自殺以後，進入了RPG的世界: ＠最強

「黑騎士……」我好驚訝咁講。


「發生左咩事？」黑騎士問。


我想一五一十將所有事話哂比佢知，但係突然間醒起一樣野。
黑騎士會唔會係蜘蛛女王D FD黎？
黑騎士會唔會幫緊蜘蛛女王？






黑騎士除低左盔甲，將自己變成以前個樣，班長個樣。
然後，好親切咁問我，究竟發生左咩事？


我係到諗緊咩呢？
班長又點會係蜘蛛女王既走狗呢。
如果係果個班長，應該係個正義L黎。
見到以前既同學比人殺死，仲要玩弄至死，我好肯定班長唔會袖手旁觀。






我全盤托出所有既事。
蜘蛛女王殺左魔王。
原來魔王同女王都係轉生者，係以前既MK妹。
蜘蛛女王假借魔王既手，殺左女王。
要佢地自相殘殺。
係到玩佢地。
然後，自己係到笑，係到恥笑佢地，幸災樂禍。






黑騎士低頭諗左一諗。
一拳打落去道牆上面。


「你走先啦。小心蜘蛛女王，佢下一個目標可能係你。」佢咁講。


「咁你呢？」我問。


「我無事既。」


黑騎士戴番個頭盔，然後走入去宮殿入面。






即使係咁，我都係有D擔心。
班長，會唔會係蜘蛛女王既下一個目標。


唔理啦，死就死啦。
衝番入去。


我匿係一舊巨型瓦礫後面。


魔王……係到咆哮。
佢身後有個人，係教皇。
蜘蛛女王已經走左。






「果個人系邊？梨要包庇佢？黑騎士？」魔王問。


魔王滿血。
明明頭先得番1點HP，點解依家會滿血？


教皇消失左？


「冷靜D。」黑騎士講。






「禾再問多你一次，佢系邊？」魔王問。


「無錯，我係要包庇佢，所以呢？」黑騎士講。


咩話？
黑騎士……佢幫緊蜘蛛女王？
點會咁架？
明明班長佢……應該唔係個咁樣既人。
姐係話，佢頭先同我講既係大話？


「憑梨可以擋得住禾？」魔王問。






「未試過，又點知唔得呢？」黑騎士回答。


「放肆，就算係四大龍王，都未必擋得住禾。」


「做人最好唔好咁有自信。」


魔王衝左埋去，拎住把長槍，刺去黑騎士到。
好快！
不愧係魔王！
佢講得無錯，魔王係神話級魔物入面幾乎係最勁果個。
就算係四大龍王，都未必可能擋得住佢。
佢應該係呢個世界上面最強既人之一。


更正。
魔王雖然係好強，但係絕對唔係呢個世界上最強既人。


【水的元素使】 海龍王-溫蒂妮 LV99


HP:999999
MP:999999


力量:9999  敏捷:9999
防禦:9999  魔力:9999


所有STATUS都係最頂？
封頂既能力值。
海龍王。
絕對係呢個世界最強既人。
而且，呢個人就係－－


班長。
黑騎士。