自殺以後，進入了RPG的世界: ☁Childhood's End

問 :一切有咩意義？
比龍王撕咬既一瞬間，意識非但無變得模糊。

思路可能係我有史以黎最清晰。
一切有咩意義？

好問題。
我既一生究竟有咩意義？
係部落成長。
為部落狩獵。




為部落抵禦外敵。
同線峽蝶對抗。
向風龍王報仇。

人類存在又有咩意義？
去到呢一刻，人類已經注定要滅亡。
而我係呢一刻都注定要死。

以我依個傷勢，無論點都好，都係會死。
即使我殺到風龍王，人類滅亡既事實都係唔會改變。




殺死風龍王，我依然唔會醫得返咁重既傷勢。
所以殺唔殺到風龍王，去到呢一刻已經唔重要啦。
好多野都改變唔到。

就算殺到風龍王，世界依然都係咁樣運轉。
就算死左一個風龍王，馬上就會係餘下既風龍入面選出下一位龍王。
人類依舊都會滅絕。

即使殺到風龍王，世界依然在轉。
我做既一切，都絕無意義。




神明，果然係唔存在。

人類，注定要滅亡。
因為啊，人類係一種弱小既生物。

弱者淘汰，適者生存。
我地滅絕係必然既事實。
所以啊，既然一切都無哂意義。

咁我都去安息啦。
就咁樣比風龍王殺死，然後成為風龍王既營養，醫好風龍王既傷啦……
因為，一切都無意義……
所以，安息啦……

放棄……絕對唔可以放棄！




世界依然在轉。
咁又如何？
我要做既野只有一樣！

就係作為人類，去做一件比其他魔物睇死做唔到既野！
改變唔到世界既法則。
但係我可以去挑戰呢個世界！
邊個話弱者一定打唔贏強者？
邊個話人類一定係垃圾？
即使毫無意義，我都要殺死風龍王！
人類絕對唔係弱者！

我依家要同你講，人類其實好強！
呢個係證明！
係人類最後既咆哮！





張開雙眼，龍王咬住我係天上面飛。
我咬緊牙關，右手握著利劍。
仲有知覺，仲有力氣！
最後，最後，最後既一擊！
用盡全身既力氣，用劍插落龍王既額頭之上。

龍王殞落。
而我陪同龍王一齊由高空跌落地上，粉身碎骨。
線峽蝶曾經講過，死亡係一個好長既過程。
身體機能慢慢壞死，但係個腦仲會保留住意識。
仲會感到痛楚。
感覺到自己死緊既呢一個事實。
大概就係呢一種感覺。





係啊，我死左。

死左……
然後——

有人拍下我膊頭。

「辛苦你啦。」

係邊個？溫蒂妮？

「幾有趣啊，人類居然打得贏果位龍王。你啊，勾起左我對呢個世界既興趣。」

甚麼嘛，原來你，果然係存在。





然後，佢係我面前行過。

白色既皮膚，黑色既頭髮，耳朵同我一樣都係尖既細路女。

「好啦，為左記念你，就由人類開多一個種族分支出黎，就叫精靈族，我都變埋精靈啦。
」
你果然係存在。

「如果人類有能力同強大既魔物對抗。」佢笑一笑，然後飛左天空。

太陽神。

佢飛上去——

天空之中，
照耀大地。

係呢一刻開始，世界既法則被改寫了。