【還我心願】- 與二家姐一段不可告人的關係 (續篇): 【最終章】：第七節

（二十五）
 

我對一對錶，時間已經係 2點24分
“呀司機大佬，可唔可以揸快少少”
 
“的士可以幾快呀？係咁快架啦”
 
屌你吖咁串，我唔係趕時間真係一早屌獲你。
 


於是忍住道氣，開返部電話睇睇
原來芷悠send左10 幾個message黎
 
02:38    “呀b... 你係咪出左事？”
02:49    “做咩唔覆我既？？阿b？？”

03:02    “對唔住... 我一直想同你親口講聲對唔住... 但我無勇氣...... 我知道你想問點解會帶佢上黎... 因為我覺得咁樣做，我地先可以放下果段關係... 對唔住...”
 
03:40    “可唔可以覆下我... 我好驚... 你會唔會做傻事...？ 可唔可以覆左我先，阿b”
04:10    “阿b... 求下你覆下我... 起碼比我知道你無事先，我好擔心... 好擔心你會有事”



05:22    “我訓唔著... 我好後悔呀... 對唔住阿b... 對唔住......可唔可以打比我先...”
 
08:44    “我訓醒喇... 但你依然無覆我，你係咪好憎我...”
08:50    “如果呢個係你嘅決定... 我會接受。因為我真係錯得好緊要... ”
 

12:40    “我出發喇... 我買左本design book比你呀，希望你用得著...

仲有呀.. 我前幾日買左個新嘅籃球比你，不過一直無機會親手交比你... 得閒約下朋友仔打下波啦大懶蟲... 



仲有呀，阿b... 我自己彈左一首歌專登錄比你聽...... 隻碟我放左係你個枱面... 希望你會鍾意... 

係呀，你以後要努力比心機呀... 我有時間會返黎探你地架 我無咩可以比到你... 阿b... 你一定要幸福快樂...”
 

13:20    “哈哈... 原來我喊到對眼腫哂。不過唔驚，家姐我依家好叻，學識咗化妝喇~ 
一定無人睇得出。下次返黎化比你睇好冇？”
 
14:21    “我準備上機喇... 阿b... 我真係好唔舒得你，真係好想見到你... 嗚......可唔可以原諒家姐... 

可唔可以原諒蔣芷悠... 可唔可以原諒自私嘅我... 
再見喇呀b... 你要保重...”
 



我鼻子一酸，眼淚已經一滴又一滴流落螢光幕...
 
“司機大佬... 可唔可以快少少... ”
 
“吓？最快...”
 
“我叫你快撚d 呀聽唔撚聽到呀！！我唔撚係同你玩呀！！快呀！！！ ”
 

的士瘋狂加速，我望住秒針不停劃過
時間可唔可以暫停...
就算係一分鍾都好...

求下你...




（二十六）
 

“呼... 芷悠.. 芷悠”
 
打比佢幾廿次都無聽電話，應該熄左電話喇
仆街喇
 
芷悠！！！
 
 
我周圍望，用盡最後力氣去跑，去追
甚至見到人就問，打探佢最後嘅行蹤
 


我好驚
再一次領略到果陣驚到全身抖震嘅感覺
 
芷悠，唔好離開我
唔好離開我...
 
 
“芷悠！！！蔣芷悠！！！！”
我開始咆哮，失控地，
憤怒地，
慘痛地，
 
渺茫地...
 
 


 
 
我無力地跪在地上
哭得醜陋的面容沒有再掩飾
 
已經忘記了有多少個途人在我身邊走過。
 
呆滯地望著大堂的時間，早已經消逝了那最好的時間
早已經消耗了最好的機會...
 
沙啞的聲線，開始喃喃自語
 
芷悠... 芷悠...    芷悠......
 
 
 
直到那個信息出現，她安全到步了。
 
透過那文字裏的對話，我知道她的心情
一定是笑著的。
 
 
嗯，
默默地面對了現實，也知道時光不會再倒流
我哭乾了淚水，收拾無謂的傷感
 
然後再次站起來，我望向機場的大門
 
 
流露出那苦過後的笑容，原來是特別燦爛的
然後我才想起，自己的下一步是什麼。