時以塔羅牌占卜之時，內心對水晶球默念問題。

「到底Smoky點解要埋我身？」

在我心中默念問題幾次之後，水晶球起了微妙的變化。
半透明晶體之中，原本的一層層迷霧之間，
在我不為意的情況下，出現一個細小的旋渦。
旋渦一點一點的將迷霧及水晶球內的雜質吸走，剩下的只有一層如鏡一樣的光滑平面。





平面慢慢浮現出兩個人影，依稀可以見到，
一個身穿中山裝的少年橫躺在一個少女屈曲的雙腿之上，
少女盤膝而坐，而兩人彷彿老掉了牙的電影當中的主角，
在空白的空間之中，活像享受著兩個人獨處的時光。

少年一面撫摸著少女的面額，一面對她說話。
可能是距離太遠，我根本聽不到兩人對話的內容。

「呢個場景...點解好似咁熟咁？」
我心中默想，不過想比之下，我更在意兩人之後會發生的事。

突然耳邊出現一些雜音，尤如在水底之中有人跟你說話一樣。
聲音經過多種阻隔，我亦聽不清楚雜音的來源。





我試圖無視這些雜音，但雜音反而愈來愈強烈，如萬千個喇叭突然在耳邊同時響起。
眼前的情景，空白的空間、年青戀人突然以飛快的速度往後飛馳，
一時間我分不清到底是他們往後退，還是我被一鼓強大力量吸走。
空白的空間突然化為全黑，一時之間強烈的光暗變化刺激了雙眼，
我不禁閉起雙目，以手揉一揉鼻樑附近的雙眼之間眼角的位置。

當我再次打開眼，我已經回到自己的帳篷之中。
眼前亦出現了另一個穿著黑色皮褸的年青男子。

「喂！我叫你呀！你聾架？」