唔係掛！原來真係有鬼！－現代捉鬼故事: 第六章－起步－15

我左手慢慢將呢張所謂 『訂單』交比肥鬼哥哥，右手慢慢向往後伸向我放o係右邊腰後既槍袋。

只要肥仔一陣一打開張單，我就會用力向後跳，之後拔槍，空中描準，繼而headshot，之後有型咁落地。根據過往睇鬼片既經驗，鬼比人打到魂飛魄散時一定會爆炸。到時我再轉身以”Cool Guy don't look at explosion”式為今次我既第一戰畫上一個完美既句號。呢個果然係一個完美既計劃，亦只有我呢ｄ百發百中既神槍手先可以做到。

右手已經緊握住槍的手柄，Safty 亦已經確定開啟。

肥鬼哥哥一手把我手上的”訂單”搶了過去，並把摺起來的訂單快速打開。
他面上的表情就如正在打開禮物的小孩子，想知道這張免費訂單會為他帶來一隻甚麼figure。

我還是比較期待他失望的表情。




不過我沒有浪費一分一秒去落井下石，就在肥鬼哥哥搶走訂單的一刻，
我用盡自己的氣力往後跳。右手手腕向上一描，把外套輕輕揚氣。繼而把藏於外套下的氣槍拔出。

右手將手槍正正指著肥鬼哥哥，左手緊緊包著右手，作為描準的支點。就如櫻木花道於男兒當入樽所講:「左手只是輔助！」。就在拔槍的一瞬間，槍咀已經指著肥鬼哥哥的眉心，這就是經過幾千次拔槍練習的成果。

「啪！啪！」

兩發銀色子彈直飛往肥鬼哥哥既眉心。
隨住我計劃好既動作，轉身，蹲下著地。
我雙目緊閉，假裝淡定。我背對住被擊斃既肥鬼，慢慢起身。





呢套動作我自己諗起都覺得有型，
我亦好期待師傅既反應。

到底會係「嘩！咁快手既你！」定係「果然係我既好徒弟！」？
唔駛估喇，等我打開眼，睇下你條mk點讚我都好。

我張開雙眼，望向師傅所企的位置。
沒有高呼，沒有甚麼大反應的讚賞。
師傅依然chok住咁企o係av鋪既門口。





呢一刻我真係忍唔住，「喂，我咁型，隨便讚兩句都唔過份掛？」

師傅沒有講任何說話，只係一面不悅地對我背面輕輕指左兩下。

「咩o者？有咩就...」我還未將我既說話講完，
我突然感到背後有般巨大衝力向我撞過來。

身邊既景物突然飛快向我身後飛，
就好似平時坐車既感覺。

由於速度太快，著地時我向前打左兩個關斗。

我雙手向地上一按，將自己支撐起身。
回首一看，肥鬼哥哥依然無穿無爛咁企o係我面前，而佢既右腳正正踩住我既手槍。





「無理由架．．．明明已經打中左佢眉心．．．」
我自言自語道。

「銀彈唔係打鬼架天才。」師傅一面篤住手機一面說。

「咁依家點算呀？」

「你自己搞掂佢啦，我出手你就拎F架喇，你自己諗呀。」