我諗我可能或者係個姣系/淫娃（新手）: （十五）

有一次，就係楊sir生日前兩個星期。

「你就黎生日啦喎，約左邊個去邊到慶祝呀？」
「正日果日未有人約呀！」
「咁我可唔可約你呀？」
「去搵你送禮物俾你得唔得？」
「可以呀，當然可以啦。」


「ceci，其實過去咁多年我好少慶祝生日。只有一年同929同月份生日就有一齊慶祝。」


「咁我地去邊到慶祝呀？」
「唔知呀到時候再諗好無。」我一心只係想著應該送咩野禮物令到楊sir 感到驚喜，
並無策劃整個慶祝活動既詳程。
「好啦咁！」

我無諗過佢會答應我既邀約架，因為一個老師同一個學生單獨約會，
好似好怪咁。但我真係好興奮好期待，於是我就開始預備楊sir 既生日禮物...

雖然我同楊sir 有呢個單獨慶祝生日既約會，我並唔係要同佢表達我既心意。
一黎我唔敢，我唔想開左口之後連朋友都無得做。二黎，當時既我認為表白更加無可能繼續發展。


我只想同楊sir慶祝生日，滿足我暗戀既慾望。

我左諗右諗，都覺得生日禮物送蛋糕係最實際，而由於楊sir 買左新電話。我決定手製一個電話袋俾佢。
我由簡布啦，染布啦，到車都係充滿我對楊sir 既心意。其實我從來未試過對一個人咁好...

到左整蛋糕，其實我都有整蛋糕既經驗，但唔多囉。以前同個咁既人一齊，仲對佢咁好把鬼咩。
我決定要整一個oreo 味既蛋糕，純粹覺得楊sir 應該唔會唔鍾意oreo 掛。

但就係楊sir 生日前一星期，忽然收到一個消息。
就係楊sir 生日當天，我上就有課外活動要參加。



「師父，徒兒在師父壽辰當天，上就有要事要做，未知師父認為該如何是好呢？」 我經常同楊sir 都係咁樣溝通。

「不打緊，師父下就亦有空。我把一整天都留了及徒兒了。」
「師父你這麼寵愛徒兒，難道你愛上了我？」
「當然啦，師父愛徒兒是應份的。」
「喂唔玩啦，好嘔心呀我覺得！」我明知道佢只係講笑，但我依然感覺到好開心。唔想呢個ff 夢醒。
「我個個都咁愛，呢d 叫大愛。。。」 當佢補上呢一句，我諗係想我分清楚掛。我唔知。
「大愛 good。」
佢經常都會同我開呢d 玩笑，係真係假我一直都唔清楚。
終於到左我同楊sir 慶祝生日當日。
早上既時候參加左一個好有意義既活動，我形容呢一日係別具意義既！

因為呢個係我同楊sir 第一個約會。我十分隆重其事，我怕打扮太誇張mk，
又怕穿著暴露會令楊sir 對我反感。左諗右諗，最後決定以白色斯文長裙去迎接我同楊sir 既約會。 



我手拎著自己手製既oreo 蛋糕，裡頭全部都係我對楊sir 既愛意。係搭車去既過程，
我好興奮，因為除左果一次同梓浩拍拖前既約會，我都係第一次同男朋友以外既男仔單獨約會。

今次去既地方，我呢d 鄉下mk 妹更本無去過。我要去接楊sir 放學，
某程度上係我地既約會過於禁忌，唔可以約係大家熟悉既地區到會面。俾人撞見係會大檸樂既。

去呢個陌生既地方，我呢個頂級路痴係完全唔識路，但我唔洗怕，因為我有佢！

「點算呀我又唔識路唔知自己係邊呀？」
於是，佢打電話俾我，話我知我應該點樣行。我發現原來佢一直係遠處望住我，
我真係覺得好怕醜。俾自己鍾意既人見到自己唔識路果個白痴樣，好怕醜好怕醜。。。