【第三者】《只不過有些感覺，不到我來控制》: 十二
(十二)
「咁我走先啦，聽日係咪打波阿」Hinson雖然同呀宇都係住柴灣，但正確啲黎講佢係住杏花村。佢同我地一齊行到去呀宇屋企留下，咁岩見到架小巴。
「再wtsapp啦」呀宇對住佢揮一揮手
「記得帶套呀」Hinson臨走之前拋低呢句，然後就衝上車。
「個死仔又亂up野，妳唔好介意阿」呀宇好尷尬咁講
「唔緊要」我都好尷尬咁笑左一笑
雖然已經唔係第一次去佢屋企，但今次既感覺明顯同第一次好唔同。
搭lift個陣我地兩個都無出聲，我淨係係咁望住地下，而呀宇就不斷望住個層數。
「做咩唔出聲呀妳，扮怕醜？」呀宇終於打破僵局
「我鬼有，你夠係唔出聲啦」
「又唔係第一次黎，洗乜咁緊張」佢笑笑口咁講
「係囉，上次有條友飲到死左咁，要我一個弱質纖纖既女仔抬妳番屋企，唉。」
「... 真係妳自己一個送我番黎架？」佢望住我
「呃你有錢分？」我好無奈咁講
lift門打開，我跟住佢行左出去。
「我以為呀悠話得妳送我番黎係講笑架咋」
「你個頭就講笑，攰死我呀個晚」我企係佢後面差住腰咁講
「傻妹，唔該妳囉。」佢本身拎緊鎖匙，無啦啦另過黎望實我同我講。
「... 咁又唔洗」我避開佢眼神「開門未呀，呢度好熱呀」我一路講一路用手撥涼。
佢笑左一笑「入黎啦」然後拉左我入屋。
「咁我地再聯絡啦，記得後日present呀傲言」呀琪同呀軒臨上車之前提醒我。
「知啦，wtsapp傾啦」我同佢地講左拜拜之後，就同呀敏行去前面個車站，呀敏行得好快，我就一路追住佢。
「呀敏，對唔住」
「你都無錯，錯個個係我」呀敏無另過黎
「我知我好仆街...」
「知有咩用，都番唔到轉頭」呀敏依然向前走
「妳俾啲時間我」我伸手去捉住佢手臂
「我俾啲時間你去同雪瞳培養番感情仲好啦，放手啦。」
「呀敏呀」
「放手啦蕭傲言！完啦好無呀」佢fing開左我，然後頭也不回咁向前跑，淨低呆左係度既我。
對唔住。
我話過，我唔會破壞你同雪瞳。所以，我寧願退出。
我真係... 好鍾意你，但無奈timing唔岩。
既然係咁，不如就咁算啦。
以前我地已經錯左好耐，或者唔好再泥足深陷落去先係最好既解決方法。
「隨便坐啦，我去沖個涼先。」呀宇講完，就入房拎衫。
我就係佢間屋度周圍望。上次送佢番黎，都只係大概見到佢間屋係點，無咩認真去留意，原來佢全屋好多角落都放左同佢女朋友既相。
我拎起佢個擺係電視上面既相架，入面放住佢同女朋友既合照。相入面既呀宇同佢女朋友都笑得好燦爛。
佢女朋友... 真係好靚。
「吱～」我拎出電話，係傲言
「我番到去啦」
「我都番到啦，你早啲休息啦」
「嗯，妳都係呀。」
我將電話放番落袋。
平時如果傲言覆我wtsapp唔打emoji，我會話佢hea我，但係我近排越黎越唔執著呢樣野。
有好多野，我都已經唔再想去執著。就連傲言去邊，同邊個去，我已經唔想再過問。
我覺得一段感情最重要既係信任，無信任，就算幾愛都係無用。
或者呢一刻，我選擇緊逃避。
「做咩唔坐呀」呀宇把聲係後面傳黎。
我另轉頭，見到佢岩岩沖完涼走出黎。佢無著衫，下半身淨係用毛巾遮住，啲頭髮仲未抹乾，有幾滴水珠沿住佢臉龐流落黎。
「無呀，睇相囉」我笑住咁講「你女朋友真係好靚女，你就好啦媾到女神」
「我覺得靚極唔夠妳可愛，妳真係好可愛。」呀宇一路抹頭一路行埋黎我度。
「又講呢啲，繼續扮啦你」我放番低個相架。
「我講真，妳真係好得意」佢行到去我面前，依家我地隔得好近。
佢笑左一笑，然後met左我塊面一下。
我塊面好熱，好熱。
點解佢成日都要對我做啲咁令人有幻想既行為。
「去沖涼啦妳，我拎衫俾妳。」佢講完，就轉身行入房。
佢俾左條毛巾同埋啲女仔衫我，唔洗問都知啲衫係佢女朋友既。
「唔... 唔該」我feel到塊面仲係紅曬咁接過啲衫，然後入左廁所。
雪瞳入左去沖涼，我又收到Yoyo既wtsapp。
「湘志宇你好彩呀，唔該你醒醒定定呀。個條女邊個黎架」八婆果然係八婆，臨尾都要八。
「Hinson啲fd黎，總之我同佢無野。」
「係至好。」
覆完Yoyo之後，我慣性咁打俾Ashley。
每晚訓之前我都會同Ashley傾起碼半個鐘電話。當然有二十五分鐘都係聽佢講佢啲八婆港女姐妹既男朋友呢排送左幾多條pandora俾佢地，出左幾多部iphone6俾佢地，又或者係去完邊度旅行黎。
電話響左兩下我先醒起雪瞳係度，如果等陣咁岩雪瞳出左黎，Ashley又未收線既話，我真係水洗都唔清。
跟住我即刻收左線。
Ashley無聽電話亦都無再打番黎，或者係執緊野掛。
我同雪瞳... 其實識得唔耐，但係我好似呢排成日咩都諗到佢咁。
自從同Ashley一齊左之後，電話通訊錄入面既女性朋友都del得七七八八，淨番低既，一係就同學，一係就完全唔會溝通既，最後一個就係我老母。
記得初初係船p個陣，我係因為要搵呀峰係邊，所以先落左去船艙個層。點知俾我聽到呀峰真係又係係個間房入面搞野。
咁岩，又會撞正雪瞳去搵呀wing。
個傻妹，居然傻到想打擾人地做愛做的事。
可能佢吸引我既，就係佢個種Ashley無既天真。
「到底我想點」我開住花灑任由水花打落我塊面。
我居然，跟左第二個男人番屋企。
「屌，你唔講我唔講呀宇唔講佢鬼知咩!」
當人知道左講大話既方便同埋好處之後，就會學識利用大話。
誰亦曾被騙過 不知道