【第三者】《只不過有些感覺，不到我來控制》: 十三

(十三)


我拿拿聲沖完個涼，然後就出番去。

「係咪個個女仔都係沖涼沖咁耐架」呀宇見到我行出黎就笑住咁講

「我沖左好耐咩」我問佢，同時搵緊有無鬧鐘可以望。

「半個鐘都唔叫耐呀」佢揮一揮佢個隻戴住手錶既手。



「女仔沖涼沖半個鐘好正常咋嘛」我雖然咁樣答，但係平時我沖涼都係十五分鐘搞掂，好明顯我真係係入面諗野諗左好耐。

「係啦係啦」佢行去廁所，係洗手盆隔離個玻璃櫃拎左個風筒出黎「快啲吹頭先，如果唔係會頭痛。」


佢真係... 好細心。


「唔該。」




「拿今晚妳訓床，我就訓梳化。」我岩岩吹完頭行出黎坐左係梳化，呀宇就係房行出黎「間房我岩岩執過下，都見得下人架啦」

「唔洗啦，我訓梳得嫁啦」我一路講，一路拍左張梳化兩下。

「我特登執俾妳訓妳唔係唔領情呀？」佢笑住講

「但係...唔係咁好喇...」訓左人地張床始終唔係咁好意思。



「妳會唔好意思架咩」佢笑左笑

「下我怕醜派架喎」

「拿妳唔好逼我呀」佢行左過黎企左係我隔離

「想點呀你」我坐係度抬高頭望住佢。

「我叫妳訓，妳就訓啦。」佢一邊講，一路彎低身公主式咁抱起左我。

就好似，岩岩識佢個日咁，抱起左我。

佢抱住我行入房，呢一刻我個心跳得好快好快。呢幾秒就好似用左成分幾鐘先過咁。

入到房，佢將我放低係床上面，我由頭到尾都係dup低頭唔敢望佢。



佢放低左我之後，定左係度，雙手撐住張床，無行開到。

我依家既角度係望住佢心口，我feel我塊面同佢塊面貼得好近。

我好緊張。

佢拎起右手，輕輕抬起我下巴。我同佢，四目交接。

然後佢慢慢咁鍚左落黎。


「卜卜... 卜卜」




間房既空氣好似突然靜止左咁。我好耐都無試過有呢種感覺。

唔知過左幾耐，可能係五秒，可能係兩分鐘，呀宇個嘴離開左我雙唇。

「早抖」佢係我耳邊好溫柔咁講。


我呆左係度完全未反應得切，佢就起左身出左去。臨行出去之前佢幫我閂左道房門，淨低心跳仲未平復既我。



我行出房之後，個心仲係跳得好快。

你到底做緊乜呀湘志宇... 但點解佢唔推開我...？



我另轉面望住道閂左既房門。

雪瞳佢... 會點諗...？



我訓係床上面，好攰，但訓唔著。

呢晚我諗番起呢三年幾黎同雪瞳既點滴，佢係我係中學生涯入面最有戀愛感覺既女朋友。

雖然佢唔係最好，但佢會為我做到最好。

佢知我以前啲黑歷史，我知佢好唔開心佢好介意，但佢肯為左我而接受。

我一次又一次傷害佢，但佢都原諒我。



我講過幾多次會為佢改好啲脾氣，但最終越黎越忍得既係佢。


而我，淨係識原地踏步。

撫心自問，我為佢付出過啲乜我都講唔出。

我連努力讀書，都係因為將來，而唔係單純一心一意為左佢。

如果我真係愛佢既，我根本唔會搭上呀敏，更加唔會因為咁而鍾意呀敏。


或者，我自以為我好愛妳，但其實我根本唔夠愛妳。

不過，我唔想失去好似妳對我咁好既人。



「吱～吱～」

我伸手去床頭拎電話「邊個咁早晨呀」

「雪瞳！嘩仲未訓醒呀妳，成兩點啦死懶鬼」電話傳黎呀wing把聲。

「咩料呀」我眼都未擘大聲都未開咁講

「我地一陣不如地鐵站等跟住一齊行過去呀」

「下，去邊呀」我醒左一醒

「屌你，今晚中學gathering喎，你唔係唔記得呀？」呀wing又串我。

「係喎... 咁我地地鐵站等左先啦」

「七點見，bye」

傲言未考完試，所以今晚唔去。我打開wtsapp，sd左個msg俾佢

「bb呀，我今晚同呀wing個啲食飯喎」

一個剔

可能，佢仲忙緊掛。

我將屏幕滑到通訊錄，撳左入傲言個欄。

但佢忙緊，不如唔好嘈佢喇。

我望住佢個名，然後收番埋部電話。


「起身喇妳？」出到去，見到呀宇坐左係梳化拎住部mac book睇緊野。

「係呀，做緊咩呀你」我想行過去裝佢部野。

「後日交project，依家執緊啲手尾。」佢好專注咁望住個熒幕。

「妳今日番唔番到屋企呀」呀宇抬高頭問我

「... 聽日先有人番... 」我好唔好意思咁講

「係度訓住先，唔介意既話」

我又諗番起琴晚

「我... 已經煩左你一晚啦，我今晚去呀wing度得架啦」我尷尬咁笑左一笑。

「咁... 好啦」

唔知係咪錯覺，我見到佢個樣有一霎那既失落。

「陪我落去食野？」呀宇放低部mac book，然後企左起身

「好呀。」


「呀敏，今晚得唔得閒」我wtsapp左呀敏，佢藍剔左我

「今晚七點半，xxcafe等，我有野要同你當面講。」
之後我就將部電話收番落褲袋


我知道，妳會黎。