我諗我可能或者係個姣系/淫娃（新手）: （十四）

故事講述主角我同左好朋友去唱一次失戀k，當時我並無流眼淚，
一直陶醉係呢個音樂既世界入邊。 近乎痴左線既我高聲唱道，
看到94340634 看到他（她）呼喚你～ 好舒服，將所有唔開心既感覺唱哂出黎。

其實好有趣，我電話一直收到他既呼喚。
每當梓浩意圖挽留我，佢就會瘋狂打俾我，什至係凌晨時分致電我屋企將我所有屋企人叫醒。
我好佩服梓浩既能耐。

今次係k 房，佢什至whatsapp 琪琪。。
「同ceci 講叫佢番屋企，我係佢樓下等佢。」


「做咩唔覆我呀？」
「喂。。。」
最後我同琪琪都無覆過佢。。。

今次，我一定要成功！

最後，梓浩既煩擾行動終於係一個月之後減少火力。漸漸地，就消失左lu...

而我暗戀楊sir 既故事，終於正式揭幕⋯⋯
呢一個係淫娃扮純情暗戀明戀老師既故事。


仲記得，楊sir 離開學校反而增進左我同佢既關係。。。

而我深深確定我愛上楊sir 而非好感，係係某一年既8月26日。

我就係果一日同屋企人去旅行。全程只有我家姐有sim 卡，
我就無得同成個暑假日傾夜傾既楊sir whatsapp... 當日既我仲未下定決心同梓浩分手，但係。。。

每當我去到每一個景點，我都好想同楊sir 分享。
由於楊sir 因為某種原因佢未去過旅行，而呢一次亦係我呢個窮家女第一次出城。 



每當我見到有趣既物件，我好想send 俾楊sir 講佢知。
因為每一日同佢講早晨，講晚安，講今日發生過既事，講大家對事既睇法乃係我既習慣。
我已經習慣左我既世界有楊sir....

去到換換愛既旋轉木馬既時候，成首完整既缺氧係我個腦到播放。。。 想你有時會缺氧。

係旅程入邊，一有wifi 我就急不及待搵楊sir，只係短短既幾分鐘都足夠我叉哂電。
就係因為係旅程入邊，我一直諗住楊sir，搭車又諗，食飯又諗，好掛住佢。
我先知道我已經鍾意左楊sir。原來唔涉及性既愛情係咁樣！

完左果個旅行之後，我約左楊sir 出黎送上手信，目的當然係為左見佢一面。
我呢份少女心好似遲黎左咁，但係果次係我第一次亦係惟一一次暗戀一個男仔。果種感覺好難形容，
好怕俾佢知道但又自己ff 要同佢一齊。覺得自己有點兒變態。

每當同楊sir whatsapp，我會提醒自己收起淫蕩，只係俾單純既一面佢睇。有次講起情史。。


「中學既時候，我都有唔少女仔鍾意。」
「係呀 哈哈，咁你有無接受呀？」
「無呀，因為當時既情況唔容許。」
「點解會唔容許？關屋企事？」
「係呀，因為。。。。」（不便透露）
「果陣個女仔約我，最後我拒絕左！」
「其實我都對果個女仔都好有好感，可惜當時既環境唔容許佢同我一齊。」
「如果佢同左我一齊，佢應該會接受唔到，我屋企問題好嚴重，我自己都好難頂落去，更可況佢呢？」
「明白，有d 野 錯過左就係錯過左。無得後悔。火花不等愛人。」
劉浩龍呀？ 變幻太多。」
「係喎，你有無睇過擁抱每一刻花火？」
「唱k?,敬軒？」
「我想講劉浩龍呀！佢係套戲入邊係同楊秀惠師生戀！」
「哦。。我有d 印象。」
「其實你點睇師生戀？」我忍唔住問呢個問題。


「我講個秘密俾你知，你唔好話俾人知wo.」
「okok」
「我以前有個好兄弟，我地當佢叫做929啦。佢中學既時候同一個同班同學拍拖，
拍左好幾年。到左大學佢地唔係同一間，但929都經常接女放學。後來929大學畢業果日，
竟然拖住左第二個女仔。果一個係佢係學校做野時識既學生。話係幫人，幫幫下就一齊拍拖。
最後我地成班大學fd 都無再同佢contact，覺得佢好過分喎！」
「。。。 咁你覺得佢係咪好過分呀ceci?」
「我覺得最過分係佢咁樣對自己女朋友，明明大家拍左幾年拖 無啦啦走左， 仲要同個女仔一齊！」
之後楊sir 仲講左果d 有可能發展，但無發展到既故事我知...
聽既時候，我好同情佢既遭遇，但我又對於佢無女友一事感到興奮！楊sir 無女朋友，
又無好決絕咁講師生戀有問題。咁我既ff 可以成真嗎？

對於呢一份暗戀老師既心情，我真係難以言喻。
有時候，我會為大家製造機會單獨相處。希望佢睇到同接受我既心意。