【還我心願】- 與二家姐一段不可告人的關係 (續篇): 【最終章】：最終結局(完)
（最終篇：上）
放下那封信在枱上，已經知道將會發生的事
關上那大門前，我仔細地看清楚家中所有的物件
那怕只有一點記憶，我都希望牢記於心
因為...
這是我最後一次關上家中大門...
就喺四小時之前，我腦海仍然喺飛機緩媛昇起嘅畫面
由大至小，最後消失於水平線上。
我呼一呼氣
就算口裏說要放下了。心理還是需要時間去放鬆
我慢步至機場快線外的侯車站，望住前方一對戀人
卿卿我我，有打罵，最後仍是抱緊住對方
而我
就只剩下空虛的一對手...
“咚叮───”
突然傳黎既訊息，我打開手機一睇
18:12 “你好，樂晨。我係Wesker，我諗你知我係邊個。”
18:13 “唔好意思，我擅自拎左你電話。因為我覺得有件事需要同你講清講楚”
18:15 “其實...你同芷悠嘅事我一早已經知道... ”
18:17 “果晚芷悠打比我，希望我扮男朋友去你地度食飯...”
18:20 “不過我想講，我真係好想做佢男朋友。我好鍾意佢... 而且我相信絕對唔會比你小...”
18:23 “但好可惜，佢嘅選擇... 就算我接受佢嘅過去，就算佢依家喺我身邊，佢個心都只有你”
18:25 “所以即使我留住佢喺身邊，然後真係可以同我一齊，佢都只有感激，入面唔會有愛。我唔會逼佢，因為我愛佢。”
18:27 “呢度喺我地東京宿舍嘅地址，要點做你自己決定。”
18:30 “唔駛覆返我，因為我會del紀錄。我唔想比佢知道我搵你...”
等候電梯的時間，我翻開手機
再看那一段whatsapp對話。
心情已經激動不已
那段路上，我背上那沉重的包袱
但我的心情從未這般放鬆
我黎緊...
芷悠，等我
（最終篇：中）
把背包一甩，伸一伸懶腰
即使身體已經疲憊不堪。
但我嘅腎上腺依然處於巔峰狀態。
就好似你考試前一晚眼光光訓唔著一樣
不過大家面對嘅，係惡夢；
而我即將面對嘅，係天堂
坐喺座位上，終於可以睇清楚機場嘅面貌
機場內嘅人流不再擁擠，
望了又望，
再放眼於那曾給予我答案的大堂時鐘
不禁竊竊一笑。
因為
時間，不是現在才開始轉動嗎？
“呼~ 好撚凍呀屌......”
我用手蓋住吐出的一口寒氣
由踏出機場嘅一刻，已經想即刻狗衝返入去。
因為我無諗過原來呢邊可以凍成咁
慶幸我件Superdry唔係流，都叫做頂到兩下。
事不宜遲，
即刻打開個電話睇返d 紀錄
抄低咗個地址就開始google map...
“呀呢吉多，呀呢吉多”
司機望住我點頭一笑，會心一笑
但我睇得出，
呢個一定係恥笑黎
無計啦，我都係靠愛情動作片度學架渣...
眼前呢個地方比較偏僻亦唔算市區，
但一幕幕林景峭麗如畫、氣勢逼人
我明白點解佢地會揀呢度住
可惜我無暇理會空花，因為已經看到了
那所稍為樸素的建築物
推開沾了微塵的大門，
寬宏嘅禮堂中心空礦得只要一踏步就傳來連聲回音
“叮── 叮── ”
一段段琴音於前方走廊處傳出
我知道我要尋找的結局快到眼前了...
因為那段，
正是曾經為我而奏的樂譜...
（最終篇：下）
我收起了急速，輕推那道門
嬌柔的背影，滑落至腰間的動人長髮
配合一連串優美的起伏。
陽光亦不忘再次點綴了最後的畫面。
已經美得無法用言詞表達
“返黎喇？ ”
耳朵非常靈敏的她，已經察覺到那腳步聲
“呢首歌好唔好聽呀？我真係好鍾意呢首歌...”
當然好聽...
因為呢首，係你曾經為我而演奏嘅樂曲
只係無諗過...
我可以再親耳聽到...
放慢一小步，
然後從後攬緊她
於耳邊說出那句
“我黎左喇... 芷悠...”
被抱住的她，已經知道了我的決定
雙手也慢慢放開琴鍵
抖震從指尖漫延下去...
直到咽喉聲漫延整個空間
“知道嘛... 曾經我以為要再一次失去你...”
“原來真係好崩潰... 個心好痛好痛......”
“痛到跪喺地下... 腦裏面就只有你......”
“果種感覺好窒息...... 點解... 你捨得要我再次難過...”
你努力地搖頭，那段內疚的啜泣已經告訴我那個答案
其實，你比我更痛苦
（最終篇：終）
“蔣芷悠... 我要報仇...”
芷悠呆了呆
“曾經... 我唔識珍惜你... 到你走左之後我先識後悔”
“然後你再次出現喺我面前... 我應該好好珍惜”
“但... 我竟然又再一次……”
輕輕捉住佢雙手，深情地望住一雙
“所以，以後我會跟住你... 無論你去邊，我都會捉實你隻手”
“從今以後，你就係我老婆，我蔣樂晨嘅女人...”
“我愛你，蔣芷悠”
芷悠歡然地笑，從未見過佢笑得如此美麗
我攬住佢吻過每一寸唇邊。
邊吻著邊叫我傻瓜，然後又繼續那傻笑
那種只屬於她的香氣，我再次感受到了。
“答我，你係我邊個”
這次換你用那雙動人的雙眼，肯定地對我說：“我係你老婆...”
我們把一切的愛付諸這吻
從我的眼角裏閃過，那隱藏暗處的他
輕托一下眼鏡，亦選擇了轉身後退。
相信那一番道謝，你並不會想聽到
然而我仍希望你會找到另一個「她」，
就如那位「她」一樣...
這就是我選擇的那條路
是跨越了道德，是不被祝福，
是放棄了扎根的一切
亦是埋沒了我原來的身份
但卻是我最想要的結果
我沒有後悔，
因為映在我眼裏，就只有這位深愛我的傻瓜...
往後的路該如何走，我並沒有太多打算
因為有你在我身邊，我就能找到活下去的方法。
然後
我們重新曲譜那段凄美的蔣氏情歌吧
把音色調了，或許我們的愛會更美
芷悠，
謝謝你
謝謝你還我心願
還有，我愛你
－ 完 －