【還我心願】- 與二家姐一段不可告人的關係 (續篇): 【最終章】：第六節
（二十一）
不安嘅心情令我心急如焚，
汗水亦從臉旁流下
我緊抱雙拳，腳踏個不停
無法制止狂思......
“......”
“......”
“先生，你可唔可以靜少少”
護士噓一噓，然後啤住我
“喔... 唔好意思”
我縮一縮腳
過左6 個鍾，望一望手錶
時間係零晨 3點
我身處醫院，
唔記得幾點send 左個信息通知老豆呀媽今晚唔返。
當然無同佢地講發生咩事啦...
芷悠？
我無同佢講...
而且我腦入面暫時只有敏怡
無餘暇再諗其他野...
除左行行企企，坐喺度發牛豆之外
我諗唔到點打發時間
一分一秒咁過去...
而急症室嘅紅燈依然著緊
真係好難捱......
我行左入廁所，洗洗個面
望住鏡入面嘅自己
苦笑
真係好失敗，我唔配被人愛...
“咚叮── ”
拎起手機一睇，喺芷悠whatsapp我...
（二十二）
“啊b，我聽日晏就 3點機飛喇...”
我望住message，並無太大反應
然後芷悠再打左句
“我聽爹哋講你今晚唔返屋企... 係咪發生左咩事?”
“......”
我熄左電話，然後繼續係出面等
一直等一直等...
直到唔知幾時...
“先生”
“......”
“先生”
“......”
“喂先生，你係咪董敏怡嘅親屬呀？”
我用力掙開睡意惺忪嘅雙眼，眼前有個穿著白袍嘅男人企咗喺度，
表情帶點唔耐煩
我擦一擦眼，急忙地捉住佢雙肩：“呀...係呀，我係呀，我係佢男朋友”
“佢點呀？佢有冇事呀？？醫生，佢有冇事呀？”
醫生嘖一嘖，示意我要冷靜
我放開雙手：“呃... 唔好意思”
醫生再開口：“佢喺受到好大嘅刺激先暈低既，我唔知你地之間發生咩事啦”
“不過因為暈低果陣傷到個後腦，佢有機會失憶，雖然機會好微，但你...”
我無聽佢講完，已經一支箭衝入去病房
一推開門，
姑娘即刻嚇左下，然後想制止我：“喂，先生？病人需要休息架，你唔好...”
“敏怡！！”
我走過去病床攬住佢虛弱嘅身體，眼淚放在蒼白的臉上
我從未見過如此虛弱嘅敏怡...
心疼得讓我的腦袋也清醒了...
而佢依然閉起雙眼，呼叫器上嘅霧氣一斷一續
醫生走入黎同護士細語一輪，然後淡淡地回應一句
“你比病人休息下啦，佢已經好虛弱架喇”
我點一點頭，然後佢地就行出病房輕輕地關埋門。
我坐係病床隔離果張櫈度，緊握住佢嘅手...
輕輕地親吻
（二十三）
佢手指輕輕一動，原本伏係床上嘅我即刻起身望住佢
“唔...... ”
“你醒喇？敏怡...”
敏怡像初生嬰兒般張開雙眼，我幫佢拿走套在面上嘅氧氣罩
佢望住我愁一愁眉，口中像有千言萬語要對我說
我慢慢扶佢坐起身，佢望住我嘅表情
一直望住我雙眼，然後我捉實佢隻手
“我喺度，你放心... 我一直無離開你”
佢慢慢地甩開我雙手，用虛弱嘅聲線：“... 我想飲水...”
我即刻拎枱上面預先買定嘅樽裝水遞比佢，
佢雙手捉住飲左幾啖，然後扭一扭水樽：“... 我想食橙...”
哈哈，呢個傻瓜
好彩我一早準備好
我係生果袋入面抽出一個橙，望住佢微笑
“我估到你會口痕想食野，所以頭先專登落去買定生果上黎”
佢都向我報以微笑，雖然笑容無法熱情，但仍然笑得很甜
正當我準備撕開橙皮嘅時候
“... 我想要結婚戒子... 你係咪都比到我...”
我望住佢，自責感一湧而上
我清楚自己，根本無資格為佢套上戒子...
為佢帶黎幸福...
佢帶點苦笑，然後低著頭
“... 依家幾點”
我望一望手錶：“... 2點”
佢嘆一嘆氣，然後拉一拉耳邊的髮腳：“... 你去啦... 芷悠3 點鍾就飛... 再唔去就趕唔切”
我因為佢呢句說話，呆滯地停頓數秒
再逐開口：“... 醫生話你...”
敏怡蓋好手心：“... 失憶嘛...”
“係我夾埋醫生呃你... 我唔想你走...... 因為我知道... 如果我無事... ”
“你會第一時間去見芷悠...”
“敏怡......”
敏怡轉一轉向：“去啦... 蔣樂晨，做你想做嘅事”
“我頭先再次望住你雙眼... 原來我一直都睇錯咗... ”
翻開凌亂的短髮，眼淚正在打轉
“你眼入面根本無我... ”
（二十四）
撕裂了的愛情，
再怎樣修復，再怎樣抓緊...
也不可能還原到最初...
“...快d 走！... 我唔想再見到你... ”
狠狠地拋下一句，敏怡身體往右一側
我收起了挽留，也沒有拉扯。
因為我知道；
放過佢，先可以比佢得到真正嘅快樂
我望住佢背影，留下最後的關心
“...敏怡... 從今以後... 你要好好照顧自己...”
“開冷氣記得較細d... 因為你真係好鍾意踢被...”
“唔好再咁揀食... 要食多d 菜呀... 我唔喺你身邊... 無得再幫你分擔......”
“最後... 你一定要搵到個更好... 更識珍惜你嘅人... ”
然而一直忍住... 一直忍住...
同自己講唔可以喊，
直到講出最後呢番說話...
強忍嘅淚水，一下子全部傾瀉而出...
“以後... 以後... 唔好... 再遇到我呢d 人渣...... ”
“嗚... 嗚嗚... 嗚...... ”
我聽到敏怡已經泣不成聲，
被鋪上被沾濕的範圍逐漸擴大...
回想起我們由同學，到噯味，再發展成戀人
最後走到談婚論嫁的地步...
而我卻親手破壞了這段關係...
可惜愛情沒有經驗值，
沒有等級，
不是累積夠，就能換取永恆。
最怕是那最傷的罪證，背叛了那段感情
背叛了最愛自己的人...
我們的愛，被劃上句號了
剩下眼前唯一能夠做的，就是去找芷悠
找出最後的結果，不能讓遺憾封住我的未來。
放下一句對不起。
我也踏出了那一步，推出那扇沉重的門。
那白色的房間，再次留下她一人。
一聲再見。
敏怡也緩緩坐起，望向窗邊
摸摸自己的小腹
“以後... 我地兩個人要好好地生活... ”