【第三者】《只不過有些感覺，不到我來控制》: 二十

(二十)


「叮噹」

「呀宇... 」我一開門，見到企係門口既係Ashley

「妳黎做咩？你唔係係英國咩」

「... 對唔住....我知錯喇...我呢幾日諗得好清楚，我愛個個係你，我唔想失去個個係你... 你原諒我啦好無啊」Ashley一路講一路開始喊。



「... 」我無講野，轉身行入房。

Ashley見我無出聲，就走過黎攬住我「真係好對唔住...」

「算啦。」

「俾多次機會我呀... 我真係知錯喇」Ashley係咁喊。

我好想原諒佢，但當我諗起佢同Ryan同佢攬攬鍚鍚，我就會好嬲好介意。



我寧願佢地唔好俾我發現唔好俾我知道。

「我要時間去接受」我另過黎面對住Ashley

「我地唔好分開得唔得」佢抬頭望住我。

我停左兩秒，然後將佢拉左埋黎，攬住左佢。




其實我都唔知，我地仲可唔可以行落去。


「傲言...」

「仲搵我做咩」

「對唔住...」

「妳唔洗講對唔住，錯個個唔係妳，係我。」

「我地從頭黎過呀，我真係好愛你，我唔想失去你」我雙手緊緊咁拎住部電話。

「就算我話可以重頭黎過，妳可以當咩事都無咩？妳可以接受到咩？！」傲言好激動咁講。



「我可以阿！」我強忍住眼角既淚水

「算吧啦，無架啦。」

「點解唔可以比多次機會大家呀，我地呢三年係幾辛苦得黎你記唔記得呀？」

我好唔想，好唔想失去傲言。

「妳咁想知呀嘛，係呀，我同呀敏攬過鍚過仲上埋床呀！妳依家知啦！妳可以當無事發生過咩？根本無可能呀!」

「我...」呢一刻，我個心好痛好痛，眼淚終於唔爭氣咁流左出黎。

「我地都係分開啦」

「嘟嘟嘟...」




再見 共你本來就分得那樣遠
或是你太好 因此我更怕
相戀會殺掉最後的那點

再見　就當這場內心戲不好演
若未夠赤裸 撫摸到永遠
可否叫眼淚再模糊一點

試問我如何決絕 　當你想行前一寸
愛下去又發現你　站到一邊


「...你俾啲時間我呀，我可以接受架，我得架，你信我呀，你話過要娶我架，我唔要分手呀」



我用指尖係屏幕上面一直滑動，淚水已經徹底模糊我既視線。我已經唔知自己想講乜，我真係好心痛。我地係咪真係無得番轉頭喇？我唔想就咁就玩完...


「我地以後都係唔好再搵對方啦。我地根本唔應該咁樣，或者，由識你個刻開始就已經係個錯誤。」

呢個時候，我收到呀宇既wtsapp。


的確，呢段時間裡面，佢係我心目中佔左個好重要既位置。


我望住呢個wtsapp喊左差唔多成個鐘。到底點解件事會發展成咁。

估唔到同一時間，兩個都要離開我。



可笑既係明明我一早就知道，愛情世界本來就只能夠容納兩個人。


慶幸我們還友善 　不算糾纏和欺騙
卻是證實這段愛　沒有起點

唯有分開一百年 捱過今生才遇見
拉扯著那根線 欲斷不斷 仍偷偷眷戀
輾轉一百年 捱到開花才遇見
冰封著那溫暖 讓那戀愛毫無弱點
即使今生擱淺 苦等隔世盛宴


然而，wtsapp另一個對話欄再次響起

「我諗得好清楚，其實妳根本無可能接受到，因為我都接受唔到妳係出面同個男人攬攬鍚鍚，甚至搞野... 既然我地都過唔到自己個關，都係算啦。我地分手啦，對唔住。」


但今生不再見。


我終於知崩潰既感覺係點。

原來一直以黎，我真係好愛蕭傲言呢個人。

當初一知道佢之前既野既時候，我好驚我會好似佢啲前度咁好輕易就失去佢，所以我會好神經質。

佢脾氣差，佢話會改，我信。

我真係信佢會為我改，直到每一次鬧完交都係我認錯既時候，我就知道，若果要繼續愛佢，要改變既係我。

我真係唔介意，忍下姐，我可以。

大概半年後，佢搭上左隔離學校既校花Vivian。

我好嬲，我第一次不受控制咁樣對佢發脾氣。

點解我做左咁多野，我肯忍讓佢既缺點，我對佢既遷就，但係到左最後佢都係要出去搵第二個。係咪我仲未夠好？

個次之後，傲言為左我而斷曬所有女仔既聯絡方法，而且俾左好多安全感我，成日陪我。

我一路逼自己去信佢，我以為過左Vivian單野之後，佢會真係全心全意對我。

直到我知道有呀敏呢個人既存在，我個心好似俾利刃狠狠咁介開咁。

我以為當我心淡，就代表我開始對佢死心。

我以為我對佢死心，有朝一日放手既時候我就唔會咁痛。

但係原來唔係。

原來我無死過心，原來分手係咁痛。


三年，我地用左三年黎建立呢段感情
但係原來要一手摧毀佢連三個月都唔洗。

點解我咁努力去維繫我同你既感情，但係你就咁唔愛惜。

我既付出係咪真係咁卑微，根本唔值得你花心機同我一齊去經營呢段愛？


原來情侶間既感情都只係咁脆弱。


「吱～吱～」有電話入，係呀宇。

「我係你樓下，落一落黎得唔得」