唔係掛！原來真係有鬼！－現代捉鬼故事: 第八章 - 石澳之旅 -1
陽光與海灘，從來就唔係小毒撚嘅主場。
特別係我呢種由細到大足不出戶，大個又與黑夜為伍嘅靈界工作者。
iphone 鋼琴黑色機面只需要接觸左太陽一陣，
佢嘅溫度我相信可以煎熟一隻生雞蛋，有時我會諗，
其實手提電話整個太陽能充電板，我諗都有得賺。
一個夏天嘅星期六，冇留喺屋企睇「壯膽同學會」、
冇冷氣、無營多，對身為小毒撚嘅我係幾咁大打擊。
可能你會問，係乜野令我咁大決心要行出舒適嘅屋企，
一心要同陽光玩遊戲？
咁就要多得一眾高登巴打。
大家都知道，高登巴打如果遇到有解決唔到嘅問題，
會有一個傳統－開Post 求救。
咁作為高登仔嘅我，當然係同大家一樣，開左個post:
「[突發] 女神約我去沙灘！要帶d乜去？」
開得個咁嘅post,我得到嘅回覆當然曾出不窮啦。
除左一定會有嘅:搾汁機、綠帽、樓主阿媽、I go to school by bus 之外,
都總有少少係有用嘅答覆。
有位巴打輕輕地回左一句"太陽油"。
正當我諗緊男人老狗帶乜野太陽油之際，
該位巴打立即喺下一個post度補左張圖，
圖入面有以下幾句對白。
「如果你去沙灘帶太陽油，只係為左比自己搽，我諗你真係好鍾意搽太陽油。」
特別係我呢種由細到大足不出戶，大個又與黑夜為伍嘅靈界工作者。
iphone 鋼琴黑色機面只需要接觸左太陽一陣，
佢嘅溫度我相信可以煎熟一隻生雞蛋，有時我會諗，
其實手提電話整個太陽能充電板，我諗都有得賺。
一個夏天嘅星期六，冇留喺屋企睇「壯膽同學會」、
冇冷氣、無營多，對身為小毒撚嘅我係幾咁大打擊。
可能你會問，係乜野令我咁大決心要行出舒適嘅屋企，
一心要同陽光玩遊戲？
咁就要多得一眾高登巴打。
大家都知道，高登巴打如果遇到有解決唔到嘅問題，
會有一個傳統－開Post 求救。
咁作為高登仔嘅我，當然係同大家一樣，開左個post:
「[突發] 女神約我去沙灘！要帶d乜去？」
開得個咁嘅post,我得到嘅回覆當然曾出不窮啦。
除左一定會有嘅:搾汁機、綠帽、樓主阿媽、I go to school by bus 之外,
都總有少少係有用嘅答覆。
有位巴打輕輕地回左一句"太陽油"。
正當我諗緊男人老狗帶乜野太陽油之際，
該位巴打立即喺下一個post度補左張圖，
圖入面有以下幾句對白。
「如果你去沙灘帶太陽油，只係為左比自己搽，我諗你真係好鍾意搽太陽油。」
依家我諗番起呢位喺高登提醒左我嘅巴打，
我真係有少少想以身相許。
我右手伸入我今日所帶嘅環保袋，
緊緊握住呢支一定要黎令我同Smoky 有肌膚之親嘅太陽油。
我望一望身後，彷彿有幾萬高登巴打支持我咁，
呢一刻，我知道，一陣許勝不許敗。
原定佢地成班去淺水灣燒野食，
聰明嘅你應該會問，淺水灣有爐嘅咩？
無錯！真係冇嘅。
所以我同Smoky就提議不如去石澳啦！
點知成班又話好遠又話唔識去，霸爐呢個波就一腳車左落我地兩個度。
不過佢地都話去買野食同準備其他野，都叫有番小小人性。
我同Smoky 約左大約一點左右喺筲箕灣等，
兩個人先入石澳霸爐。
有霸過爐嘅巴打都知呢個係一個長期戰，
如果你燒中午，基本上你係同慢性自殺冇分別。
天氣已經三十幾度，坐喺爐邊個溫度又高一節。
十幾分鐘你都仲可以當自己焗緊桑拿。
問題係，燒野食呢家野，一燒就幾個鍾架喇，
到時你唔變人乾都偷笑。
咁呢個時候你一定會話，燒夜晚咪冇問題囉？
燒夜晚，一係就等人放番二手爐出黎，如果萬一撞正學生放假你就死得。
一係你就晨咁早就好去定霸，由得上天以火熱嘅太陽去對你同你朋友嘅友情黎個大考驗。
Smoky 為左唔想得失呢班好耐冇見嘅同學，當然係選擇左後者。
作為男朋友,都唔到我Say no啦。
去石澳嘅小巴比相像中密，可能係因為週末嘅關係吧。
上車之後好快架小巴就住滿。
我坐近走廊，等Smoky 可以坐喺窗口邊，
一路欣賞住路上嘅風景。
不過見到小巴站上排隊上車嘅人龍，我自己都有少少擔心一陣霸唔到爐。
Smoky 可能知道我擔心緊，
呢個時侯挨落我搏頭上面。
「唔駛怕冇爐喎～你有方法架啦！」Smoky 笑笑口對我講。
有時候見到佢嘅奸笑樣，真係唔知佢心入面諗緊乜。
不過點都好，有時嘅事真係唔到自己擔心咁多，
反正放假，就比自己好好輕鬆下啦！