【還我心願】- 與二家姐一段不可告人的關係 (續篇): 【最終章】：第五節
（十七）
黑白間的轉換，輕快地
一段前奏隨之響起。
配合琴者優美的神態，早已把眾人的目光牽扯過去。
仍然
是那段久違的旋律，輕悠而至。
帶領人的心靈進入異想角度。
隨之回想起那幻境，恍如在綠茵草皮上遊玩人間。
而我與你牽著的那份愛，既清新、亦無邪
當我樂不思蜀時，
忽然琴調一沉，
換上了狂如雷聲般的震撼。
斷奏間此起彼落，接二連三的無情。
將心靈瞬間帶至極地，墜入萬劫不復的境界。
我輕閉雙眼去感受她的世界，痛苦讓我愁眉。
在尋回自我的漩渦中，我無法逃離......
“叮───── ”
一記弦音，把我送回現實。
眾人回過神來，經已目定口呆，
無不驚嘆那份威力有如天使般的協奏曲。
只能說琴者的實力已到達極致，非凡人所能觸及。
“啪啪啪啪啪──── ”
能回禮的，就只有連綿不絕的掌聲。
我並不驚訝，因為此人的實力我早已知道。
唯一想不到的，就只是她的功力又更上一層樓了。
一輪掌聲後，琴者望向從後台間走出來的男士。
兩人互望對笑，
從眼神中的變化得知，
兩人早已超越了夥伴的關係...
那人拿著小提琴，輕放於頸側，頭稍稍一移。
而我放下茶杯，緩緩站起，把手放進褲袋。
抱歉了... 我已經無法再聽下去
（十八）
天色夜深了，
我企喺地鐵站外面發呆，皆因腦裏面仍然播放住頭先果首樂章...
“哇！！ ”
一雙手從後一拍
呢一嚇，
同果一記弦音一樣，有異曲同工之處。
都係瞬間拉你返現實
不過呢個就驚嚇同痛苦得多。
Christie 表情得意地拉住我手：“老公~ 係咪比我嚇親呢~？”
我碌大雙眼：“係呀~！ 真係又驚嚇又刺激呀~！ 可唔可以黎多次呀~？”
Christie 隨即使出日字沖拳...
今晚，我地同一般情侶一樣。
又係周圍行下，行過服裝店就停低望望。
入去打個round又出返黎。
行到見餓就搵地方食個飯，
坐低傾下計、講下同事壞話...
呢間餐廳裝潢用料都算高級，
配合微暗嘅燈光，整體比人感覺好舒服。
而我同Christie就摸住杯底浪漫地調情。
經過一段甜蜜的時間
我望住對面嘅佢，輕輕捉住佢手：
“我地埋單咯，我想帶你去個地方”
走到海旁，海風微微吹起。
我默默望住海上嘅漣漪
“老公老公，我呢”
“我呢... 想去馬爾代夫嘅Landaa Giraavaru 舉行我地嘅婚禮呀...”
Christie望住我，眼神充滿希冀
“果度好靚呀，我上網睇過d 相真係好靚... 我想同你兩個人喺過度”
“用最浪漫嘅方式結婚，然後過住二人世界。”
佢臉上泛起一點點害羞、眼帶笑意，
配合醉人嘅酒窩...
然而此行，其實另有目的。
我想為我地之間嘅關係做出重大嘅決定
我輕輕捉住佢肩膀：“敏怡，我有d 好重要嘅野想同你講”
（十九）
“敏怡，我唔想結婚住”
Christie嘅眼神止住了
雙眼正視住我的眼球，似乎想尋求我心裏的答案
可怕的是我雙眼只有堅定，沒半點猶豫
“你認真...？”
Christie開了口，餘震卻一連串在她的唇邊搭上
我呼出那一口肯定
“嗯”
“我暫時唔想結婚住”
眼前嘅佢由不得我再說下去
抱緊著自己抖震的身體，低著頭；
那一顆顆露珠從覆蓋面容的秀髮中降下
我不能夠抱住她，因為這時候的擁抱
是最殘忍的
“敏怡... 我愛你... 但我...”
“唔好再講！...”
Christie蓋住雙耳，悲傷的表情已經清晰可見...
我把話收起，就默默看著她哭得斷魂。
亦只能抑壓自己想攬緊她的心情...
“...係咪因為芷悠”
突然的這句話
我黎唔切反應，果種被拆穿嘅心情
令我手足無措，我好驚
點會咁！...
點會...
“...果晚... 你根本唔知我喺你後面睇左幾耐... 你根本... 唔知我跟住你... 一齊喊左幾耐...”
“蔣樂晨......”
“我呢一生最愛嘅人就係你... 點解你... 點解你可以做d 咁嘅事...”
“果個係你家姐黎架... 果個係你家姐黎架...”
呢幾番嘅說話，令我開始哭紅眼睛
對唔住...
敏怡...
對唔住...
“蔣樂晨... 我好心痛... 好似比你用把刀... 一刀又一刀咁... 真係好想死...”
突然Christie用雙手輕撫我嘅面
“記唔記得我講過... 我相信你... 我將我既第一次交比你... 所以到依家...... 我都係相信你...”
撲向前，輕輕地吻過我的唇
“我希望你永遠記得我... 如果我係度跳落去... 可唔可以...”
“唔好救我...”
說罷流露出最後的微笑
敏怡！！！！
（二十）
敏怡捉住欄杆，一腳跨過去
我向前一踏，右臂一伸
“蓬─── ”
一陣海風輕拂而過
我抱住那傷痕累累的身體
抱得很緊，不再鬆開
“唔好掂我... 唔好再掂我... 嗚... 嗚嗚......”
我望住Christie嘅髮背，輕吻那凌亂的秀髮
想盡量讓她冷靜下來
但佢堅持轉身，出盡力氣推開我
甚至用拳頭一拳拳打在我心口...
一拳又一拳...
將心痛傳達比我...
我終於徹底明白...
究竟我對佢造成咗幾大嘅傷害......
佢哭得眼睛已經無法張開
我上前攬住佢，一下子吻下去
我想佢知道我從來無諗過要如此傷害佢
“啪！！── ”
一巴，令我後退了
佢捉緊自己用力揮出嘅右手
“你當我係水泡... 你一直以黎... 都當我係芷悠嘅代替品... 你一直以黎... ”
唔係...
但我無辦法開口，我只敢眼白白望住佢訴說一切的恨意...
“點解你要咁傷害我... 你唔比我死... 咁你想我點做......”
“你可唔可以放過我... 蔣樂晨”
天台嘅畫面
一幕又一幕搬到這裏...
佢轉身，
我拉緊佢衣袖
但這次她並沒有轉身
而是倒在我眼前
“敏怡？？敏怡！！敏怡！！！！”