我要寫出一個好好好好甜既好故事: 第六章 封波拉
「喂,天朗又唔駛咁灰既,
你知唔知道對女仔衰都唔一定係壞事黎?
因為你對佢越衰,佢就會越記住你,
最終你就可以,嘻嘻......」
阿楠又開始佢既最終幻想,雖然唔知係咪真,
但係如果真係咁既話即係我仲有機會?
我一諗到仲有機會就立即血條全回復,
成個人都精神哂,話時話我嗰班啲人去哂邊到?
「喂打手啊!」
籃球場傳來聲音
,我望過去,原來係頭先用簿打頭嗰傻仔係到打波
「阿楠食完未?」
我望住佢仲有一袋撈麵未食
「一陣過黎,你去先啦......」
阿楠成口麵咁同我講野,
唉無計我唯有自己行過去,
睇真啲原來阿威同緊嗰扑自己頭既傻仔嘈緊
「一定係咁啦,自己廢就話人打手~」
「我梁志穎從來上籃未失手過,只不過今次係比你打手先唔入。」
哦,
原來佢叫梁志穎,
我見阿穎好不滿咁望住阿威,現場火藥味好重
「嗯兩位唔好咁樣,打波姐,再黎多次咪知囉?」
做和事佬一向都係我既專長
「你既意思即係我屈佢?」
阿穎捉緊拳頭,仲要好兇狠咁咁望住我,
雖然我唔想搞大件事,
但自問都打過幾場交既我亦唔會怕佢,
「單挑。」
佢無問過我就拎住粒波出三分線
「我開先......」
話都未講完就衝左入黎,
我都唔知發生乜事,
就聽到「唰」一聲.
「ankle breaker!!!」
唔知幾時過咗黎既阿楠大聲講啲我唔明既英文,
只係見到阿穎又行出三分線唔知做咩
「你不如聽我解......」
話都未講完佢直接原地跳起,
出手清脆利落,
「唰!」
正當阿穎享受眾人既歡呼聲時,
「你頭先踩界,兩分黎。」
阿威好冷靜咁講
「天朗,你試下唔好比佢入到波。」
阿威對住我講,
點阻佢啊切入得咁快,
射球又準,
「呢球係最後一球。」
阿穎對住我講,
充滿挑釁意味,
雖然其實我全程唔明佢講乜,
不過見佢直接衝入黎,我就跟實佢啦,
我見佢將粒波放上去,
諗住以插板既形式入網時,
唔可以比佢入波!
我記住阿威既呢句說話,
亦唔理有冇規矩,
我本能就一野打走嗰波,
「扒!」
只聽到球邊傳來哄動既聲音
「Oh......big block!」
只係望到阿威好似好興奮,
阿楠就係到亂叫,
阿穎好似對呢個結果難以置信,
我諗應該係犯左啲咩規
「唔好意思,我頭先咁樣打走粒波應該犯規,你重新開過啦」
我講完之後阿穎既情緒不但冇平伏,
反而更加激動,仲啤到我實一實,
犯規姐,我又唔想既,
「喂阿朗你做乜野講犯規?你頭先都冇犯規,係一下Clear block 黎......」
阿威好無奈咁望住我,
阿穎拎住粒波行去三分線,
突然又衝入黎,
總之要阻止佢入波,
我堅信呢個原則,
我見到佢係拍波之間有破綻,
我一手拍左個籃球,
弊,好似又犯規,
唔記得唔可以拍走人粒波添
「wow,阿朗你今次偷得靚,冇犯規架,出左三分線先。」
阿威大喊,
哦,
原來拍走人粒波唔算犯規既......
我雖然之前未拍過籃球,
但係頭先見到阿穎拍波之後,
我都大概有少少頭緒,
頭先佢係用左邊...無錯就用左邊隻手拍波,
於是我就試下啦,
咦原來只要掌握到節奏,
拍波並唔算得上係一種難事
「阿威原來你用左手拍波架?果然有特別嗜好.....」
阿楠真係乜野都諗到咸濕嗰方面,
但係用左手拍波有幾出奇?
「上籃啦仲望!」
阿威提醒我,
上籃?
唔通就係頭先阿穎衝過黎放落波上去?
我有樣學樣,拍住波衝過去,
喺阿穎拍走我粒波之前我用雙手捉實,
右腳,
咦佢阻住左我?
情急之下我向左邊踏左腳,
同時身體向左邊擺脫阿穎既防守,
唔知點解阿穎冇跟上黎,
我就將粒波推咗上去,
粒波係個框到打轉,
一圈,兩圈......
隨著「唰」一聲落網,
於此同時,
小息完結既鐘聲亦同時響起......
「唔好再吹大啲,第一次打籃球既人又點會識封波拉,
又識偷波,仲要識閃電步?」
阿妹得閒就會陪我睇波,
所以佢對於籃球都有少少認識。
話時話,之前有一次打波嗰陣,
我封左阿威粒波,之後阿楠就大叫
「封波拉!」
雖然唔知咩意思,
但係「封波拉」已經成為我地之間封阻既代名詞,
「唔好信囉,同埋我嗰招並唔係閃電步,
而係鬼之切入。」
我份人唔鐘意普通既打法,
所以我第一次見到Manu Ginobili華麗既打法,
加上飄逸既長髮,
所以佢已經自動成為咗我打波既學習對象,
當然隨著歲月既洗禮,
Ginobili既頭髮,
無錯就係男人最痛,
已經所剩無幾,
但係佢變幻無常既腳步,
鬼之切入,
已經成為左我既慣用腳步,
雖然成日過左人之後大空檔抄粉,
但係偶然一兩球,
已經可以引起全部人既歡呼,
「阿哥,我已經決定左,如果你仲未寫到甜嗰部分,你今晚就乜都唔駛食了。」
阿妹幸災樂禍咁走去廚房,
哇今晚煮西班牙意粉啊,
我嚴重懷疑阿妹係去左偷人地既廚譜,
點解我會咁諗?
因為佢煮既意粉好食到一個點!
老實講,
有出面大廚既水準,
「唔好啊阿妹求下你大發慈悲,可憐吓我呢嗰孤兒仔呢.....」
我大聲哀叫,只聽見阿妹無盡既笑聲
踏上這無盡旅途 過去飄散消散失散花火......
「無機啊,你拿拿林作完甜嗰部分比我當甜品之後,
再視乎本小姐嘅心情而決定,哈哈哈......」
點解我會咁可憐架?
人做作家我做作家,
做到我連生存權都冇,
點解?
我望一望嗰肚,
為咗見到聽日既太陽,
做太陽既後裔溝死女,
我今晚一定要作埋甜嗰部分!