【第三者】《只不過有些感覺，不到我來控制》: 十九
(十九)
同呀宇食完飯，佢陪我行到屋企樓下。
「我到啦」我同佢行到我屋企樓下，然後停左係大廈門口。
「咁... 我走啦」呀宇望住我
「...好啦」
點解我會有啲唔想佢走
「... 再wtsapp啦咁，byebye」佢講完，遲疑左一秒，然後就轉身想走。
「呀宇呀...」我向前踏左兩部然後伸手拉住佢
佢另左過黎「嗯？」
「不如... 陪我去海旁行下？」
唔通我對呀宇都有啲感覺？
「你同你女朋友好番未呀」
「... 未呀，佢番到黎先算。」佢嘆左一口氣
「... 無事既，你地經歷咁多，係咪？」
「如果經歷同時間係萬能既話，世界上就唔會有離婚啦。」佢簡潔咁講。
我靜左
「其實妳男朋友知唔知妳同我出黎架」
「... 唔知呀」
「或者妳都係因為心虛先會原諒到佢喇」
可能啦。
「何素兒，得唔得閒呀」我打俾Zoey
「想date me？」佢個邊好大聲咁播緊音樂
「睇死你都係係屋企架啦，黎啦陪我去買野」
「好呀，依家？」
「唔係呀，下年呀」
「頂你，我依家出黎啦，幾點邊度等」
「一個鐘後屯門西鐵站，就曬妳，ok？」
我表姐下個禮拜畢業，所以我諗住搵Zoey陪我去買畢業禮物俾佢。
Zoey今日依然不負眾望，都係遲左個半鐘。
都唔明，明明已經約佢係佢個頭，佢夠膽死遲過個住係銅鑼灣既人，無野好講。
「點呀近排你同Hinson好似好fd咁喎」明明Zoey係對呀樂有興趣架，但呢排見佢同Hinson行得好埋咁。
「無呀，Hinson都好似唔錯呀... 呀樂原來有女朋友lu」
就係去完helloween之後過左幾日，Hinson話佢有個fd讀完書番左黎，話上佢度玩又叫埋我，咁我無野做所以就去左。
上到去Hinson就介紹啲fd俾我識。點知我轉個頭就見到呀樂拖住個女仔行左埋黎。
個個女仔係上次係helloween佢話要夾時間個個補習學生。
跟著我先知原來佢地不嬲都鍾意對方，helloween之後補習個日就一齊左。
其實我又無乜野既，話曬開頭都係俾佢個身高同埋樣吸引，同佢又唔係交情好深。
就係咁，我同Hinson咪越黎越fd。
「姐係點呀，轉戰Hinson呀依家？」我追問
「其實Hinson幾好仔既，係mk左啲囉！但係佢真係幾sweet，唔知係咪跟得你個呀宇多」Zoey不忙臨尾串我一句。
「咪扯開話題啦，講番你同呀宇，你先係重點呀」
「咪又係咁，得閒食下飯咁囉。」
「認真傲言單野你唔會有條刺架咩，俾著我就實散。」Zoey好堅定咁講，但條友明明曾經當兵當得唔清唔楚迷失曬自我咁款。
「喂我諗到你要點樣報復蕭傲言啦！」
「咩呀」
「你同呀宇上床啦，打和咪得！」Zoey又係好大聲咁係屯門市廣場個條行人天橋度大叫出黎。
「...你可唔可以on9少陣」
我同Zoey傾緊少女心事個陣，電話突然響，係傲言。
「bb呀，我地好耐無一齊訓啦，不如黎我度訓呀今晚」傲言係電話同我講
「哦好呀，我買完野就上黎啦。」我答完佢就收左線。
「嘩平時好日一個電話都無，佢唔係好忙架咩」Zoey係隔離窒緊傲言。
「唉... 唔知佢」
「快啲串佢幾句啦，mid term唔係緊要啲咩，叫佢攬住啲書訓咪得囉」
人總係要失去過先識珍惜。
「叮噹」
我打開門，係雪瞳。
因為呢幾日我屋企人去曬旅行，屋企無人，所以可以叫雪瞳過黎訓。
「今日去左邊呀」我一開門就想攬住佢
「無呀同Zoey去買禮物俾我表姐咋嘛」雪瞳一行入黎就有意無意咁避開左我想攬既動作然後徑自行左入屋。
「買左咩呀」我閂左門之後就去佢後面從後攬住佢。
「公仔咋嘛」佢另過黎，然後舉起手上面個個好漲裝住隻公主既膠袋。
「我掛住妳呀」我拎走左個膠袋拋落梳化，然後攬住佢鍚左落去。
呢一個吻既感覺，好熟悉，但都好陌生。
「做咩呀，無啦啦咁痴身，平時都唔見你咁。」雪瞳輕輕推一推開我然後笑住咁講。
雖然我知佢講既時候無咩特別暗示，但係我自己feel到有另一番意思。
「耐無見呀嘛，掛住妳」我繼續攬實佢
「我好熱呀，我想去沖涼先」雪瞳望住我講
「我幫妳拎毛巾」講完我就行左入房。
出到黎，雪瞳已經入左廁所，我打開左廁所門
「bb！毛巾我放出面呀。」
「哦！」
唔知係咪我錯覺，我覺得雪瞳好似冷淡左。
我知我無資格咁講，但係唔知點解突然有種好奇怪既感覺。
「吱」我下意識拎左電話出黎，但係無通知。咁姐係話係雪瞳電話啦。
我解左佢鎖，見到有人wtsapp佢。
「傻妹，下次同妳去食囉。」
傻妹？條友叫呀宇？邊個黎。呢刻既我有一股不安感由心而發。
我一路碌佢同雪瞳啲對話，越睇，我越嬲，但比起嬲，我更加覺得不安。
「琴晚sorry呀，唔該曬妳」
「唔飲得就咪懶型啦」
「咁有妳睇住我呀嘛」
「哈，妳真係好可愛」
「會唔會係咁呀」
「真係架，妳真係好可愛」
「我到左妳樓下啦」
「咁快？我依家落黎！」
「唔想妳等啊嘛」
「zoey話mk新開左間糖水鋪勁平仲好食過滿記！」
「傻妹，下次同妳去食囉」
雪瞳變冷淡，係因為呢條粉腸？
個對話既日期早係發現我同呀敏有野之前已經有，姐係話雪瞳都有瞞住我同其他仔flirt啦，仲要一齊去飲酒。
屌。
我放低雪瞳部電話，然後冷靜緊自己。
雖然我知我都無呢個資格，但係我真係好嬲。
同呀敏出去，之後我會愧疚，會後悔。我知我講咩都好，我都係仆街。因為我最後真係鍾意左呀敏。
或者我咁嬲係因為我知我將會失去眼前呢個人。
廁所既水聲已經停左，意味住雪瞳已經沖完涼。
「沖完啦。」雪瞳行出黎，雙手仲拎住條毛巾抹緊頭髮。
「邊個係呀宇呀」 我好想忍住扮無野，但係真係唔得。
我見雪瞳窒左一窒「... 做咩呀」佢好驚
「我問你邊個係呀宇呀！」我提高聲線
「... fd囉」
「fd？fd到一男一女飲醉酒要照顧佢，fd到要嗌妳做傻妹呀？洗唔撚洗fd到上埋床呀？！」我將情緒爆發出黎。
「咁你同個個女仔呢，有無攬過嘴過有無上過床呀！」雪瞳對住我嗌出呢句
「我...」
我唔識反應。然而，呢一刻既氣氛靜止左。
我望住傲言既反應，我已經知道答案。
本來我以為我可以呃自己唔再去諗唔再去介意佢同呀敏既野，但係原來事實並非如此。
我真係好介意，我好心痛。
係，我係衰，我係犯賤，我有同呀宇曖昧，我有上佢屋企同佢拖攬鍚。
但係我始終無同佢做，我知道我愛既始終係傲言。
點解偏偏要係呢個時候俾我知道個事實。點解當初我要應承呀wing去個船p。
「姐係你都有俾佢屌過啦。」傲言講出呢句。
點解... 你會咁諗我。
「如果我話我無，你係咪唔會信...」我忍住淚水講
「妳有無上過佢屋企。」佢問
「... 有」
「有無同佢拖過」
「... 有」
「有無攬」
「...」
「有無嘴」
「...」
「答我啦！」傲言提高聲線。
我知道我瞞佢都唔係辦法。既然佢同呀敏都有，咁我都唔怕認呢啲。
「...有。」
「啪！」佢一巴com左落黎。
「做到咁妳唔係同我講無扑呀？！」佢好惡
「但我真係無呀！」忍左咁耐既淚水終於好似堤壩咁流落黎。
「妳同我走」佢指住門口
「咁你都同呀敏上床啦，點解你可以講到自己無錯咁呀！」
「係呀！我係有錯，我係賤，但既然妳同我做同一樣野，咁有咩分別呀！」
「但我最愛個個始終係你，只係你去搵呀敏個段時間呀宇出現左係我身邊我先會咁...」
「妳唔好將你既錯合理化，妳走」
「...」
「走啦！」佢將我推左出門口。
我一直強逼自己去相信你，即使知道你同呀敏有野，我都盲目咁催眠自己去信你。
但係點解，你唔肯信我。
可否叫眼淚再模糊一點