唔係掛！原來真係有鬼！－現代捉鬼故事: 第九章 - Showtime - 7

雖然眼前出現左第一個客人，但係一時間由奇幻的空間快速抽出，
感覺就好似坐於過山車上突然快速滑落一樣，
在沒有任何心理準備之下，喉嚨不知覺間出現一陣的嘔心及頭痛的感覺。

我暫時無理會眼前的男人。
我只是將頭微微耷底，緊緊閉起雙眼，雙手姆指放於頭顱面邊的太陽穴輕輕打圈按摩，
一心只是想盡快將作嘔感覺盡快趕走，避免於今日第一位客人前出醜。

在慢慢按摩幾圈之後，難受的感覺也慢慢退去。
我再次打開眼，準備迎接眼前的客人。





不過眼前人似乎比我更心急。

「喂，我叫你呀！頭耷耷咁做乜春呀！」眼前男人毫不客氣地說。

男子同我差唔多高，同大部份香港mk一樣，
頭髮兩邊鏟短，留底中間頭髮全數梳向一邊。
曾幾何時我都覺得呢種英倫風幾有型，不過可能見得太多mk仔咁著，
更有型嘅風格黎到香港都只會淪為mk潮童嘅聖物。
黑色皮外套加上入面的深啡色裇衫，裇衫鈕扣扣到上喉嚨，理應斯斯文文，




官仔骨骨；但係配搭在眼前男子身上時，依照散發住陣陣mk味。

算啦，做得 『服務性行業』，其實冇權去揀客。
難得有客上門，即使佢第一句就問候埋我老媽子，為左行活，我都只可以頂硬上。
呢一刻我突然感受到作為香港人嘅可悲。
我抬起頭，運用起中國嘅國粹－變面，
剎那間掛起一個笑到見牙唔見眼嘅 『狗樣』。

「先生你好！係咪要占卜呀？」





男人望到我之後，面上表情由兇悍變成錯愕，
再由錯愕變成喜悅。突然之間，我覺得我嘅變面技術原來只有入門級。

「阿俊！好耐冇見喇！」男子高興地對我說。

我拎出手機，開著手電背的電筒對眼前人而額一照。
雖然佢把聲聽落真係有啲熟，但係我對呢位哥仔真係半點印象都無。

「咪照啦！搞乜呀你！」男子用手遮擋住眼光強光。
我見情況亦收起手機。本身以為佢頂多都係認錯人，
但係認錯人又點會叫得出我個名呢？

「Sorry 呀，不過我真係唔認得你，請問你係邊位？」

「我呀！阿榮呀！」男子用食指指住自己個樣，




我心諗點解解條友可以咁萌塞，都講明唔認得佢，
佢死都要我諗。

「邊個阿榮....？」呢個尷尬嘅場面，
我真係唔知點解決。男子見我面有難色，佢亦使出殺手鐧。

男子雙掌貼面，將自己面上僅有的幾兩肉堆在而額之上。
一時間男子面容化為一個肥仔之面。

「哦！！！！」我認唔住大叫。

「認得喇嘛？」男子問。

「緊認得啦！肥榮！」