【第三者】《只不過有些感覺，不到我來控制》: 九
(九)
「幫我影相呀！」呀敏見到米奇老未，即刻跑過去想同佢合照。
我用電話幫佢影左張相，然後wtsapp左俾佢「sd左俾妳啦」
「呀琪，我地去個邊睇囉！」呀敏撓住呀琪，兩個女仔好興奮咁跑左出去。
「拿，幫你叫到你女神出黎，點報答我先。」我搭住呀軒膊頭講
「我同你，邊洗計架！」呀軒笑笑口咁講「得啦，等陣宵夜我既」
「蕭傲言！吳昊軒！快啲過黎啦！」呀敏係遠處對住我地兩個揮手，示意我地行快啲。
我同呀軒兩個都發自內心咁笑左一笑，然後就行過去。
「喂同我影張相先，我今晚要放ig！」呀敏拎住部神器，然後搵我自拍。
「等陣先...」呀敏對住鏡頭整緊佢pet陰，擺緊女神既招牌笑容加扮抑鬱既緊縮眉頭。
我係旁邊望住佢，嘴角不自覺向上揚。
「得啦！」就係佢諗住影個下，我一手攬住佢條腰，另過去鍚左佢塊面一啖。
「嚓！」呀敏俾我呢個突如其來既舉動嚇窒左，而呀軒就忙緊氹佢女神開心而無留意到我呢個舉動。
「記得唔好tag我就得喇」我係佢耳邊講，然後對住佢笑左一笑，隨即另轉去同呀軒講「喂，呀傑到未呀，明明住得最近係佢，遲到個個又係佢」
「屌，係喎，我打俾佢先」
傲言佢... 點解佢要鍚我？
打從中六到依家，佢從來無試過主動係條街度嘴我攬我，最過界都只係會拖下我俾我撓下咁，總之我同佢係公眾地方就一直維持住朋友既關係，獨處既時候先會有親密行為。
佢岩岩係咁多人面前，仲要係呀琪呀軒面前咁做，佢唔怕太揚會俾雪瞳知？
但佢無反對我po ig，淨係叫我唔好tag佢。定抑或係就算雪瞳知道左佢都唔care...？
又會唔會... 只係我諗多左...？
我同雪瞳成為左第一個亦都暫時係呢一批既最後一個入去鬼屋。
「妳驚唔驚架」我望一望雪瞳，佢越痴越埋。
「未行過頭真心驚呀喂... 等埋我呀！」雪瞳一下撓住左我手臂
我個心，好似越跳越快...
「唔洗驚啦，假架」我笑住咁講，試圖冷靜我既情緒。
「原來行頭先驚囉大佬，之前去親都無行過頭」佢一路講一路不自覺咁捉緊我手臂。
「妳真係好得意」我忍唔住講左出黎，同時摸左佢個頭一下。
我見到雪瞳好似呆左一呆，然後我地兩個death左air。
「嘩！！」前面無啦啦有條友彈出嚇鳩我地，雖然我真係嚇左一嚇，但都依然能夠保持鎮定。
「呀！」雪瞳俾佢嚇親，成個人失重心跌左落我度。
「小心！」我下意識攬住左佢
我對佢最深刻既印象，除左跌親，跌親都係跌親。
「傻妹，今日又想跌幾多次」我都唔知點解自己會好溫柔咁講出呢句。
呀宇點解要對我咁溫柔？
「唔... 唔該」我feel到自己依家塊面紅曬而且好緊張。
「嘩！」後面傳黎一班女仔既尖叫聲，我知道係其他人終於入到黎。
「黎啦，我地行囉」呀宇講完，就拉住我隻手行「驚既話，撓實我，我係度。」
呢一刻，我真係好心動
我猶豫左一下，然後撓實佢手臂，跟住好迅速咁玩完呢間鬼屋。
出到去，已經見到Zoey佢地出左黎。
「嘩你地明明遲過我地入去，做咩咁快既」我問Zoey。
「佢岩岩一入到去超驚，跟住唔知發咩癲撳住塊面一支箭咁衝去出口，啲鬼都反應唔切」Hinson翻曬白眼咁講。
「低能仔，咁你黎做乜阿？」雖然我岩岩都好驚，但呢個時候緊係要串下佢一大獲架啦。
「車！我唔信你無嚇親囉崔雪瞳！」Zoey一句得番埋黎
「先無你咁細膽呀」
一路講，我地已經去緊第二間鬼屋。
「岩岩明明有人驚到係咁攬實我」呀宇係我耳邊細細聲咁講，同時露出一個好壞既笑容。
「... 有邊個行第一真係唔驚喎」我拍左佢手臂一下
「嘩妳... 岩岩就攬住佢，依家唔驚就嫌棄佢仲要打佢添喇」呀宇指一指佢手臂笑住咁講。
「... 唔打囉，姐姐呵番」我作狀攬佢手臂
「喂雪瞳！... 嘩你兩個做咩呀」Zoey呢個時候咁岩另轉面叫我，俾佢見到呢個情景。
「... 」我呢個時候好似俾人捉姦在床咁唔知點樣反應，但呀宇就好冷靜咁一手搭住我膊頭然後將我擁入佢懷裡再加埋佢個陽光笑容「佢話凍呀」
「WOW WOW！」Zoey擺出一個超級無敵黑人憎既死樣咁望住我地。
「咩事呀你又」我啤住佢
「無野呀，WOW下係咪唔得呀」佢笑淫淫咁望住我
「唔係，屌你啦」句「屌你啦」我對住佢做口型
我地好快就由過山車個邊行到番上纜車上黎個個位既附近，而個間係鬼屋以片場作為主題，聽啲已經去左helloween既fd講入面真係黑到乜柒都睇唔到。
「今次應該唔洗分開啦掛」Zoey明顯淆淆地，但又扮曬無野咁講
「要阿，逐個入去喎」我諗都無諗就講
「下唔係掛... 屌你，係度鳩up」Zoey一野拍落我手臂
「呢個好似唔洗排咁耐喎」呀樂望一望隊頭
「咁就排呢個啦」
「黑次！」唔知係咪夜晚番風，我又無帶外套既關係，真係feel到有啲凍凍地
「凍呀？」呀宇望住我。
「少少啦，還好。」
跟住佢無講野，直接除左佢著住個間外套遞俾我
「唔洗啦，你著短袖」我笑住咁講，亦都無接佢件衫
「我男仔，小小風怕乜」佢講完就將件衫披左係我身上。
「唔... 唔該曬你」我發現我真係好易緊張。
呀宇笑左一笑，然後又摸左我個頭一下，佢依家直頭無視埋企係隔離既Zoey，Hinson同埋呀樂。
我醒覺之後即刻望向Zoey個邊，但我見到佢好興奮咁同呀樂佢地講緊佢之前去畢業旅行既野，即刻鬆一口氣。但隨即我又諗，佢點解要對我咁溫柔，仲要摸我頭？
「到我地未呀... 」Hinson望左一望電話既時間
「咦...？呀宇？Hinson？哈哈真係你地，好彩無認錯」一直排係我地後面個堆偽abc feel既其中一個濃妝女無啦啦拍左呀宇一下。
由於我地排隊係打曬蛇餅，所以我地既前後左右都係有人。
「都話左係呀宇架啦！」後面有個細細粒既女仔即刻講。
「呀... 呀琳？」呀宇見到個個濃妝女之後窒左一窒，然後隨即展露番個個照牌露齒笑。
「望左你好耐喇，仲以為認錯人」條女講既時候，一直望住我。
「哦... 妳唔早啲叫我，咁咪唔洗估囉」
「哈哈蠢左，係喎，你啲fd呀？」個女仔隨手指，並且有意無意咁指住我問
「係呀」
「未見過既，識唔識Ashley架？」
「唔識」呀宇講完呢句之後，個笑容有少少向下沉。