自殺以後，進入了RPG的世界: @蜘蛛網

呢到係？
王宮？


我淨係見到魔王同埋女王陛下。
果個魔王好明顯係假既，係蜘蛛女王黎。
我好想大叫，叫女王陛下逃走，但係原來我失左聲。
我咩都講唔到。
[禁言]狀態。






女王陛下仲好寸咁，死唔忍輸，拎住把劍指住蜘蛛女王。
女王陛下根本無升過LV。
佢既戰鬥力甚至比唔到上一個普通士兵。


女王陛下注意唔到我。
我想叫佢，但係叫唔到，講不出聲，講不出聲。






突然間，天花版跌左落黎，女王陛下避開左。
瓦礫將宮殿分左兩邊，一邊係女王果邊，另一邊得我同蜘蛛女王，以及魔王。
真正既魔王。
蜘蛛女王放我同魔王出黎究竟想點？


由於瓦礫阻礙到視線，女王睇唔到呢邊發生緊咩事。
蜘蛛女王由魔王個樣變成左一隻微型蜘蛛，留低我同真正既魔王本人係到。
真正既魔王半跪左係到，似乎仲未醒番。






蜘蛛女王究竟係想……佢既目的係？


女王撥開瓦礫，拎住把劍，喘哂氣咁走過黎。


蜘蛛女王想借女王既手黎殺死魔王？
佢既用意係？
點解佢要咁做？


等等先。
女王……
女王莫非都係……




一直覺得女王有少少寸……
MK妹。
女王陛下係另一個MK妹？


佢想佢兩個互相殘殺。
蜘蛛女王究竟有幾咁憎佢地。


女王衝左落黎，拎住把劍，刺落去魔王到。


奇蹟地，魔王呢個時候醒左。
本能地，魔王避開左女王既一劍，同時亦因為本能而反擊。






只係單單一擊，只係輕輕擦到，已經打到女王半死。


魔王呢個時候先清醒過黎，望住女王，再望住我、蜘蛛女王，有D疑惑。
唔知係蜘蛛女王係有意，定係咁岩得咁橋，我既禁言狀態解開左。


我只係聲嘶力竭咁叫佢停手，不斷大叫，同佢講女王係MK妹，唔好殺佢，唔好中蜘蛛女王既姦計。
魔王都呆左，企左係到，望住不斷出血既女王。


女王身受重傷，雖然都就死，但係都有少少驚訝。
魔王抱住女王。
但係已經太遲啦，女王已經斷左氣。






魔王只係係到發狂，亂叫。
殺死昔日既朋友既滋味究竟係點？
蜘蛛女王變番原本個樣，淨係見到佢係到奸笑。


「魔王大人……」


係巫妖？
巫妖幾時跟左過黎架？


「魔王大人……究竟發生左咩事？」巫妖係到問魔王。






「殺死蜘蛛女王。」魔王好認真咁講。


巫妖係不死之身。
好似話係因為神罰，因為神明一時興起，令到巫妖係唔會死。
但係下一秒，巫妖突然之間死左。


成件事係好突然，無啦啦佢就死左。


蜘蛛女王係神？


蜘蛛女王既目的究竟係乜野？
如果佢係神……佢既目的究竟係？


望住巫妖慘死，魔王都無咩大反應。
可能係因為佢一早知道蜘蛛女王係神。
對於蜘蛛女王黎講，殺死在場所有人，都只係件易如反掌既事。
佢係到玩弄緊我地。
玩弄緊我地。


逃走。
我好驚。
呢兩世人以黎，第一次覺得咁驚。
於是我就逃走。
走出王宮，想離開蜘蛛女王既魔掌。


走出王宮之後，我見到既人係……
黑騎士。