我諗我可能或者係個姣系/淫娃（新手）: （十六）

終於，我見到楊sir啦。 
「喂～師父生日快樂！！」
「多謝喎，禮物呢？」
「我將蛋糕交到佢既手上！」
「吓， 多謝，我無諗過你會整生日蛋糕俾我。。。」
「嘻嘻！」我用燦爛既笑容回應楊sir。

「好肚餓呀，去邊到食野呀？」
「我無錢呀，你食啦！」
跟住佢一直話要請我食飯，我一直推搪。


始終我唔係黎洗楊sir 既錢，我只係黎表達心意。
最後佢搵左一間餐廳食野，我坐係到望住佢食野，哈哈佢食野個樣都好可愛。

之後我地搵左個公園仔食蛋糕，果個時候個蛋糕已經溶鬼哂，
勁白痴地我原來用錯左朱古力餅碎當oreo 碎。 於是個蛋糕苦撚到high high，
楊sir 仲問我係咪咖啡味。我真係懢忦到不得了！！！好7呀！！！！

我係咁叫「楊sir 唔好食啦，好難食 好似舊屎。我唔會介意架，我自己都無食。」
最後，佢竟然將成舊屎食哂落肚！
佢唔想浪費我一番心機？


應該都係呢個原因姐。係掛

以前從未想過我既人生會有呢一段回憶。
原來同一個自己鍾意既人表達心意，而唔係只係圈圈叉叉咁表達。係咁開心！

之後我地仲有影面貼面既自拍，時至今日我亦視果d 相片係我珍貴既寶物。

呢一日我真係覺得好滿足，係搭車既時候坐你旁邊望住你訓覺，同你自拍，望住你食我整俾你既屎，你教我行路。
所有野，都值得我回味好耐好耐。。。