【第三者】《只不過有些感覺，不到我來控制》: 三
(三)
「咁黎船p就係要落水架啦，唔洗特登陪我架喎」
「我想陪妳，得唔得呀咁」呀宇講完，就坐過黎我隔離。
「吱～」我個電話mon 彈左個wtsapp通知出黎，一睇原來係呀瑤搵我。
「死婆，下星期去唔去helloween呀」
「緊係去啦，年年都去架啦」我快速咁係wtsapp輸入
「又同仔仔傳情呀？」阿宇伸個頭埋黎笑住咁講
「我女朋友呀」我都笑住咁講「無呀個fd問我去唔去helloween咋嘛。」
「咦我都會去喎，妳幾時呀」
「未知喎，下星期掛」我一路答佢一路係wtsapp問呀瑤啲細節
「就28號啦！」呀瑤秒回我「我男朋友都去呀」
我就即刻抽左佢幾句水「威威豬啦有仔仔陪」
表面就講笑串佢，實情我真係好羨慕呀瑤同佢男朋友。
呀瑤同佢男朋友識左十幾年，一齊左七年，本身係青梅竹馬。
由F1個陣兩個都仲係懵懵懂懂咁就已經一齊左，但估唔到既係到左今日佢地仲係咁恩愛。
呀瑤男朋友好鍚佢，就算佢唔鍾意既活動，只要呀瑤想去，佢都一定陪，仲要真心樂意陪個隻。
而呀瑤都好愛佢男朋友，成日有咩第一個都係諗到佢，行街第一件事係買野俾佢男朋友，所以我真係好羨慕佢地。
而傲言，從來無興趣既野都唔會陪我去，之前試過一次叫佢陪我去書展，本身佢都唔想，但最後陪左我去。
結果到左最後，佢因為好多人同埋好熱既關係黑足我全程面，番到屋企之後更加屌左我一大獲。自此我就唔敢再叫佢陪我lu。
「我28號去喎」我抬高頭望一望呀宇
「唔知靚女有無性趣一齊去呢」呀宇露出佢個個好charm既笑容
「咁快就想約我呀」我話
「唔得呀？」
「點會，多啲人仲好玩。咁我同我個fd講架啦」
「呀，我都有兩個個fd一齊去。」呀宇望一望水入面班人。
「係仔仔先好帶黎呀」
「靚仔黎，不過gay既sorry」
「有幾靚仔先，話唔定我可以改寫佢既hehe人生呢」
「有我一半咁啦。妳呀？er...」佢特登由頭望我望到落腳趾尾，再由腳趾尾望番上黎我心口，仲要加埋個個黑人憎既笑容。
「咩意思呀你」我一下拍落佢手臂
「講笑咋。呢佢地都有黎船p架，岩岩落左水個個金毛仔同埋個高佬，等陣介紹妳識。」
「好呀」
我下意識望一望落海，明顯見到有個金毛仔攬住左個女仔，而個高佬我仲未見到。
「係喎，電話」佢伸大手板望住我部電話講
「做咩阿又」
「抄妳牌係咪唔得？」
「男神抄我牌，開心都黎唔切啦」我將部電話遞俾佢。
「妳睇下妳，一熟左就開始串，唉等我仲以為妳係純情乖乖女。」
就係咁，我同呀宇交換左電話。
「吱～」正當我諗住覆番呀瑤個陣，我見到有個我save左做米八型仔男神bb既聯絡人搵我。
「做乜呀你」我笑左出黎「米七就有你份，米八喎，知唔知醜呀你」我笑住咁串佢
「嘩串到呢，依家啲mk妹咁串架咩」
「喂認真，真係約實28號架啦喎。」
「係呀，咪甩底呀mk妹。」
「走開啦死矮仔」
「丫我俾機會你講多次」呀宇一路笑住咁講，一路舉高手作狀要捉住我。
「話你矮仔囉做咩呀」我一個縮身避開左
「妳俾我捉到妳就知死呀」佢講完就想捉住我，但我一個閃身避開左，然後就跑開左。
「嘩好彩！」我一路走一路大叫
「小心呀喂！」呀宇一見我跑，即刻好緊張咁大步跨左兩步黎拉左我入佢既壞抱咁攬實我，我俾佢呢個動作嚇左一嚇，成個定左係度。
「做... 做咩呀你」
「傻仔跑咩呀妳，今日仲跌唔夠呀？」佢好認真咁望住我講，同時雙手捉住我既肩膀。
我呆左，點解佢要咁緊張？
我同呀宇就繼續係船上面傾下計，串下對方玩下電話咁，等到差唔多七點幾，呀k佢地開始陸續走番上黎準備整野食。
個晚佢地打算係架船上面bbq，整好啲野之後，啲人就開始圍過黎，而架船都開始慢慢咁駛番埋岸。
「其實今日係呀峰生日！」呀k企左起身諗住搞下氣氛。
「生日快樂呀！」啲人逐個向呀峰講生日快樂。
呢刻我先見到呀wing一直坐左係呀峰隔離，而呀峰係坐係張長枱較窄個邊個個位，仲要坐到成個大佬咁既死款，成個場面望落呀wing就好似佢女朋友咁。
而其他人雖然無講出口，但係明顯都當左佢地係一對咁。
我望住呀wing，見到佢都咁岩望緊我。
「請解釋。」我wtsapp左呀wing
「咩？」條友仲係度扮
「今晚大把野問你」我覆完就off左line
之後班人就係度食野，飲酒，去到咁上下有人拎曬啲骰盅出黎。
而個個金毛仔就走左過黎同呀宇玩十五二十，我後尾先知佢叫Hinson。
「五！十五！哈，飲啦！」Hinson已經連贏左呀宇五次，雖然Hinson本身已經飲左幾杯，加埋其實有兩盤呀宇輸左但Hinson都有飲，不過佢仲係幾清醒。
而呀宇已經連續飲左五杯whisky，我見到佢塊面紅q曬，仲要合埋眼個樣好辛苦咁。
「你得唔得呀？」我拍一拍佢
「其實我好耐無飲，依家好wing」佢仲係合埋緊眼，眉頭仲要緊鎖。
「頂你，唔得就唔好飲啦」
「再黎，喂呀宇你唔係咁雞呀？」Hinson其實都有啲wing，我估佢見呀宇個樣咁唔掂，特登玩野。
「黎呀，怕你呀」呀宇夾硬擘開眼同Hinson玩，但係佢又輸「飲啦你！」
我望住呀宇個樣好辛苦，而且佢真係杯都拎唔穩咁濟。
「等我黎」我一手拎走左呀宇杯酒，然後一野飲曬。
好彩我由細已經同我老豆飲開酒，酒量唔錯。我一飲先發現班友仔只係溝左好少綠茶，姐係個酒精濃度都係好高，難怪班男仔都係飲左幾杯就黎料。
「喂，妳痴撚左線呀？」呀宇想阻止我，但係我動作快過佢，已經飲左杯野。
「你睇下你呀，仲飲呀？痴撚線個個係你呀！」我忍唔住鬧左佢一句。
之前傲言都會飲酒，仲要唔醉唔肯停個種，而我每次都會鬧到佢痴線，而好合理地，之後我地就會嘈交。我用左兩年時間令傲言戒酒，都咪話唔辛苦。
依家見到阿宇咁樣，同個陣既傲言好似。我好嬲，同時我好擔心佢。我好似係佢身上面搵到傲言既影子，我都唔知自己諗緊乜。
「吱～吱～」呀宇電話響起
「喂？... 我今晚趕唔切呀...阿豪佢地醉曬我要送佢地番去呀... 我聽日黎接你好無？ 乖啦鍚番... 我番到去打俾你好無，嗯，拜拜」
「女朋友打黎呀」
「係呀，唔鬼記得左今日應承左話佢接佢放工」
「你死啦你仲飲咁多」
「唔飲都飲左啦，緊係飲盡佢」
「頂你」
原來不經不覺架船已經就黎埋岸。
「我要去廁所...」呀宇跌下跌下咁企左起身，我即刻抆住佢手臂「我陪你」
係一個正常既場合如果一個人男仔要去廁所而有個女仔話要陪佢去既話，我深信200%係會引起旁人奇異既目光，但係個晚，完全無，因為在場每一個都係唔清醒。
我扶住呀宇去到廁所，而我就係門口等佢。呢個時候，我電話響，係傲言。
「bb」佢個邊好靜。
「溫完書啦？」
「未呀，諗住食啲野抖陣先順便打俾妳嘛。掛住妳呀我」
對住自己最愛既人，即使一日無見都會好掛住。而就算每隔一個鐘聽到佢講一次掛住我，都唔會厭。
「我都好掛住你呀b」我由心咁笑左一笑
「妳呢，出完街未呀？」
佢講完呢句，我個腦第一時間浮現左呀宇個樣出黎。
我對傲言講個兩年以黎既第一個大話。
「就走架啦，呀wing同佢啲fd有下場，我等陣可能hea多陣就番去啦」
「咁妳自己記得小心啲，番到去要打俾我呀」
「好啦，你都唔好溫咁夜啦」
收左線之後，廁所門亦都打開左，呀宇搖黎搖去咁行出黎。
呢個時候既傲言，已經同呀敏訓左係床上面。
「訓係我隔離話掛住女朋友，曳呀你」呀敏笑住咁講。
「吹呀？」傲言一邊放低個電話一邊講
「吹你呀？」呀敏哄埋傲言度
「妳曳呀」傲言左邊嘴角微微上揚咁望住呀敏。呀敏笑左一笑，然後就解開傲言條皮帶。
「你點呀」我扶住呀宇番去
「我無野，我仲飲得」
「你收皮啦好無呀」
番到去，我先見到原來呀wing wtsapp左我「雪瞳我走先啦，呀峰醉左我要陪佢番去先... sorry呀」
乜話？識左一日就一齊，都算。仲要同埋人地番屋企，而且條仔仲要醉左？施曉穎你做乜鳩呀。
我二話不說就打左俾呀wing，但係響極都無人接。
頂，呀wing今日到底做乜。雖然佢望落好open好玩得，但係佢其實好潔身自愛。到今朝為止佢都仲係處。
以往既男朋友只要一想搞佢，佢就會分手。唔單止係咁，佢雖然成日群埋啲mk度，不過佢從來唔會去蒲，亦都唔會出夜街。
條友最遲夜晚11點就會番到屋企，所以我成日話佢係灰姑娘。
呢啲野我都係聽佢啲ex同埋fd講，加埋我識左佢咁耐以黎所知道既。所以我真係好疑惑，呀wing做咩事？
「呀宇你去左邊阿，陪我飲！」一個好高既男仔塊面紅曬咁走左過黎對住呀宇講。
「好」話畢，條友想拎起正前方放係檯面既一支藍妹。
「我同你飲！」當下我即刻企起身，搶左高佬手上個杯酒然後一野飲曬。
「哈哈，好... 好！妳陪我飲...」講完呢句，佢成個冧低左係地下。
「妳咪同我飲呀」呀宇捉住我隻手黎借力企左起身，然後想拎走我手上既酒。
但係由於佢企唔穩，加上佢太重我頂唔住既關係，我俾佢推左落地下，佢成個趴左係我度。
我呆左咁同佢對望，依家我地兩個塊面只係相距唔過5cm。唔知係咪酒精發作，呀宇越哄越埋，然後一下嘴左落黎。
「卜卜，卜卜...」
我呆左兩秒，下意識將佢推開。
「... sorry」
「你... 起身先啦」我仲未平靜到我既心跳，於是我拿拿聲扶起呀宇。
過左一陣佢地班人都打算散場。有兩個比較清醒既女仔就call左的士送其他人番屋企，而呀宇一早已經挨係我膊頭訓著左。
「咦你識呀宇架？咁你送佢番去啦」一個黑色長髮既女仔走過黎同我講
「下，我... 岩岩識架咋」
「我俾佢地址你呀，因為我同呀悠仲要送個班友呀，唔該你呀」個女仔好誠懇咁望住我，然後手指一直指住佢身後個堆醉到不行既人。
我望一望手錶，十點。唔知傲言番到去未呢。
「你所打既電話暫時未能接通...」
可能係沖緊涼掛，於是我sd左個whatsapp俾佢「bb，我依家番緊去啦，你打俾我啦(豬)」
然後我拿拿聲推左呀宇上的士。