我要寫出一個好好好好甜既好故事: 第七章 一切由調位開始
「你叫咩名?」
背後傳來阿穎既聲音
「知又點?」
我亦不想同佢糾纏
「擊敗過我既人,我都要知道佢地嘅名。」
真係好奇怪既人,不過我鐘意呢種性格!
「陳天朗,你可以叫我做阿朗,而我已經知道你既名了」
我回頭一望,
並展現出我既招牌笑容
「行啦你想溝仔啊?」
阿威喺樓梯口叫我快啲上去,
又係既,話哂miss Ip既課係唔可以遲入班房,
如果唔係就成堂罰企
「今日我地教對稱......」
弊始終都係遲到添,
miss Ip 見到我地之後,
呆左一呆之後,
就繼續講書,
好彩冇事!
正當我諗住坐低嗰陣,
「咦,同學們,我幾時話你地可以坐低?
我應該有講過,遲入班房要罰企掛?」
miss Ip 雖然唔係新老師,
但係聽高form講,佢都係上年黎教書,
第一年嗰陣,miss Ip 由於軟弱既態度,
加上魔鬼既身材,天使既面孔,
成日會受到高form男仔既言語挑逗,
起初其他女仔都反對,
但漸漸都加入埋一份,
上堂開miss Ip 既玩笑,
有次仲搞到miss Ip 喊,
但之後既miss Ip 報左啲唔知咩課程之後,
就變成左一個冷豔,高貴既女王,
之後每逄miss Ip 上既堂都會被稱之為,
「女王的教室」,
我望住阿威,阿威又望住阿楠
「miss Ip,你咁靚女,大人有大量放過我地一次啦好冇?」
阿楠又用佢平時既說話諗住氹掂 miss Ip,
「好,咁麻煩同學舉出對稱既例子比各位聽,咁你地兩個就可以坐低。」
睇黎阿楠既說話成功軟化咗miss Ip 既態度,
正當我地諗住留低個陣
「人體,人體理論上係對稱既,
例如女人既波,理論上黎講係對稱既,
不過現實就無咁完美,
通常都會一邊大一邊細嘅......」
阿楠越講越興奮,
而班上除左少部份既女仔,例如winkie同阿瑩,
同埋全部男仔之外,
班上既女仔塊面都紅哂,
而miss Ip則顯得不知所措
「你...你同我企去後面啊!仲有你地!」
miss Ip 難得用尷尬的聲線罵人,
相信阿楠聽到之後一定有哂反應,
因為我都差啲忍唔住,
不過我心入面已經有阿瑩,
於是我地就企左喺壁報前面,
互相望住大家,
心裏面竟然有一種說不出既爽快,
正當miss Ip 諗住繼續教書,
班房門緩緩打開,
只見到黝黑既手臂伸入黎
「阿穎,呢邊啊,留左位比你啦!」
阿楠向著門口大喊,
果然係阿穎,
miss Ip 再忍耐唔住
「黃家楠,你一陣落堂同我留低!」
我望住阿楠,
只見佢一臉猥褻,
我開始有少少擔心miss Ip 既貞操
「阿朗?今日放學籃球場等。」
我望向右邊,原來係阿穎,
我冇諗住應承佢,
不過放學之後比人夾硬抬左去籃球場,
就咁開始我人生第一場唔正式既籃球賽
「喂,阿楠,miss Ip 點罰你?」
阿威好奇咁問
「冇,佢可以點對我姐?咪叫我聽日小息罰企囉,我有機會一定要懲罰佢......」
阿楠又開始佢既幻想了
「食屎啦你!」
阿穎一個波飛埋去,
「哈哈!」
阿楠用單手接住粒波,
似乎阿穎仲未接受到,
我地咁純潔既思想,
不過相信假以時日,
佢就會比我地感化架啦......
喺球場同埋班房之間穿插,
時間過得特別快,
轉眼間就過左一個月,
我地對彼此之間亦越黎越熟悉,
最重要既係,
終於有得調位啦!
「各位今日我地就要調位,汁好自已既行李...」
此時由於班上的人已互相認識,
因此頓時笑聲不斷,
「安靜,汁好書包既同學出黎。」
miss ma 嘗試控制班房的秩序,
但其實我地已經同miss ma 玩到好熟,
所以都冇乜點理,
不過,
大多數人對於新既座位總係抱著一絲的緊張,
甚至係希望,
「swimming key 話哂都同你坐左成個月,
你有冇咩心上人啊?我幫你同miss 講聲呢?」
同winkie 相處左一個月,
發現佢除左好玩得,份人心地都好善良,
可惜呢個係一個睇外表既世界,
如果唔係我都想同winkie坐隔離,
上課冇野做就講下笑話,八卦野,
「算吧啦你,我有男朋友架啦,佢又有錢有令仔,
點似得你呢個毒男咁,成個月都冇行動。」
winkie 點知?
你都知啦,
我上課成日望阿瑩,
但係winkie 又成日阻住哂喎,
咁有一次咪叫佢借歪囉,
結果佢就知道了,
「你找到未?」
我問winkie
「找到咩?」
winkie好疑惑咁望住我
「泳池既鎖匙。」,
講完之後我瀟灑企起身,
拎起書包,
行咗出去,
不帶走一片雲彩,
漸漸所有人都行左出去,
係人群中,
我眼中只有嗰嗰特別顯眼既青色書包,
天啊,
一定要比我同阿瑩坐!
「阿楠,你坐嗰到」
由於身高既關係,
阿楠坐喺第二行最後一個位,
「阿瑩,你就坐嗰到啦。」
全班既男仔都全神貫注,
留意住阿瑩既一舉一動,
最終佢坐咗係
第三排第四個位,
重點係,
佢隔離仲未有人坐,
「天朗,你坐嗰嗰位。」
唉,差少少,我坐左落第二行第三個位......
「阿哥你今日唔駛諗住可以食我煮既意粉架啦!」
阿妹係我旁邊睇完之後嬲爆爆咁走去廚房
「阿妹你睇埋先啦,我仲未寫完架......」
各位讀者唔好咁快寄刀片住,
依家啲後生仔真係心急......
「天朗,你今日冇食早餐啊?我講緊嗰嗰位啊。」
miss ma 提醒我的同時,
亦令我成為全班既笑點,
不過我發現,
原來我,
坐阿瑩隔離!!!!!
你班賤民即管笑,
只要可以抱得美人歸,
面子?
我可以捨棄!!!
我望到班上其他男同學既眼神,
除左怨恨之外,
更有嗰種哀莫大於心死既感覺,
但係我漸漸發現,
我塊面又開始西了,
相信唔講人地仲以為我唔想同阿瑩坐,
我唔知點解特登坐得離阿瑩好遠,
正當我諗住同阿瑩打個招呼,
多多指教之類嗰陣,
「你好憎我?」
阿瑩用得我聽到既聲線問
「唔...唔係,只不過我有陣時會好緊張,多...多多指教。」
原來阿瑩咁樣諗,
阿瑩啊我點會憎你呢我仲好愛你添,
當然我咁既性格係唔會將心底既說話講出口
「你對winkie唔係咁架wow,唔通你...鐘意我?」
阿瑩如果再用咁挑逗性既語氣同我講野,
我驚我會當堂推倒佢,
「你諗多左。」
我只好以冷靜既語氣黎掩飾我既情感?.
「真係可惜...你呢份人幾有趣,同我之前識既人有少少似。」
阿瑩望住筆袋上既鬆弛熊吊飾,
眼中閃過一絲既依戀,
似乎阿瑩有一段不為人知既往事,
不過我冇打算問,
我希望佢可以自己同我講,
不過佢仲未係我邊個,
所以我都係安份守已咁樣氹阿瑩開心就夠了,
因為頭先佢對住我笑既時候,
我已經決定左,
以後既心願就係阿瑩可以日日可以都咁開心......
「我問你,地下有一封信,
係屬於一心,一凡定係一順?」
我問阿瑩,
不過佢唔睬我,
「答案就係一凡,因為......一帆風順,哈哈!」
我忍唔住為自己既幽默而發笑,
可惜阿瑩並唔領情,
不過唔緊要,
係之後嗰一個月,
我會努力氹你笑,令你開心......
「算係咁啦,你自己去廚房拎黎吃啦!」
阿妹睇完我寫既野,
滿意咁行返房玩跑online,
而我伸個懶腰,
走去廚房拎起碟意粉,
真係好香,
我一邊享受意粉,
一邊檢查有冇錯別字,咦,呢到有個錯字喎......
____________________________________________________________________________________________________________________________________________
致第一個liker:
呢個甜品掂唔掂先?
雖然唔算太甜,
但都應該食得落肚掛?
遲左十分鐘添,
原諒我haha~