【第三者】《只不過有些感覺，不到我來控制》: 四
(四)
「嗯... 呀... 傲言你好勁呀...」
「呀... 你電話響呀」
呀敏見到傲言放係床頭既電話有來電，於是想停一停。
但係同呀敏激戰緊既傲言呢一刻淨係想扑野，性慾已經沖昏左佢頭腦。
「唔聽住，幫我熄左佢」傲言喘住氣咁講，同時條腰用力一挺，呀敏忍唔住叫左出黎「呀！」
我同呀敏係F6個陣聯校辯論隊識既，個陣我岩岩同雪瞳一齊左年半。講真，我對雪瞳係認真，我真係諗住第時係娶佢。
佢係對我好好，好就我，仲好體諒我，不過佢同我既價值觀實在太大分別，差唔多所有野都係。
我岩岩識呀敏個陣，覺得佢係個好有氣質既女仔。佢身材好好，而且身高米七，淨係對腳都可以玩成晚。總之，佢俾人感覺係高高在上既女神咁。
我同佢好好傾，成日約埋出去食飯，但我無同雪瞳講過我同呀敏咁fd。
呀敏同雪瞳最大既分別係呀敏思想比較成熟，而雪瞳就比較天真。
可能男人就係咁，當你同女朋友行耐左，你就會想試下同你女朋友唔同類型既女仔。
而咁岩個陣呀敏對我有啲野，佢話佢唔介意做第三者，甚至sp，只要同到我一齊就得，仲有唔會整散我同雪瞳。
無可否認，我係有啲鍾意左佢，我想扑佢。但我心裡面愛既係雪瞳。
就係咁，我同佢開始左呢段唔可以見光既關係。
佢曾經問過我一個問題，佢話如果雪瞳都有個sp我會點，我當下即刻話緊係分手啦。
呀敏笑左一笑，然後話：你依家咪一樣。
我諗深一層，係喎，其實我依家咪一樣，或者我個陣會原諒佢呢。
婚前試愛入面，周秀娜同羅仲謙曾經講過，內疚係維持感情既最好方法。
但係去到最後先知，原來真正愛一個人，係寧願分手都唔會想去接受。正正因為太愛佢，你根本無可能會接受得到。
我好愛崔雪瞳，奈何最終都係改寫左我地兩個原本好開心好幸福既結局。
「唔該曬你呀」我同個司機一齊抬呀宇上樓，好彩個司機好人，見我一個女仔推佢上車已經咁辛苦，到落車個陣居然肯話幫手拉條友上樓。
「妳一個女仔咁樣好危險架！男朋友仲要醉到咁，一係咁啦，妳唔介意既我幫你抬佢上樓啦，唔收多你地錢！下次唔好飲咁多啦後生仔女！」個司機落車個陣同我講左呢句比神更偉大既說話。
「唔洗客氣！我俾張卡片妳，你地第時call的士可以搵我！」個司機叔叔豪邁咁講 「好呀，唔該曬！」
司機走左之後，我係呀宇後褲袋搵到佢條鎖匙，然後搬佢入去。
原來呀宇係自己一個住，我一直以為男仔既屋企會好亂，但睇落佢有定期執屋。
我推左佢入房，係廁所整左條熱毛巾敷係佢額頭，就打算走佬。點知呢個時候佢電話響。
好奇心使我拎左佢電話黎睇，原來係有人打俾佢，聯絡人寫住女朋友大人加個心心。
呢一下我有啲唔知想點既感覺，我轉過頭望一望呀宇，佢已經訓到電話響都聽唔到。於是我就放番低佢部電話，就起身走左。
「係邊呀呀寶寶？」
「我番到屋企啦，岩岩沖完涼」我岩岩吹完頭就收到傲言既電話
「聽日去邊好呀」
「嗯... 去邊都好啦，想見你呀」
唔知係咪心虛內疚，我突然我好驚傲言會唔要我，我好想見到佢。
「傻妹，咁我聽日去妳樓下接妳啦。我訓先啦，今日溫左咁耐書好攰」
「好啦，早抖bb」
收線之後，我個腦不斷諗起呀宇同傲言。
「聽日有拖拍啦唉」傲言收線之後我隨即拮左佢一句
「都要屌下女朋友既」傲言笑住咁講
雖然我知道佢呢句只係講笑，因為我知道傲言對我同對雪瞳，一定有分別...
「係啦係啦，講下咋嘛」我勉強咁擠出笑容，而傲言亦好合理地留意唔到。因為佢根本唔會好似在乎雪瞳咁在乎我。
傲言放低手機之後就另左過黎，一手攬住我條腰，一手揸落我胸口「我又好想要」 然後就嘴左埋黎。
其實我知道，你並唔會愛上我。
今日係我同雪瞳既三年紀念日，我一早已經諗好點樣俾個surprise佢。
我約左佢三點係銅鑼灣等。雪瞳好簡單好易滿足，其實只要陪住佢行下街佢就已經可以好開心，所以我一直好興幸識到呢個女朋友。
以往既生日，紀念日，我地都只係去食下放題，切下蛋糕咁過，但自從同呀敏有接觸之後，每一個重要日子我都會想盡辦法俾驚喜雪瞳。
可能，我想用呢樣野去彌補我對佢既不忠。
我今日亦都要俾個與別不同既回憶佢。
我離遠已經見到雪瞳，而佢一見到我，就即刻跑過黎攬住我「好耐無見我好掛住你呀」佢將個頭埋係我心口講。
「我都好掛住你」我輕輕鬆開佢，然後鍚左佢一下。
「我好肚餓呀仲未食野，去食野」雪瞳既面上泛起一陣陣紅暈，佢依然好似當初岩岩同我一齊個陣咁，係人多既地方到鍚會面紅。
「想食咩呀」
「譚仔！」
雪瞳超級鍾意譚仔，因為佢話啲雞翼同皮蛋好好食。
雪瞳唔係好似一般人咁叫一碗有餸既米線加小食，佢每次食都係叫一碗淨米，然後再叫皮蛋同埋口水雞翼同我一齊食，而且佢食左三年都唔厭(未計我同佢一齊之前)。
我地行去總統隔離個間譚仔。雪瞳淨係會食譚仔，唔會食三哥，因為佢話三哥啲皮蛋好難食。
我地坐低叫完野食之後，雪瞳係個袋拎左一袋野出黎。
「拿」佢將袋野遞俾我
「咩黎架」
「你睇下咪知囉!」
我伸手接過，然後打開。
「我整左好耐架」
雪瞳整左一本佢自己hand made既相冊，個本野可以一下拉出黎就會有好多頁，而折番埋就得番封面同個底。
無可否認呢一刻我係感動，其一係雪瞳既藝術世胞好發達，加上我見到佢封面用左我地第一次去長洲過夜係沙灘影個張攬攬相，下面寫住：願今生只與你一個相擁。
睇到呢度，我個腦閃起我同呀敏。呢一殺那，我好內疚。
「傻妹，多謝妳，我好鍾意。」我輕輕咁講，同時摸左佢個頭一下。
「嘻，你鍾意就好啦。入面仲有個鎖匙扣，你上次話吊墜唔見左，今次鎖匙扣無可能唔見啦掛！」
雪瞳一路笑，一路用眼睛示意我再睇下個袋。
果然，係最底我發現左一個係一條鎖匙圖案既鎖匙扣。
我呆左咁望住條鎖匙扣。
「拿，呢個係你既，我個個係個鎖黎，同你一對架！以後呢你條匙淨係可以解開我個鎖，知道未!」雪瞳望住我，好天真咁講。
「傻婆，我唔會再整唔見。」我將佢緊緊擁入懷。
個日我約左呀敏。
「呀... 傲言你好勁呀... 嗯... 快啲...」我加快速度
「呀... 我唔得啦... 停... 停一陣呀... 呀！」我無理到阿敏，一下頂到最深，同時為呢個過程劃上句號。
「呀敏，有無見過我個吊墜呀？」
「吊墜？無喎，咩樣架」
「我平時帶開個條頸鍊呀，羽毛黎架呢，食屎啦唔見左，係雪瞳送俾我架」
「... 我幫你搵下啦」
「好呀唔該，我諗係今日係妳度跌左」
「嗯，拜拜」
呀敏對眼紅曬咁望住手中既羽毛吊墜，然後狠狠咁拋左落街。
「我份禮物呢？」雪瞳笑住咁攤大手板問我。我嘴角不自覺上揚「我點會唔記得呀。」
我係衫袋拎左個好細既戒子盒出黎，我見到雪瞳個樣明顯有啲驚訝。
「雪瞳，鑽石戒指我真係未買得起，所以我用住呢樣頂住當先。」
我打開個盒，裡面係我搵人訂造既耳環，對耳環分別係我同雪瞳個英文名簡寫，上面有兩粒粉紅色既水晶。
下一秒，我當住全間譚仔既人面前單腳跪左係度。
「雪瞳，我知我地兩個都仲細，我知我仲未讀好書未事業有成未有能力成家立室，但我真係好想用我一生既時間去保護妳，愛妳。我想係度俾個承諾妳，無論以後點都好，我都會係妳身邊，唔會離開妳，我想你成為我既女人。雪瞳，嫁俾我好無」
「嘩！有人求婚呀！」
「應承佢啦！」
「好浪漫呀！」
「我都想呀」
我見到雪瞳眼泛淚光，我知道佢俾我既說話感動到。
「你起身先啦... 喂呀... 個個望曬過黎」雪瞳一路講一路雙手掩面，同時眼淚終於忍唔住流左落黎。
「你應承我咪起番身」我好有把握笑住咁對住佢講。
「係啦我應承你啦，起身啦」
我企番起身，即刻將佢緊緊擁入我懷抱。
「WOW！」啲三姑六婆就開始起哄拍手，而我呢個「求婚」就係呢啲唔識既人既歡呼聲同祝福之下結束左。
「老婆」
「車，我話嫁你咩」雖然咁講，但佢既表情出賣左佢
「妳晏就應承左架！」
「依家諗下先啦」
「嘩，搞錯呀」
「咁你幾時娶我呀」 雪瞳一路講一路忍唔住甜笑
「讀完個Master就娶妳番黎」
「嗯！」
我拖住雪瞳隻手，慢慢咁係海旁散步。
海風迎面吹埋黎，呢一刻我淨係想好好享受同雪瞳一齊既時間。