【第三者】《只不過有些感覺，不到我來控制》: 五
(五)
「琴晚sorry呀，唔該曬妳」我送左傲言上車之後，就先發現原來呀宇wtsapp過我。
「唔飲得就咪懶型啦」
「咁有妳睇住我呀嘛」
「咩料呀」
「嘩串到妳呢」
「你女朋友琴晚打俾你喎，你氹番掂人地未」
「無事啦，佢成日發脾氣既，女皇黎」
「咁咪正，女皇都俾你媾到，威啦」
「丫妳... 點呀妳唔洗陪仔咩」
「岩岩陪完啦，依家番屋企lu」
我下意識望一望個時間。呀，聽日係呀wing生日喎。係啦，琴晚番到去攰得濟，我仲未問佢同呀峰發生咩事。
以往呀wing生日正日都係同我同埋個中學fd一齊過既，於是我就wtsapp左呀wing。
「八婆，聽日想食咩呀」
條友仔一秒read左我個msg「我聽晚要同屋企人食飯呀，可能七點半先出到黎，sorry呀」佢用佢把死人聲扮可愛咁語音我。
「咁我同Zoey同你切蛋糕啦」
於是我約好左Zoey聽日七點買定蛋糕係海旁等呀wing。
「呀言，份野搞掂啦聽日唔洗留底」阿軒打俾我同我講
「好啦，你今晚sd番個檔俾我睇下」
「ok」
「叮！」facebook彈左個通知出黎。係喎，聽日呀wing生日，姐係雪瞳夜晚唔得閒喇。
我拎起電話「聽晚得唔得閒呀，黎我度呀。」
「佢依家先起菜呀」阿wing係七點半wtsapp我地。
「頂你，蛋糕都溶曬啦」
「我同雪瞳食淨半個俾你啦，最多唔點蠟燭留番俾你」
我同Zoey係個group係咁炸阿wing。
「好肚餓呀唉」
「唉特登神早走出黎買蛋糕，點知有人遲到」
「重要起碼遲成粒鐘」
「夜晚都未食呀我」
「我lunch都無食呀，諗住今晚同壽星女食架嘛，點知...」
「對唔住囉，我會趕黎架啦！(無限喊樣emoji)」
就係咁，我同zoey係海旁無限等待阿wing。
Zoey同阿wing由小學已經識，中學更加升埋同一間，我地三個就fd左。
比起我，Zoey對阿wing既認識應該更加深。我應唔應該同佢講呀wing同呀峰啲野？
但係我真係好擔心佢俾人呃。
「係啦Zoey，我前日同呀wing去左船p」
「我知呀，佢都有叫我去但係我唔得閒咋嘛」
「妳... 知唔知有邊啲人去架」
「基本上都知既」
「咁... 妳識唔識個啲人架」
「有啲識囉，做咩呀」佢既視線由天空轉移到我身上，我一另轉面，已經同佢對視緊。
Zoey好識睇人眉頭眼額，佢覺得我有野想講
「呀峰... 係邊個黎架」
我見到Zoey臉色一沉，然後好認真咁問「佢... 有去?」
Zoey既表情令我覺得好不安
「雪瞳，呀峰佢... 係咪有去？」佢再問多次。
我見到Zoey既反應，忍唔住講左單野俾佢知。
Zoey聽完我講，沉默左幾秒，最後佢好認真咁同我講左一件我發夢都諗唔到既野。
中四個年，有一日阿wing個fd生日，個晚佢地出左去慶祝。因為我已經同左傲言一齊，所以我無去到。個日有個叫呀峰既男仔睇中左呀wing，仲想食左佢。
呀峰既好兄弟呀浩知道呀峰想食呀wing，但呀浩個呀哥一直都鍾意呀wing，所以佢就暗中極力幫呀wing脫離呀峰既魔掌。
好彩既係，呀wing對呀峰無咩好感，因為佢覺得呀峰都係出黎玩個啲人，同佢一齊都係玩完就走。
但呀峰為左要食呀wing，就駛開左呀浩，然後落左藥係呀wing杯野度。最後佢成功帶左呀wing上房。
條友搞完仲未肯算，佢要呀wing保密，而且佢想要個陣呀wing一定要出現。佢仲影埋相黎威脅呀wing。
呀wing覺得好無助，佢喊左幾晚，最終淨係同左Zoey講呢單野。
後來，呀wing出去玩個時識左隔離女校一個F2，識落先知原來佢係呀峰條ex，佢叫呀婷。
呀婷原來曾經俾呀峰搞大左個肚而搞到佢父母話要報警，但呀婷太愛呀峰，死都唔肯供佢出黎。
後尾果然，呀峰俾錢佢落左仔之後就飛左佢，呀婷亦因為呢件事曾經得左中度抑鬱症。
呀婷知道左呀wing既遭遇之後，覺得呀峰實在太過份，於是就去左搵呀峰威脅佢要佢以後唔好搞呀wing同埋del左啲相，如果唔係就公開當年呀峰搞大未成年少女個肚。
要知道一個女仔就算老屈一個男仔非禮都係一件非常容易既事，就係咁，呀峰應承左呀婷，而呀wing單野亦告一段落。
「咁點解... 呀wing同佢係船到...」既然已經了結左件事，點解呀wing上次仲要同佢...
「呀婷F4個年屋企移民左去英國。」Zoey好簡單咁講。
姐係話，呀峰因為知道無左呀婷呢個威脅，所以就想搞番呀wing？
「Zoey，我好想打柒個呀峰。」我忍住道氣咁講。
「我岩岩聽到你講之後既情緒都同你一樣，我想去搵條仆街講清楚，但係諗起呀wing d相佢可能有back up... 」
真係好過份... 唔通個日我係船到聽到既，都係呀峰逼呀wing既？
「我去打個電話俾傲言先」
「喂雪瞳... 」
呀wing當時... 好似叫住左我。
姐係如果唔係我走開左，呀wing可能唔洗再任由個條友擺佈。
等我仲以為自己做左件好事，點解我可以咁蠢。
「我依家狗衝緊過黎架啦！」我電話響起，一接，就已經聽到呀wing上氣不接下氣咁講。
「我地係海旁呀，妳慢慢啦」
「呀wing黎緊啦」收左線之後我同Zoey講
「等陣一定要三口六面問清楚呀wing」
「雪瞳！Zoey！」離遠見到呀wing跑緊過黎，Zoey即刻點蠟燭，而我就企起身讓個位俾呀wing坐。
「生日快樂啦八婆，二字頭啦好老呀你」
「最老係你呀呢度」呀wing笑住咁回敬我一句
我地三個就好開心咁切蛋糕。
我地三個已經好耐無好地地咁一約出黎食過飯齊傾過計，今晚我地搵番好多舊時時候既回憶。
Zoey讀緊社工，係我既協助下，好快佢就引導到呀wing講呀峰單野。
「好啦，我同你地講啦... 其實... 發生左個件事之後，我係好憎呀峰，但係慢慢咁，我鍾意左佢。可能係因為佢係我第一個亦都係目前為止唯一一個俾過佢既男人啦。船p個日，佢證明左俾我睇原來佢真係好鍾意我...」
「我去打個電話俾傲言先」
「喂雪瞳... 」
阿峰行左過黎，佢見到雪瞳令轉身之後，即刻拉左我去船艙個度。
「放手呀周焯峰！」我好大力咁fing開呀峰隻手，腦海裡面不斷浮現出同佢搞野既片段。
我思緒好混亂，我已經唔記得幾時開始我無再反抗佢，亦都唔記得幾時開始鍾意左佢。
自從阿婷幫左我之後，我成個人輕鬆曬。但係同時，我掛住佢。
我好犯賤，我知。
亦可能因為呢個陰影，我再無拍過拖。
「呀wing，對唔住呀... 真係好對唔住，但係我真係好鍾意妳架，我真係好愛妳... 我以前威脅妳，係因為我想留住妳係我身邊...
其實啲相我第一次俾你睇完之後就已經del左喇... 呀wing，我唔識表達，由細到大我都無試過有個女仔可以俾到感強烈既感覺我。
自從第一次見到妳，我覺得妳真係好特別。我識既女仔入面，個個都係姣婆，一唔係就好虛偽既港女，但係... 妳唔係。
所以我好想得到妳... 個陣唔成熟既我淨係諗到呢個方法去佔有妳，真係好對唔住... 就係呀婷黎威脅番我個陣，我先知原來當時我同妳既關係只係咁脆弱，原來要失去妳係咁容易既事...
呀wing，我想妳做我女朋友... 失去左妳既日子，我無辦法唔諗妳，俾個機會我去愛妳，去彌補我做錯既得唔得？」
阿峰對住我講出左呢一番說話，我好亂，我唔知信唔信佢好。
於是，我攬住佢，然後隻手慢慢咁伸落佢條褲度。
阿峰先係嚇左一嚇，然後佢推開左我。
「妳... 做咩... 」佢呆左咁望住我
我見到佢呢個反應，我好滿意。然後，我笑住咁攬住佢，同佢講：男朋友
聽完之後，我同Zoey定曬格咁唔識反應。
「總之... 佢蝦妳既話，要話俾我地知呀！」Zoey俾左個眼色我，然後識趣地打完場。
雖然我都係唔係咁鍾意個呀峰，但... 只要呀wing開心就得啦。
「吱～」我滑開電話屏幕
「生日咁好，係邊度慶祝呀」係呀宇
「無呀，我地係xx海旁度切蛋糕咋嘛」
「咦好近喎，我係妳附近，有無性趣見個面呀」
「益你，有兩個靚女fd」
「我都有靚仔fd，咁我過黎架啦」
「... 我呢，有個fd話過一過黎喎」
「有無禮物架」阿wing笑住咁講
「雪瞳！」我另轉面，見到阿宇同埋兩個男仔行緊過黎
「hi矮仔」我邊講邊笑
「妳條mk妹呀... 生日快樂呀wing姐！」佢見到阿wing係隔離，於是就90度鞠躬咁講。
「多謝曬」唔知係咪錯覺，我見到阿wing望住阿宇，然後望一望我係度陰陰嘴笑。
「佢地係我話一齊去op既fd，金毛呢個叫hinson，條高佬叫阿樂」
「hello」我對住佢地笑左一笑
「咁我地走先啦，唔阻你地慶祝」呀宇望住我講
「好啦，拜拜」
佢地走左之後，呀wing同Zoey兩條八婆開始黎料。
「崔雪瞳你幾時識到班咁正既仔仔架」Zoey用手肘頂一頂我。
「人地船p識架」呀wing加把口埋黎
「岩岩條高佬幾高質喎」Zoey笑笑口咁講
「求介紹？」我串番佢
「我見岩岩個齊陰仔仔係咁望住你喎」Zoey一手搭住我膊頭，試圖轉移話題。
「雪瞳個日全日咪就係同佢一齊囉，人地叫呀宇呀。」
「下，咁傲言點算呀」
「點睇都呀宇高質啲啦」
「我傲言派架喎」
「頂你地兩個，咩事呀」呢刻既我好想車把佢兩個「我約左佢地去helloween，你地有無性趣呀」我嘗試轉移話題。
「唔啦，我約左人去啦」呀wing一邊講，一路含春笑
「唔洗問肯定同呀峰去啦」
「我都可以一齊既」Zoey笑笑口咁講
「睇中條高佬呀」
「係鬼，我亂up咋嘛岩岩」
「一定係咁啦，妳笑到好樣衰呀何素兒」仲唔俾我串番你幾句。
「收皮啦！」
就係咁，呀wing既生日係我地既八婆話題之下結束左。