【苦】《英雄聯盟》 - 一件次世代既愛情工具: 《妥協》

呀！

咪住先！


「對了璇璇，」我回望著身旁的璇璇問道。

『怎麼了嗎天哥哥～？』璇璇瞪大水靈蕩漾的眼睛望住我。

「今次你係咪自己一個人黎香港？」



『唔唔～～』璇璇搖搖頭說道：『還有我姐～不過她現在在酒店辦理登記手續～～』


一聽到璇璇呢句對白，我雙眼立即瞇起，再向逸朗拋下一個鄙視既目光。

我都估到條友仔無咁好死架喇！估唔到原來佢已經比我早落手一步。

呀唔係，係比我早一步迎接璇璇。



喂大家唔好諗錯隔離，雖然我對璇璇對巨乳壓落黎起左生理反應，但我對詩娜既心從來都無變過，更無諗過要出軌偷食。

大家留意返，唔該。


「璇璇等我一陣，我同逸朗去食支煙先。」

『嗯嗯～』璇璇抬起頭默默凝望著我：『等你喔。』

然後，我立即向住逸朗目露兇光，拎出一包煙走過去。



逸朗見到我都心領神會，只係露出一個尷尬既表情陪我行去馬路旁既吸煙處。

去到吸煙區後，我同逸朗背對住璇璇，開始竊竊私語起來。

「屌你…！」我細細聲說：「都知你無咁好死架喇！」

『喂…兄弟…兄弟！！』逸朗極其興奮地說：『佢家姐…真係正…正撚到暈呀！』

「喂大佬…你要食女咪拉埋我落水先得架！」語畢，我一腳踩落去逸朗鞋上。

『啊！！』

然後我倆回頭，向住等我地既璇璇面露笑容。



『衡仔你聽我講先！』逸朗搭住我膊頭：『佢家姐真係好撚正…唔單止高好多，而且對波一樣咁撚大！！大波妹我少食呀～！一場兄弟唔係唔幫我呀？』

「幫你咩呀？」我想了想後續道：「我今晚仲約左人架！」

『下…唔那係啊……』逸朗皺著眉說：『我計劃好哂架啦！』

「咩計劃？」我好奇地問。

『哈哈！』逸朗淫邪地笑著：『拿，頭先璇璇家姐話有啲暈機浪唔舒服，去酒店Check-in同訓一陣先，佢仲叫璇璇夜啲買野比佢。』

「咁又點？」

『嘿嘿！』逸朗狡笑了一聲：『咁一陣你就陪璇璇去行下街，我就買野食上酒店搵佢家姐，成個計劃簡直天衣無縫呀！』

「下？」我臉上流露著怒意，罵道：「你要我陪佢？咁我約左人點算呀！無得傾！」



『一場兄弟，幫幫忙啦！一次咁多啦！』

「無得傾！」

呢一刻我腦海全部都係詩娜，就算要我得罪璇璇我都在所不惜。

因為…除左詩娜外所有女仔係我眼中都係同個七十歲阿婆一樣。

『衡仔，你唔好迫我喎。』逸朗板著臉說。

「我迫你？」我反問道：「定係你迫我呀…」

『你唔怕……』逸朗頓了頓細聲說：『我將你既事…話比果個女仔知？』



「果個女仔…？」

『係。』逸朗冷冷地說：『呢排見你個死仔晚晚陪住一條女Duo rank打機，就知你有啲野。』

「…………」

『我有冇講錯？』逸朗問。

「你條友……」

『哎呀～～』逸朗笑著說：『巴打呀…黎啦…幫幫忙一次啦…求下你喇！衡哥！』

雖然我真係萬分不情願，但…我有同阿晴既把柄係逸朗手上…

萬一佢真係同詩娜講，到時我就真係水洗都唔清。



本來兩個人要異地交往已經唔係一件容易既事，萬一有咩波折既話，恐怕一段感情都幾難去補救；尤其我地呢種岩岩開始既階段。

所以…我只能迫不得已地就範。

我重申，我真係迫不得已。

「怕左你…」我悶哼一聲。

『多謝！！多謝衡哥！！』

食完煙後，我就同逸朗一齊行返去璇璇身在既位置。

『你們倆聊什麼那麼開心呀～？』璇璇側首問道。

「無，」我搖頭：「我地傾打rank啲野姐。」

『係係係！』逸朗急不及待地說：『呀……璇璇呀，你家姐係咪係酒店？』

『嗯阿～』璇璇點著頭：『怎麼了嗎？』

『無～』逸朗懶有風度地說：『我怕佢餓親，同埋我知道邊度有藥買，不如我去睇睇你家姐先…好唔好？』

『那個…』璇璇支吾以對。

『放心喎！』逸朗立即打斷：『你wtsapp佢地址同房號比我啦，佢岩岩落機見過我認得我既。』

『那……』璇璇皺著眉，吱聲道：『好吧…麻煩你不好意思喔…逸朗哥哥…』

『不麻煩！』逸朗獻殷勤地說：『點會麻煩呢？你們都係我朋友嘛！咁你一陣再wtsapp或line我啦！我去買藥先～！』

『好…好吧…』

璇璇連再見都未講，逸朗已經一支箭咁跑左去就近既藥房方向。

我心底不禁概歎…逸朗呢條友到底係咁谷精上腦…無時無刻都想扑野架呢？

我同璇璇望住佢離去既背影時，可能我無逸朗咁識講野溝女，呢個時候既氣氛…忽然間尷尬起來。

於是…我就開口。

「咁…我地行咯？」我說。

『去哪？』她呆呆地回望著我。

「你應該未食野…」我想了想後：「不如我帶你去食啲野先？」

『吃東西？真的嗎～～？』璇璇瞳孔中不禁回復光亮的神采：『人家的肚子都扁蹋蹋了啦～』

「係呀…」我尷尬地笑著：「應承過帶你食好食既野架嘛。」

『耶～！』璇璇情不自禁地興奮的撓著我：『出發～～』

「呃…好……」

『那我們去哪吃好呢～～？』璇璇點著嘴唇道：『聽人家說旺角有好多好多東西吃～～天哥哥帶我去好嗎？』

「好……」我發呆道。

『天哥哥？』璇璇睜大好奇的眼睛看著我。

「下？」我稍稍回過神來：「去旺角嘛…？好，好呀…」

『嘿～』璇璇甜笑而道：『還以為天哥哥剛下班太累了呢…』

「冇…冇啲咁既事。」我澄清。


璇璇同我係大街上面行，直至去到地鐵站…佢都將整個嬌小身軀緊貼住我手臂…

如果係唔識我地既人，肯定以為我地係情侶…

一諗到呢一層…內心就不禁泛起一絲愧疚…因為咁樣做…始終都好似對詩娜唔住…

但！

諗深一層，清者自清嘛！更何況我係被詩朗威脅先至會陪璇璇咋…！

只要我個心無變，就算有幾大誘惑係我面前，我都可以視之如無物。

我對詩娜既愛情…點講好呢…

呀！例如就算璇璇全身裸露係我前面，用佢果雙幾近32F既巨乳夾住我支肉棒都好，我對詩娜既愛都唔會動搖一樣…！

喂…咪住…

點解我會諗呢啲野架…！

唔動搖唔係應該拒絕架咩？屌，我都唔知自己講緊咩…



『天哥哥～～』

當我想到入面之際，璇璇忽然叫停我。

「咩事？」我回望道。

『那些是什麼～～？』璇璇熱情地高呼著：『人家想吃那個～～～！』

我沿著璇璇熱切既眼神看去，心諗到底有咩食物咁出奇…

因為作為一個香港人，幾本上旺角所有好味既野都試勻哂咁制。

正當我以為都係千篇一律既食物時…我望到璇璇指住果間野…

我呆左。

我呆既原因唔係因為我未食過果間野，而係…

眼前既呢間小食店……

正正係…

我同詩娜最後一次食既小食店。

換句話講…

果個老闆都應該…………