【第三者】《只不過有些感覺，不到我來控制》: 十八
(十八)
「咦你個肉便器有仔仔啦喎」呀軒係我耳仔邊講
我真係忍唔住兜肘批左落佢腰度。
「屌你老... 」佢個「未」字都講唔出，雙手護住岩岩比我頂個個位，我知好痛，因為我真係使盡全力。
呀敏佢係真係鍾意劉柏橋，定係純粹做俾我睇？
「妳同佢一齊左？」我見呀敏同柏橋坐低左之後，隨即wtsapp佢
我見到呀敏睇左我個msg，然後望左我一眼，覆左句「係。」
「妳真係鍾意佢咩？」我wtsapp左佢
「係，我鍾意佢，佢對我好好，佢追左我兩年，佢俾到女朋友呢個名份我。」
我望住呀敏呢個wtsapp，一時之間諗唔到野
「祝妳同佢幸福。」
「今晚無人陪我食飯」自從知道左呀宇同我一樣有同一遭遇之後，我同呀宇就wtsapp得好密，佢一起身就wtsapp我，而我每次撳入wtsapp都係第一個覆佢。
「今晚得閒呀，陪你食囉」我係鍵盤輸入
「拿妳話架，想食咩呀」
「咩都食架我」
「係咪架，妳地啲女人」
「咩意思先」
「日本野岩唔岩」
「我真係無所謂」
「咁我黎你個邊搵妳啦夜啲」
「又掛住同部電話談情」呀wing見我係咁覆呀宇，又忍唔住係咁串我。
「咩呀... 咁同時天涯淪落人呀嘛」我話
「係既係既，你地咁夾，拍拖啦」
「食野啦施曉穎，咁多嗲」我一下拍左落佢度
「講真呀，你覺得呀宇同Ashley會唔會分手呀拿」呀wing夾左隻口水雞翼落自己個碗度。
「... 唔會掛，佢地好似一齊左好耐」
「收皮啦，蕭傲言條撚樣同你咪一樣一齊左好耐」
「... 但我地依家都無事啦」好明顯我呢個對答連我自己都唔肯定
「無事？我睇佢肯定不出幾日就固態萌！」呀wing講起傲言就好燥「我真係唔明點解你仲原諒到佢！」
「其實我都唔知我對佢既感覺係咪已經變左...」我望住檯面上面個碗米線，不期然諗起上次傲言係譚仔向我<求婚>既情景。
明明相隔唔係好耐，但諗番起好似好陌生咁。
「唉，真係一個願打一個捱，偷食你都忍到，我真係無野好講。」呀wing嘆左一口氣，就繼續食佢隻雞翼。
「啲男人成日話，邊有男人唔去滾呀，識番屋企咪得。但問心呀，你試下俾佢知你同呀宇啲野呀，佢知道左睇下有無計傾」呀wing繼續dup低頭一路食一路講「有第一次就緊有第二次架啦，何況上次條友係lift口大大聲對住個條女講話鍾意左佢呀，出去食女食到有埋感情，你遲啲唔好好似琴日咁喊住黎同我講呀崔雪瞳。」
「但係我已經鍾意左你呀!」
或者呀wing講得岩。
「我到左啦，係妳屋企樓下」我岩岩諗住出門口，呀宇就打俾我
「下，你點知我住邊架」我有啲驚訝，但下一秒已經估到係Zoey同Hinson。
落到樓，呀宇見到我就行左過黎，「行啦」佢拖住我向前行
我無縮到手，但係好緊張。
其實... 我地依家算係點
我地一路上都無講野，我就係咁諗呀宇同傲言。行到去紅綠燈位個陣，我無留神，繼續行出馬路。
「小心！」前面有架的士高速駛過，呀宇一手將我拉向佢度，然後順手攬住左我。
「馬路都唔睇，好彩你係同我行咋」呀宇一手攬住我，一隻手摸住我個頭好溫柔咁講。
「...唔該」
佢hold住左攬我呢個動作，然後我地咁樣持續到轉紅綠燈，然後佢又拖住我過馬路。
「柏橋呀... 」
「嗯？」佢好溫柔咁攬住我
我同柏橋一齊，其實唔多唔少都係因為想傲言死心。
柏橋追左我兩年，我同佢係考dse個陣識既。當時考六科，佢六科都坐我後面，中英說話雖然唔係同組，但都係同一時段。
佢係考完最後一科個陣，跟住我一直去到巴士站，當時我都無為意。
佢應該掙扎左好耐，最後佢行埋黎，好怕醜咁問我拎電話。
我覺得佢好可愛，所以就俾左佢。
結果過左一排佢都無搵我，我亦都開始忘記件事。
有一日，我同個fd行緊街個陣，無啦啦電話響，係個我無save既number，我見佢係5字頭，應該唔係廣告掛，於是就聽左。
一聽，對方第一句就問我係咪係旺角，我窒左一窒，問佢係邊個，點知呢個時候背後突然有人拍左我一下，我一另轉面，係柏橋。
自此佢就開始同我wtsapp，有時仲會約下我去食飯，雖然佢人係好細心，而且好識照顧人，但我對佢真係無咩feel。
jupas放榜當日，我地居然入左同一間同一科。
慢慢我feel到佢開始想媾我，又成日sd啲曖昧野過黎，所以我都少左覆佢同埋同佢出去。
結果佢同我表白。我就襯個陣同佢講清楚，拒絕左佢。
但係佢居然話會繼續用時間去打動我。
而我當時偏偏鍾意左有女朋友既蕭傲言。
人係咪就係咁犯賤。
「其實我之前... 係鍾意蕭傲言」我吸左一啖氣然後同佢講。
我覺得要講曬俾佢知，等佢決定仲繼唔繼續同我一齊。
「其實我知」柏橋淡淡咁講出呢句
我有啲驚奇，佢知？
「我仲知你地有野添。」佢補多句。
姐係佢知傲言一腳踏兩船？
「咁... 點解...」我未平靜到我既思緒
「因為我真係好鍾意妳。我知如果要爆佢大獲，妳會好唔開心。」佢抬頭望住天空。
呢一刻我感覺到自己有喊既衝動。
「都過左去啦，同埋... 依家證實左我追咁耐係無白費。」佢另過黎笑左一笑
我望住柏橋，佢鍚左我額頭一下。
呢一刻我發誓，我一定要放低蕭傲言，唔可以再辜負愛我對我好既人。