自殺以後，進入了RPG的世界: 無事既

「好，完。」
天照放低手上面杯茶，露出一個滿意既笑容。

「改寫左世界既法則？」我問。
「無錯，就好似依家既世界咁，劍與魔法，用系統去處理傷害既世界。」
「人類真係有變強到？」

天照鬆一鬆膊頭。
「你望下四周圍，呢到係魔物既世界咩？人類絕左種啦咩？」
「因為有系統既出現，所以人類無好似以前一樣咁渣？」




「相反，係世界上建立左兩大國家。聯盟同埋魔界，兩個國家既人既祖先都係希爾芙。」
「但唔係話神話級魔物可以輕鬆毀滅聯盟咩？」
「講係咁講姐，講左幾千年，都未有魔物毀滅到聯盟。呢班咁勁毀滅到聯盟既魔物之所以會叫做神話級魔物，係因為理論上佢地應該只係存在於神話時代，亦姐係希爾芙既時代。存在於神話時代既魔物可以毀滅到人類，所以我地依家果班勁既魔物，我地就稱之為神話級魔物。」

係呢個時候，門比人打開左。
講返先醒起，我同天照依家係魔界某座城入面。
我地接左個叫瓦解邪教組織既任務， 然後我地等緊同當地市長見面。

入黎既人係一個肥仔。
獸人肥仔。




身光頸靚。
一入黎就係坐梳化到。
相信呢個人就係市長。

而係佢身後有兩個人。
其中一個相信係市長夫人，都係獸人，就比較瘦。
另一個，係惡魔族既細路女。

「同你地介紹，呢個係我個女。」
佢咩都無講，甚至連自我介紹都無，一入黎都介紹佢個女比我地識。





女？
惡魔族？
咦？
咦咦咦？

「咁獸人同惡魔交配，生出黎既有二分一機率會變成惡魔……」天照開口講。
但係佢老婆都係獸人黎喎……
「望咩呀？我夫人係惡魔獸人混血，所以佢自己都會有惡魔基因，生出黎個女咪變惡魔囉。」

哦~~~
咁你都信。
我望住天照。
天照一副笑淫淫個樣。
算啦，我就唔深究啦~~~





「佢地係咩人？」惡魔小妹妹問。
「佢地係驅魔人呀，莉莉姆。」市長溫柔咁回答。

驅乜鳩魔人啊……我地收到既任務係瓦解邪教組織喎……

莉莉姆，應該就係呢位惡魔小妹妹既名。
佢大叫 :
「咩驅魔人啊！無問題囉！無事啊！」
然後，市長夫人都開口講：
「係囉，你擔心多左啦。」
市長嘆左口氣，然後請左夫人同個女出去。

然後，市長又同我地講：
「情況就係咁，邪教既人好似搞緊我夫人同我個女，佢地都好似變左邪教既人。唔單止我地，呢座城市入面邪教既勢力愈黎愈大，所以我希望有冒險者可以幫手搞掂呢單野。」




「咁點解你唔係搵軍隊，而係冒險者呢？」
「因為軍隊都好有可能比邪教操縱左。」

邪教究竟係咩來頭？

「咁邪教姐係咩邪教，可唔可以講多Ｄ有關邪教既背景？係蜘蛛教？」

市長動搖左一下，又講：
「呢兩個字禁忌黎架，唔好亂咁講。不過我覺得唔關佢地事，今次既邪教似乎係準備整緊某Ｄ儀式，唔似果個教咁唔知做乜。老實講，我對邪教既野真係一無所知，所以請你地多幫手。」

唔係蜘蛛教？
咁究竟係咩事？
我望向天照。
天照又望返我轉頭。
係到傻笑。




應該唔係咩大獲野啦。
交比我應該無事既，好似係。