唔係掛！原來真係有鬼！－現代捉鬼故事: 第六章－起步－7

今晚既旺角特別凍，
彌敦道好似比一般特別既氣體所包圍，
就算連另一邊彌敦道既行人亦睇得唔清楚。
呢一般咁古怪既氣氛低下，我終於第一次帶埋我既Gear 出去正式做野。

……

你係唔係以為我會咁講？
唔好玩啦，依家你去旺角，空氣已經差到有上面既情況，
十幾年前可能你都仲會覺得陰聲陰氣，




但係今時今日，周街都係金鋪藥房既街上面，
又點可能會有呢d情況呢。

不過上面有一句係真，
就係o係呢個同平時冇乜大分別既晚上，
我終於開始左我既旅程。

當我同師父食左pepper lunch 做晚飯之後，
師傅望一望手上面既黑色gshock。





「依家先8點幾，都仲有少少時間睇番場戲！」

o係朗豪坊食完晚飯既我地，就去左ua求其睇左場港產片。
完全就同平時睇開鬼故呀，
捉鬼既片入面既情節完完全全唔同！
一面食住爆谷，一面飲緊汽水既師傅彷彿完全冇將今晚我要出師既事放上心。

我終於忍唔住拍一拍師傅。
「乜唔係第一晚出師，又要拜神、又有ｄ乜鬼護身符既咩？」我問。





師傅冇回答，只係指一指個大螢幕，示意我專心睇戲。
講真，我依家邊有心情睇戲丫！
等左幾個月，我終於可以唔駛只係打掃，正式開工之前，
就算你比套希志我，我都冇心情丁。

咪住！唔通目標就o係我依家正正身處既house入面？！
因為以我睇左咁多年鬼片既經驗，除非師傅真係膽色過人，
而且對自己有百份之三百既信心，否則一個人做任何”大事”之前都唔會hea到咁。再者，睇師傅個樣都唔覺佢有幾勁，好似佢呢種懶懶閒既人，有時難聽ｄ講，吹水佢就勁。

不過依家都唔係講師傅壞話既時候，等我好好留意身邊既人先。