【苦】《英雄聯盟》 - 一件次世代既愛情工具: 《重視》
「唔…唔係！只不過…！」
『你唔係咁無口齒嘛…？』
「……」
千鈞一髮之際，我腦海中出現左一個情景。
我左手邊既，係一個身穿黑色性感內衣配上黑絲襪既葉家晴，她不單擁有嬌人既修長美腿，同超一流既床上、吹蕭技巧，而且佢仲有把MK金啡色既長髮，同撩動男人思緒既銷魂香氣。
然後，她躺在一處，擺著一個極其誘惑人心的銷魂姿勢，一手撫著自己既嬌嫩軀體，另一手食指放在嬌艷欲滴既豐盈嘴唇之上；就好似一件美不勝收既甜品一樣，係度叫猶豫不決既你…去一啖食左佢。
而我右手邊既，卻係一個穿著迷你短裙既白衣天使——詩娜。雖然，她沒有家晴般的純熟技術，更沒有她那顛倒眾生的氣質。但她卻擁有一把天籟般無邪純真的聲線，雖然你不太喜歡，但每每聽著時…都會感到一陣舒坦，彷彿聽著詩娜的聲音…可以拋開一切塵世間的煩惱一樣。
而且，詩娜擁有非凡的標緻臉孔，如絲絹般的黑色秀髮，還有清澈而黑白分明的大眼睛、吹彈可破的雪白肌膚；即使她完全不用化妝，白皙的皮膚上都會顯出兩泛紅暈般勾人心魄。
若果家晴散發既係迷魂香氣…咁詩娜一定係清新脫俗的甜蜜氣息。她就好似一粒完美無瑕既鑽石一樣…令人每分每秒都想擁有佢。
左手又係肉，手背又係肉，到底…我應該點做好？
『衡衡啊…』電話傳來家晴的撒嬌聲音：『點啫點啫～？』
我終受不了誘惑：「得，你on住line等我，我轉頭邀請你入game。」
『嘻嘻……』家晴開懷的笑著：『都係我既衡衡好～鍚哂你呀～muah～』
「呃…轉頭入game見啦，拜拜。」不知為何，我對她的＂獎勵＂毫無感覺。
聽到佢咁叫我，仲要做出啲咁既舉動…我心底不禁鄧佢男朋友可憐。
不過算啦，反正佢都話佢男朋友唔愛佢。
話分兩頭，而家我應該點做好？！
雖然我應承左阿晴姐…但…唔通我真係拋低Cacilla一個咩？我咁做既話…仲係男人黎既？
天使與魔鬼…我應該揀邊面好……
正當我苦無對策之時。
［知不知你在———］
「喂？」我立即接聽。
『喂～～～』另一方這次傳來男性的聲音：『搞緊咩呀衡仔。』
「逸朗呀？」我如實說道：「無呀…煩緊……」
咪住先，有計！
「喂！逸朗！」我靈機一觸地說。
『咩事？』
「冇……」我編了個籍口：「我有個客，咁佢呢，就銀牌仔黎既，今晚想打上金牌先，你方唔方便幫幫我陪佢duo一duo rank？」
咁樣既話，我就可以抽身啦！？
『唔得啵。』豈料逸朗竟一口回絕：『我諗住約你出去飲酒咋。加上我都打左成日啦…都攰攰地。』
「逸朗兄呀…！」我百般哀求的道：「求下你幫幫忙啦，一次咁多丫！」
『點解？』逸朗聲線中帶幾分狐疑：『咁低聲下氣…唔似你喎衡仔。』
「唉，說來話長，」我解釋道：「總之呢鋪一定要你幫忙先得！最多我之後果個星期既job錢都比哂你啦！拍硬檔幫幫忙！」
『嘩～認真呢？』他反問。
「認真呀！」
『Holy Shit！』逸朗一句撻埋黎：『衡仔你學人認真拍拖呀？』
「拍拖…？」我呆了呆道：「講左去邊啊…叫你幫手幫幫個客咋…」
『哈哈，竟然肯犧牲自己啲錢，』逸朗分析道：『除左死老豆老母，同埋溝女之外，仲有咩事可以令你咁大犧牲？』
「……唉，唔講住啦！總之拜託你，係咁！」
我匆匆忙忙地收左逸朗線後，便站在街道中央發呆，任由兩旁途人碰撞般一動不動的呆企著。
逸朗話我同平時好唔同…到底係咪真係咁？
唔怕老實講…我就黎廿一歲真係連一次正式既拖都未拍過，儘管我同好多女仔都做過男女朋友應做既事。
所以嚴格黎講，我都仲係一個A0黎。
至於愛上一個人既感覺係點……我諗到左呢一刻我終於明白係咩一回事。
原來愛一個人，唔一定會鍾意佢做既行為，唔一定會鍾意佢既性格，唔一定會想永遠咁陪住佢；
不過，一旦佢有朝一日離開你身邊…你就會發覺…冇左佢就好似有毒癮一樣難受。
我諗…我真係……可能……。
嘟嘟嘟嘟———
「快啲聽電話啦……」
我立馬拎出電話打比詩娜個傻婆，好怕佢真係會搵左啲唔知咩人陪自己而有危險。
或者擔心一個人…都係愛既一種表現。
嘟—嘟嘟——
「點啊…卞詩娜快啲聽電話啊…！！」
嘟——『你已被接駁到六…一…五…』
頂，去左邊呀！？
我個心開始不安起黎，而且愈來愈擔心，真係好怕…好怕佢會出事。
回想起今日一開始見到佢既時候，已經隱隱約約感受到佢唔似平時咁開朗高傲。
而家既我…真係好怕佢會被我拋低後做傻事…！
「卞詩娜…你千祈唔好有事…！」我心不停祈禱著。
我小食店返回原來既巴士站，再走過我地今日去過既地方，始終都係一無所獲。
而手上既電話，我都無停下手腳，不停不停重撥同一個號碼，好想…
好想會有奇蹟出現…好想佢會肯聽我電話…
好想佢會鬧我…打我…甚至…講句「關你咩事」都好呀！
『請係咇一聲之後留低你既口訊，我會盡快回覆你。』
咇——
「喂！？卞小姐你去左邊呀？！對唔住呀…我錯喇！我好擔心你呀…唔好玩喇…如果你平安既話快啲打返比我啦！……就黎一點喇…咁夜好危險架…你知唔知———」
係我拎住部電話不停對著空氣留言時，我終於…終於…終於都見到佢瑟縮一角既身影。
她就坐左係一間通宵營業既小食店外既一張紅色長凳上，四周仲有不少聚埋一齊既阿伯係度捉棋。
而佢，呢個傻婆…就係度…
就係度…
食魚蛋。
「詩娜！」
她坐在椅子上，一邊篤住魚蛋放入口，一邊回望我。
『任天衡…哼，』她稚氣地嘟著小嘴：『你唔係走左架咩？仲返黎做咩喎。』
「仲好講…」我個心終於稍稍定下來：「你又話搵第二個陪你？做咩又係度篤魚蛋呀？」
『我有呀！～』詩娜雪白的小手拿著竹籤，指著遠方：『咪呢班伯伯陪我囉！』
「你真係……」
不知為何，我倒抽了一口涼氣後，竟然熱淚盈眶。
『搵伯伯陪唔得咩～關你咩事？』詩娜淘氣地瞟了我一眼：『做咩啊…擔心我呀～？』
「妖……」我不服輸的道：「我怕你有意外死左…做鬼返黎搵我咋！」
『哼，你敢咒我死～？』詩娜忽然用竹籤一下狠狠地拮在我手臂上：『係呀，我做鬼一定會搵黎搵你呀！』
「喂…痛啊…」
雖然我係痛，但唔知點解…呢種痛比我既感覺反而係開心同快樂…連我自己都覺得自己有少少變態。
『啊…』詩娜邊食著魚蛋邊說：『你頭先……唔…你頭先叫我做咩話？』
「我頭先？」我好奇地反問道。
『係呀～！』詩娜扁著嘴回想：『你頭先好似唔係叫我英文名…好似係…叫咩呢？』
「咩呀，咩呀，邊有呀，你記錯啦。」
此刻我腦海中，除了詩娜外…已經咩都諗唔到…