【苦】《英雄聯盟》 - 一件次世代既愛情工具: 《第一次》
『係咩～？』
「肯定係，我出名叫＂神之記憶體＂。」
『車，扮哂野啦你！』詩娜用竹籤插在魚蛋上，遞到我面前：『請你食啦～』
「多…多謝…」我望住粒魚蛋，既尷尬又享受地張開口：「啊……」
『UM~』詩娜將魚蛋放入自己的口中，展露著滿足的甜笑：『嘻嘻！』
「……」我頓時哭笑不得。
『唔…』詩娜望一望手中既發泡膠碗：『食哂lu。』
「食哂喇？」我橫了她一眼：「食完就返屋企啦，都夜喇。」
『……』她低著頭沒有回話。
「做咩呀？」我烏低身望住詩娜的臉龐：「唔係仲唔返屋企呀…？」
『關你咩事…』詩娜抬起頭，如常的板著臉道：『你黎唔係陪我架咩？做咩要趕人返屋企喎。』
「係…我係黎陪你…」我吞聲忍氣的說：「咁…夜媽媽係度無野做架嘛…唔通真係陪啲阿伯捉棋咩…」
『咁…』詩娜想了想：『你陪我係度坐天光囉！』
「下…」我不自覺地流露著嫌棄的樣子：「坐天光…好悶架喎…」
『哼！』她擺出一副生氣的臉容：『無鬼用架你任天衡，人地韓劇啲oppa都識為女主角做好多好多野啦！你呢？咩都唔識！』
「咁…卞小姐呀，我唔係泡菜仔黎架嘛。」
一諗起啲韓仔做壞哂個Market就嬲！乜鬼暖男、oppa，仲要唔男唔女咁，尤其啲男主角，教壞哂香港啲女仔！等佢地以為個個男仔都應份幫自己拎手袋，甚至大街大巷跪低綁鞋帶！真係想同佢地講一句，傻的嗎？
『無鬼用架你～！』詩娜揹著小手袋，拍拍屁股後徐徐站起。
「去邊呀？」我坐在原位問道。
『唔知啵～！』詩娜拋下一句就向住砵蘭街方向行去。
「喂…」我將她剩低的垃圾扔掉後，快步追上：「咪行咁快住啦…」
『唉～』詩娜望著遠方輕歎：『香港真係好熱鬧呀…幾時都咁多人…每個人都好似永遠唔會疲倦咁既。』
「香港…？」我聽得一頭霧水：「無啦啦做咩講呢啲啊？」
『唔？』詩娜轉過頭來，裝著鬼臉：『關你咩事～！』
「頂你個肺。」我心諗一句後，接著說道：「不如去機鋪打機啦，果邊啲人好雜架。」
『唔打啊，我都唔鍾意打機既。』她任性的道：『除左LOL～』
「咁…一係去———」當我到一半時。
『不如我地……』詩娜停下腳步，凝視著我：『去酒店咯…？』
「下！～？」
我望住佢果雙天真無邪的一雙大眼，勢估唔到阿晴口中既對白居然會由詩娜講出黎…！
呢種感覺…真係好奇妙…
『喂！』詩娜突然狠狠地打了我一掌，把我拉回現實：『任天衡！你咪亂諗野呀！』
「下…？」我仍沈醉在幻想當中：「你頭先講咩話…？」
『我話…』她臉紅紅的道：『既然…我地都無地方去…不如去租個地方…等天光囉…』
試問聽到一個咁好既女仔作出一種咁樣既要求，作為一個正常既男人又點會拒絕得到？
「呢層……」我心底非常想，但仍假裝猶豫不決。
『你唔陪我都無所謂架，』詩娜表現得毫不介懷：『我自己一個人都可以等天光既～』
「傻瓜…」我冷笑了一下，衝口而出：「一個人去時鐘酒店開唔到房架…」
『嗯？』豈料她立時橫了我一眼：『你又知～？』
「我…？」
頂！唔小心將自己既另一面表露左比佢睇添！
於是我便立即想了個籍口：「我朋友話我知既，咪上次同我一齊對你班朋友五打五果個男仔囉，記唔記得呀？」
『男仔…？』詩娜托著頭回想：『哦…你成日提…打機勁過你果個嘛…！』
「邊有！」我立即澄清：「係就係佢，但佢打機邊有我咁勁呀。」
『哼，唔知你啵～』詩娜逃避著我的眼神。
「咁……………」我尷尷尬尬地開口說道：「不如…行咯…」
『哦…』忽然，詩娜變回小鳥依人般說：『係…係呢…我第一次去果啲地方…洗唔洗…Check in先架…』
「Check-in？」我聽後忍俊不禁，但卻裝作純情的道：「我諗應該唔洗掛。」
『拿…拿…！』詩娜鼓起臉蛋，緊張地認真說道：『講…講明先呀！如果你敢掂我…！我一定唔會放過你！』
「唉，知道喇卞小姐。」
試問我已經攰到成個人都散哂，又累又眼訓，仲邊有咁多精力去諗果啲事先得架？
我而家比較在意既，就係唔知逸朗佢幫唔幫到阿晴升rank，會唔會比佢識穿姐。
不過同時間，我就帶住詩娜係旺角砵蘭街上行走期間，我留意到詩娜竟然一反常態…
明明平時佢都會故意行係我前面，扮哂成熟咁，但係深夜時分既呢一刻，她卻變回符合她年齡的氣質。
甚至，係佢前面既我，彷彿感受到佢內心充滿不安感一樣。
到底佢心底呢股不安感係係邊度黎既呢？唔通…佢真係驚我食左佢？
「喂…」我停下腳步，回望著她：「做咩啊？行咁慢既？一陣因住走失左啊。」
『關你咩事！…行…行啦你！』詩娜害羞地說。
「咁…」我繼續前行：「你跟實我啦，隨便你～」
『哼！多事喇你…！』
作為一個閱女無數，經常出入時鐘酒店既食女專家，呢一區有咩地方爆房我都非常熟悉。
最熱門當然係俗稱維記既維多利亞酒店，價錢亦較貴，不過勝在每間房間隔都一樣，尚算乾淨企理。
至於琴晚我同阿晴去果間百佳酒店，就算係次熱門之選，價錢會平少少，不過就經常爆滿。除此之外每間房都唔同裝修主題，有大有細，每一次去都好似抽獎一樣。萬一一個唔好彩抽到近接待處既房間，恐怕你既叫聲會傳到外面排隊既人都聽到。
至於其他果啲咩百合、百花、百樂、百乜百物賓館、仲有勁多賓館既大廈、咩黑天鵝等等，我勸大家都係唔好去，以免比左個壞印象另一半啦。
既然我同詩娜去到砵蘭街，為免行太遠…我就扮咁岩見到一間酒店。
「喂…」我臉帶猶豫，望住個紅色招牌：「有喇喎。」
『下…？』詩娜一直都低著頭行，突然停下呆望著我：『有…？』
「係啊…」我稍稍指住前方：「有間叫維多利亞酒店……」
『…………』詩娜呆望著守在門口的南亞人。
「做咩？…」我好奇地問她：「你係咪驚…？如果驚既…不如返轉頭啦………」
『唔係…』詩娜搖搖頭，走在我前面道：『行啦。』
我不禁心想：「咁勇…？」
回想返起第一次去爆房，我都徘徊左係門口足足半小時先敢入去。
呢一刻詩娜既心情…一定好緊張，只係佢好勝心令到扮哂堅強…
…直覺話比我知，一定係。
「喂，」我立即喝停詩娜：「不如我地去買啲野上去食？」
『買野…上去…食…？』詩娜滿臉好奇的望著我：『得架咩…？』
「應該得既，」我解釋道：「去旅行都會買宵夜上酒店食啦…係咪？」
『哦…』
於是，詩娜便跟著我走到過兩條馬路既7-11內。
甫進便利店後，詩娜便回復活潑起來，走到飲品櫃前挑選飲品。
我走到她身旁，問道：「飲咩呀？」
『我…我想飲……』詩娜尷尬地說：『飲酒…』
「飲酒？」我若無其事的說道：「哦，飲囉。」
『嗯………』此時詩娜竟然沒有任何動作。
「飲邊隻？」我打開雪櫃，追問道：「做咩唔揀？」
『我未飲過酒…』
「下…？」我立時驚訝不已：「成廿歲人都未飲過酒？唔係嘛你？」
『關…關你咩事！』詩娜惱羞成怒，皺著黛眉說：『仲有…！人地先十八歲咋！岩岩成年未飲過酒…好出奇咩！』
「哈哈…」我冷冷地笑了一下：「等哥哥教你飲啦。」
『任天衡…！』詩娜用盡全力一下打在我肩膀上：『唔準你係我面前扮大個…！』
「嘩…嘶…好痛呀屌…」我不斷撫著痛處。
『咁…』她從雪櫃中取出一pack又一pack既啤酒：『拎住！』
「哦……」
當我地買完酒同食物，舒緩完緊張感之後，便一同回到酒店附近。
而守在門口既阿叉，都認得出我倆，向我地打了一個眼色。
詩娜對此感到無比害羞，不斷躲在我身後瑟縮著。
我領著她慢慢走過馬路，回頭看著她說道：「咁…我地入去架喇喎…？」
『……』詩娜與我對視著，流露出將一切交托於我的眼神，說：『嗯……』
我望住門口…明明我已經唔係第一次，但唔知點解…我卻有種…莫明的…
緊張感。