自殺以後，進入了RPG的世界: @MK妹

呢到係……？
我全身受左重傷，成身都係血。
我記得，我比蜘蛛女王殺左。
呢個黑色既空間係死後既世界，係地獄？


呀。原來我未死。
HP好神奇咁留左係1到。
仲有一滴血。
死唔去。




係真係咁好彩，定還是係蜘蛛女王專登留番我條狗命，我就唔知啦。


呀，發覺我呢世人都係唔知緊乜。
成日唔知點解就比人傳送走左，然後就唔知點解比人打殘。


呢一個黑色既空間，好似宇宙咁，係無重力。






【萬物歸一者】 猶格‧索托斯


HP:
MP:


力量:  敏捷:
防禦:  魔力:






呀呀呀！！
做乜個空間既中間有舊巨型蟲卵係到架！！！
係咪又係爛肉D FD呀！！！


唉。
是但啦


除左我同巨型蟲卵之外，仲有個人係到浮下浮下。


魔王。
堅系令囡。






佢同我一樣，都受左重傷，但係死唔去。
HP都係1。
昏迷左？


佢……
上一世既時候，佢好出眾。
畢竟係MK妹吖嘛，班上面果兩個MK妹其中之一。
另一個就寸寸貢，佢就無咁寸。
不過都係好黑人憎。


對我黎講都已經係幾十年前既事……我記憶都唔係好深刻。






淨係記得，呢兩個MK妹都好黑人憎。
呀，我記得啦，佢地曾經恰過一個好毒既同學。
講真，果件事真係……所有同學都睇唔過眼。
講就咁講姐，我無去幫呢位好毒既同學。
就連最正義既班長，成人鬧呢兩個MK妹既班長，都無去幫呢位同學手。
甚至，班長好似係覺得佢係抵死，班長好似好憎呢位同學。
班長無去幫手，其他人更加無去幫手啦。
最尾睇到唔順眼，Alice先出面去叫停呢兩個MK妹。


我記得最尾堅系令囡都有同果位同學道歉，好似話本來只係想玩下，點知玩過左火。
但係另一個MK妹就死唔認衰，繼續去恰佢。
Alice唔係到既話，MK妹就係咁係到恰佢。






大概就係咁。
其實我同堅系令囡都唔係好熟。
我對佢既印象，就只有呢件事。


老實講，你問我憎唔憎佢，我就唔係咁憎佢。
好似本來無乜點同過佢講野。
應該話係，兩個MK妹好似同班上面其他人都唔係咁熟。
其他人唔會想識MK妹，MK妹亦都唔想理佢地。
久而久之，我地好少同呢兩個MK妹講野。
佢地甚至連班聚都無黎。






不過，呢D都係上一世既事。
上世同今世既野，唔可以痴埋一齊講。


雖然佢係魔王。
但係我唔係咁憎佢。


如果要我殺佢既話……我應該做唔到……


呀。
好光。
突然之間，眼前出現左閃光。


又比人傳送？