【第三者】《只不過有些感覺，不到我來控制》: 十
(十)
屌，點解呢個時候先見到Ashley啲八婆姐妹。
呢個呀琳，雖然依家呢刻望落去好似好正，睇住佢心口個對目測D cup既野，我只能夠話騙徒既手法真係層出不窮。
點解我知？
大概半年前，有日呀琳打俾Ashley，話同佢一齊左三年既有錢仔男朋友同佢分手。
一直都名牌主義既佢緊係即刻喊到黑雨咁款，Ashley因為番緊工，所以唔可以即刻去搵佢。
「老公！呀琳失戀依家唔開心到痴線呀！你幫我去睇下佢呀，我好擔心佢呀」
「但我聽日考account...」
「依家人命緊要啲定你個考試緊要啲呀！」
人命？唔好笑死人啦。
但女朋友永遠係大曬，尤其你女朋友係終極公主病既港女。
就係咁，岩岩落左堂既我要即刻飛出去搵呀琳
「佢條後備匙係我房第二格櫃檯呀」
點知我去到佢屋企，見到佢已經醉左，仲要素顏上陣。講真，呀琳樣唔差，個刻第一次見到佢素顏我真係窒左，因為我估唔到係濃妝底下居然有靚野睇。
「妳點呀」我過去扶起佢
「係咪個個男人都係咁」佢一路喊一路雙眼放空咁講
「係佢走寶姐，你坐番好先啦」我同佢講
「係咪個個男人都鍾意大波」
「又唔係既...」
「咁你呢」佢另過黎望住我
「我... 」屌，我好撚鍾意大波妹
「根本就係！依家波細係咪有罪呀！你估我想架！條女係得個波大過我咋嘛！我有咩比唔上佢呀！」呀琳開始發癲
「妳唔好咁啦！為左個咁膚淺既人搞到自己咁值唔值呀！」我一下捉住佢對手講
「個個男人都係咁膚淺架啦！你都係咁架咋！」呀琳講完，就爬左上我度。
「做乜呀妳」我嚇左一嚇，但係佢已經騎左上我度，然後一路除左自己啲衫。
「乜我真係好細咩」佢一路講，一路捉我隻手去揸佢。
又真係幾細
「... 喂妳唔好咁啦」我望住醉左既呀琳塊紅卜卜既臉，加埋依家呢個動作，我用個好無說服力既語氣講出呢句。
呀琳放開我隻手，dup低頭開始嘴我，然後雙手幫我除褲。
我係呢度奉勸所有女性，就算幾fd都好，都千奇唔好俾你男朋友單拖去你個岩岩失戀仲要飲到醉曬既fd屋企。
因為男人，永遠都用條撚黎諗野。
之後發生咩事，唔洗多講。
「哦」呀琳望一望我，個表情話俾我知：你好自為之。
撞到呀琳我就唔係好驚，話曬佢都驚單野爆左出黎會同ashley反面，我驚既係佢後面個on9八婆矮妹fd，Yoyo。
Yoyo係ashley堆fd入面出左名係條八婆黎，總之有佢係度就一定有是非。
但真係吹撚脹，佢啲是非八卦野有九成九都係會令你窒曬機無諗過會發生，而且真實程度更加係100%，呢個亦都係佢依然同到佢班姐妹fd既原因。
靠八婆野去維繫，女仔既友誼其實有時都幾恐怖。
我見到Yoyo個樣，佢先係有啲意外，然後露出一個好奸既笑容。我就知道，呢鋪大檸樂。
「喂行得啦！」前面既Zoey見到我地無郁，就大叫我同呀宇。
唔好講笑，呢間鬼屋真係好黑，係門口已經完全睇唔到入面發生緊咩事，只係聽到好多尖叫聲。
門口既職員每人遞左支綠色瑩光棒俾我地，之後就放我地入去。
岩岩行頭都話可以見到啲鬼，依家真係乜都睇唔到咁濟，因為佢原來整左好多白色大燈係度無限閃，基本上你唔係因為太黑睇唔到野，而係你對眼係會痛到擘唔大而睇唔到野。
我下意識痴實呀宇。
佢好自然咁伸左隻手出黎，我望左一眼，然後拖左落去。
跟住落黎全程路我都係拖實佢。
我真係有啲驚，我一路拖住佢一路將塊面貼落去佢手臂度。
呀宇唔知係咪feel到我真係好驚，佢拖到我好實。
行到一半，我已經習慣左個環境，同埋其實都唔會驚得去邊，事關你都睇唔到啲鬼，佢地又唔可以掂你，淨係得啲尖叫聲同嚇人聲。
我偷偷抬高頭望佢。
我係無限閃爍既環境之中好模糊咁見到佢一直望住前面。佢個輪廓真係好吸引。
我地就咁樣拖住直到行出間鬼屋。
「徐嘉敏！聾左呀妳！」呀琪兜野打落我度
到底傲言對我係咪已經唔單單係得sex既感覺？我一路行，一路不斷諗呢個問題，連呀琪叫我我都聽唔到。
「頂你痛架，岩岩諗緊野呀，咩事呀」
「諗咩呀，諗到我叫左你幾次都聽唔到」呀琪啤住我。
我望一望傲言，見到佢都望緊我。
「關你咩事呀八婆，排你既隊啦」我推左呀琪一下。
「呀，我去個邊睇下有無雪瞳鍾意個隻donald duck，呀敏妳陪我去睇呀」
「哦好呀，咁你地排住先啦」
佢拉左我去間賣紀念品既舖頭門口
「做咩呀妳」佢另過黎問我
「咩做咩呀」我望住佢
「妳係咪諗緊岩岩我鍚妳既事」佢直視我
「我無... 呀」
「真係無？」
「...」
「妳之前肯承認對我既感覺，點解反而依家唔肯呀？」傲言不自覺提高左聲量。
「就算我承認又點，你會同我一齊咩，你會同雪瞳分手咩！」
佢窒左一窒
「無論我幾鍾意你都好，雪瞳先係你女朋友呀」我忍住眼淚，然後又諗番起我同佢上床既情景。
我本來可以壓抑住自己鍾意你既感情，我本來以為我得到你既身體就足夠。
點解偏偏呢個時候你要對我咁好，點解你要令我對你既感覺又有進一步既動搖？
蕭傲言你到底想點。
我唔知我自己做緊乜。
聽完呀軒個番說話之後，我諗，我可能已經慢慢鍾意左呀敏。
或者，一直以黎我都用雪瞳既好同埋佢係我女朋友既身份黎催眠自己我最愛既係佢。
但不知不覺間，呀敏係我心目中既地位已經越黎越高。
我同雪瞳嘈交，我第一個搵呀敏。
雪瞳唔得閒，我要搵人陪，呀敏次次無論做緊咩都會即刻飛出黎陪我。
我一個表情，佢已經知我想點。
佢或者比雪瞳更加了解我。
我只係一直對雪瞳好去彌補自己對佢既不忠。但其實我又係咪真係想同雪瞳一齊到永遠？
其實，我根本一早就唔應該接觸呀敏呢個人。
「對唔住。」我放開呀敏隻手
「... 算啦，唔緊要」佢抬高頭望住我，強忍住淚水既雙眼已經紅曬，佢淡淡咁露出一個笑容。
「呢個鬼屋真係九唔答八，咩都睇唔到」Hinson一出到黎就係度發表不滿。咁又係既，排左咁耐點知唔好玩。
「不如出年都一齊黎呀」Zoey話
「今年都未過，咁快講定下年。」我o左嘴咁望住Zoey
「好呀，下年一齊」呀宇對住Zoey講。
「嘩原來成十點啦喎，我要走啦」Zoey望一望手錶講
「十點啦？我都要走啦咁」呀樂托一托眼鏡
「咁早走？」我問
「呀樂條友住屯門呀」Hinson搭爹
「我聽日早堂呀大佬」Zoey係度撳緊電話
「下你聽日要上堂？」呀樂疑惑咁問
「係呀我上網開班教整蛋糕架」
「嘩，睇唔出喎」呀樂笑住咁講
「哈哈，下次請你地食蛋糕，我走先啦」
「咁不如一齊走啦」呀樂望住Zoey
「好呀！」唔難想像條友依家幾興奮。
佢地兩個走左之後，剩低我，呀宇同埋Hinson。